السلام عليكم ورحمه الله وبركاته
كيفكم يابنات حواء ؟ ان شاء الكل بخير
راح ابدأ في الموضوع على طول
انا ادرس في الكليه وتنزل لي مكافأه مقدارها 950 وبعض الاحيان 1000
المهم انو ابوي صار يقولي انتي اصرفي على نفسك
وانا مره انقهر مو بخل في نفسي لكن هو يصرف على اختى ويعطي جدتي فلوس والحمدلله حالتنا تمام ومبسوطين مو ناقصنا شي
يعني في العيد هذا قلي انتي اشتري لنفسك
وكل شي ابغاه منو يعطيني لكن لمن اسحب المكافأه يقولي يالله اعطيني حقي
لدرجه والله بعض الاحيان اكون محتاجه مصروف لكن ما أطلبه مو عشان اني ما ابغى ارده له لكن عشان انقهر لمن يقولي حاسبيني يحسسني اني ماني بنته
والله المكافأه تروح 400 للباص و100 للنت واللي يبقى للكتب والملخصات وانتو عارفين الكتب غاليه وادا كانت عندي مناسبه لازم فستان وكمان هي مصرف لي في الكليه
حتى والله العظيم كان عندي زواج يقربلي واشتريت فستان لي من فلوسي ودفعت لامي جزء من مبلغ الفستان حقها المهم قالوا عماتي انهم بيسووا عند الكوفيرا
وانا رفضت لانو ادا قلت لابوي راح يقول ادفعي لنفسك وانا المكافأه يالله تكفي مع الرغم انو امي واختي راحوا الكوفيره وانا والله مارحت
وادا مثلا اخد مني فلوس وجاء وقت وانا محتاجتها يزعل مني ويجلس يقول تقعدي تحاسبيني انتي
وادا مثلا قالي اشتري شي وانا اقول لا مره غالي يجلس يقولي انتي مره ماسكه على الفلوس واجلس مقهوره على دي الكلمه
وادا سحب مكافأتي وقلت له اعطيني ياها يقولي ليش خايفه ماترجعلك
وبعض الاحيان يجلس يدقني بالكلام لانو اخوي اشترى لامي جوال فأبوي يجلس يقول انا مين بيشتريلي هو يقصدني انا
وانا والله ماعندي جوال لنفسي الجوال اللي معي حق اخوي
مره الرغم لمن يكون عندي فلوس ما اقصر قد كم مره عشيتهم مو اي عشاء والله اخذ لهم العشاء اللي يحبوا
ومره كنت رايحه اشتري كتب اخدت معايا 300 ريال واخدت كمان 500 احتياط لو نقصت الفلوس
المهم صرفت 300 وبقي منها 80 ريال و500 ماصرفتها وبعدين لمن رجعت البيت قال لي تبي 80 او 500 وقتها حسيت بالاحراج
قلت اكيد 500 و80 خدها لك لانو لو قلت ابغاها كلها راح يزعل ويزعلني ويضايقني معاه
مع الرغم انو اعطيتوا 80 وما كان عندي مصروف لي و500 في الكليه ماتلاقي لها صرف
بالله قولوا لي ايش اسوي صرت والله العظيم معد اطلب منو شي عشان لايقهرني بكلامه
وادا طلبت منو حقي يزعل ويجلس مقهور مني وانا انقهر زياده
لدرجه حتى اخواني يحسيسوني اني بخيله
وادا مثلا اشتريت شي للبيت عشاء او غيره يجلسوا يدقوا بالكلام
بلــــــــــــــــــــــــــــــــــيز ساعدوني الله يسعدكم ويرزقكم الجنه
يلزم عليك تسجيل الدخول أولًا لكتابة تعليق.
كوكتيلات طازجه
•
ياختي مادري بس كلمي امك تكلمه ليه التفرقه يعطي اختك وانتي لا
وسعي صدرك هاذي عقلية قديمة
بس ليه ماتقولي له وتفهمية ان لك مصاريف وماتغطي
وامك ليه ماتتدخل بالموضوع
بس ليه ماتقولي له وتفهمية ان لك مصاريف وماتغطي
وامك ليه ماتتدخل بالموضوع
يالله .. لها الدرجه يذل نفسه وحاط نقره من نقررك الله يكون يعونك حبيبتي وعليك بالدعاء وحاولي تدخلين امك بالسالفه ممكن انها تحل المشكله ,, وتصير فلوسك خاصه لك اما المصروف والسوق من عنـــــده,,
ماما جنى
•
كلمي امك اوجدتك او اخوك يكلموه ويفهموه الله يهديه وانتي لاتزعلي نفسك حتى لو ياخذها كلها ان شاء الله في المستقبل ربي يعوضك على صبرك
الصفحة الأخيرة