مشكلتي مع ابوي وتعبي معه

رايكم ب الاب الي ياخذ منك فلوس وينفقها على زوجته وابنائها
علما بان علاقتك في ابنائه وزوجته سيئه والابنلء عندهم وظيفه وتجاره وغيرها ولكنهم يستغلون برك بابوك ويحققون مطالبهم عن طريق ابوك
وانتي بنفس الوقت تحنين ع ابوك كونه كبير بالسن وعنده سكر وضغط وهم مومخلين معه فلوس ودايم مامعه شي ومخلصين فلوسه اول باول ويبقى بدون فلوس فياخذ منك وينفق عليهم
ووضعهم المادي كالتالي
الابن عنده وظيفه الثاني يبيع ويشتري والابنه مكافئه جامعه والبيت ملك والاب دخله الصافي ٥ الاف بدون القروض الفين
يعني مجموع دخله ٧ الاف ومع ذالك دايم يشكو الفقر ومحتاج ويعاني من ضغط وسكر ومتعب من كثره طلبات زوجته وابنائها ولايستطيع ان يرفض لهم شي لانه يحبهم بشده
واذا طلبك واعتذرتي يزعل منك بس بطريقه غير مباشره يعني يعاملك بجفاء وماعد يسولف معاك زي الاول ولايجلس معاكم انتي واخواتك ودايم يشكي الفقر وقله الحيله لدرجه انك تبين تجيبين له احتياجاته مثلا علاج تشترين له ولانه زعلان يرفض يقول خلاص انا تدينت من الصيدليه لانك ببساطه رفضتي تعطينه فلوس ينفقها على زوجته وابنائه وانتي بنفس الوقت محتاره تبين البر وبنفس الوقت ماتبين حد يستغلك علماء بان زوجه الاب اذتكناكثير كثير فوق ماتتصورون




شي ثاني بستشيركم فيه عندي اخ مريض وتعبان نفسيا وهو شقيقي وموساكن معنا والحكومه ماتقصر يصرفون له مبلغ مالي شهري ولكن الاب ينفق فلوس اخوك ع زوجته وابنائه ويجلس اخوك من غير مصروف والاب عارف انك انتي واختك تحنين ع اخوكم المريض وبتعطونه من عندكم وتصرفون عليه وزوجته وابنائها يستمتعون بمال الاخ المسكين يعني ياخذون من فلوسك بطريقه غير مباشره وهذا كله من زوجه الاب وطلباتها الي ماتنتهي وابنائها دايما مايصرفون عالبيت ولاعلى انفسهم ومعتمدين اعتماد كلي على الاب حتى الدخان يشتريه لهم ويتدين عشانهم ووضع الاب الصحي محزن ووضعه محزن وش تسوين بهالحاله




شي اخر لوعندك سواق وهالسواق استقدمتيه بمالك انتي واخواتك وجبتي سياره عشان يخدمكم يوديلكم دواماتكم واغراضكم ولكن اكتشفتي ان ابوك يرسل السائق يخدم زوجه الاب وابنائها ويروح يشتري احتياجات اخوانك السباب من دخان وغيره ويرسلونه دايما لكن هم مايكلمونه كل شي عن طريق ابوك




واذا تكلمتي وقلتي لابوك زوجتك وابنائها عندهم سيارات ٣ ويقدرو بخدمو انفسهم ويشغلون سياراتهم يزعل ويتهمك بالعقوق
علما انك قلتي له سيارتي وسواقي تحت امرك تبغى ترسل السواق لاي شي يخصك ابشر وحتى ميتشفى او ورشه اواي مكان حلالك بس هي وابنائها لا لانه جانا منهم اذى عظيم مايعلم به الا الله سبحانه ولواكتب لكم يبي لي مجلدات
والاب صار يرسل السواق يقولنا ابرسله يجيب لي دخان وهو بالاساس يرسله يشتري لهم اغراض كرتون ماء واشياء لابنائه ويتحلف بالسواق انه مايجيب سيره لنا والا راح يسفره والسواق قالي بالحرف ان الاب توعده وعيد شديد لوعلمنا لدرجه ان اختي من زوجه ابي كانت تروح بسيارتي ومع سواقي لجامعتها يوميا والبنزين علي ونا مادري ابوي متحلف بالسواق ومنبهه مايتكلم واكتشفت بالصدقه وهالاخت ماخلت شي ولاقذف ولااذى الاوسوته لك ولاخواتك مثل امها
الحل يابنات