مشكلتي مع ابن أخوي ساعدوني

الأسرة والمجتمع

السلام عليكم...
تبدأ مشكلتي مع ابن اخي عمره 12 سنة يحب المشاكل جنب ابوه مايعمل شي وبس يطلع ابوه يهاوشني ويقول لأ مه ضربنتني وانا ماضربته مرة انا نايمة وأخوي مسافر تهاوشت أختي مع ولد اخوي بس جلسة من النوم هاوشوني اقول لهم والله انا مظلومة مالي خص اختي متشهاوشه معاه وبس رجع اخوي من السفر أكيد زوجة اخوي قالت له جا لي مابقى الا يذبحني مألفين علي كلام بس عشان اخوي يهاوشني حسبي الله على الظالمين واخوي وجه الكلام لي صرت في حاله غير طبيعيه يكذبون عليه ويصدقهم ويجي يهاوشني ذاك اليوم مابقى الا يضربني وانا خايفة صرت في حالة انهيار وايديني ورجولي ماأقدر احركهم خفت كثير وهي شو سوت قالت لأخوي ودني بيت أهلي والساعة 1 من الليل اخوي يرجعني واكيد اخوي طلع من البيت مخططه عدل دائماً اقول لهم نصحوا ولدكم دائماً يسبني ويهيني
لانه موطبيعي انا عمته واكبر منه ويسبني ويلعني تعاملت معاه بالطيب مافاد واعطيته العين الحمرا مافاد شسوي احمد الله انا جا لي ولد الحلال مشان اطلع من بيت اهلي اولواني صغيرة على الزواج بس نصيبي جا امي تقول صبري السنة الجاية الزواج بترتاحين من ولد اخوك عاد انا اقول يمكن فيه حاله نفسية شو سالفته والله مادري ولايسمع نصايح احد يقهر........
28
3K

يلزم عليك تسجيل الدخول أولًا لكتابة تعليق.

تسجيل دخول

منوره الأموره
اهم شي حبيبيتي لاتكبرين الموضوع ولاتزعلين
عيال هالوقت الله يهداهم مايحترمون احد
اهم شي لاتحقدين على الولد تراه طفل
وتبين نصيحتي حاولي لاتحتكين بالولد بالمره
وجيبي له هدايا بس لاتطيحين ميانه زايده معه
انا اكبر من ولد اخوي بواجد
كنت العب معه واتحرش فيه ويقوم ويضربني
تخيلي طفل صغير ويضربك زي الكبار
بس عرفت شلون اتعامل معه
اول كبرت راسي
وصرت اعامله عادي كاي طفل
والله يفرج همك
راغدة111
راغدة111
وسعي صدرك بتعرسين وتفتكين منه بس اهم شي يحترمك قدام زوجك وعيال ذا الوقت انعدمت التربية
توته الحبوبه.
توته الحبوبه.
الله يعين امه وابوه
هم اللي بيبتلشون فيه وهاذي تربيتهم
فيه مثل حكيم يقول ::

(من جد وجد ومن زرع حصد )

بكرا راح يحصدون ثمار تربيتهم الخايسه

اللهــــــــــــم لاشماتــــــــــــــــــه

ولا انتي الحمدلله مصيرك بتطلعين
وبتصير لك حياتك المستقله
وربي يرزقك اطفال تربينهم على الادب والاحترام
والدنيا دواره بكرا راح تشوفينهم يتشكون لك من ولدهم
فلاتشغلين بالك فيه دام ان اهله عاجبهم تصرفاته[
Colors
Colors
مافي أحد يرتاح له ولد اخوك

ممكن يتكلم معاه ويشوف إذا عنده مشكلة

وممكن يتكلم مع أخوك ويقوله ما يصير ولدك يكبر وهو كذا

لازم يحترم الأكبر منه وخصوصا انتي عمته

وهو ترى لسه صغير يعني انتي حاولي تشوفين هو ايش يحب ايش اهتماماته ليش هو كذا

وتدخلين له من الأشياء الله يحبها

وان مانفع تطنشين ولا تحتكين فيه

ولا تنسين تدعين له الله يهدية ويصلح باله

وإن شاء الله يكبر ويتغير وانتي تتزوجين وتتوفقين
بنوتة باباا
بنوتة باباا
ولد اخوك بعده صغير .. وعجينته لينه ممكن امه وابوه يشكلونها مثل ما يبون

اذا طبعه شراني .. اذا انتي ابتعدي عنه ولا تحاولين تعلمينه يحترمك لان هذا شغل ابوه وامه

واذا هو من النوع العنيد اللي مايسمع لهم فهذي هم بعد مشكلتهم مع ولدهم وراح يعانون منها

اما انتي اشتري راحت بالك وابعدي عنه ولا تحتكين فيه لين ما يكبر ويعقل

لكن لا تكرهينه لانه طفل ومو مسؤول عن تصرفاته .. بطريقة او بأخرى اكسبي وده ولا تعاندينه او تتحرشين فيه لان طبعه صعب

والله يسخر لك اخوك ولا تلومينه وحطي في بالك ان هذا ولده قطعه منه واكيد قلبه يحترق من يسمع شي عليه

صحيح هو غلطان لانه يسمع من طرف واحد وما يوزن الامور صح .. بس بامكانك توصلين له هالمعلومه بدون صراخ او عصبية
بالتفاهم فهميه هالشي ووضحي له الامور اللي غايبه عنه عشان تكسبينه ... بالنهايه هذا اخوك


وصدقيني بكره الولد يكبر وتقعدين تضحكين على هذي الايام