ترى ابوك صح
الحياة تبي المجاملة
تبي تغضين الطرف احياناً
تبي التسليك
تبي بعض التنازلات
اذا ما صار هالشيء راح يكثر الجدال والخصام والتفريق بين الناس
الدنيا موعلى الكيف ولا كل ما نبيه نحصله ولا كلام او رأي يعمم ولازم يكون صح
فيه شيء يصلح لي ما يصلح للثانية حسب البيئة والظروف والحالة
ابوك الله يخليك له يمكن جاملك وتحسبينه معك وبعدين رجع فكر وشاف ان الصح بكذا وكذا وتراه حكيم الله يخليه لكم
ارجعي سريعاً له

و الله ابوك لو كفر لا سمح الله مو من حقك تعاملينه معالمه سيئه
فما بالك و هي مجرد افكار استغفري الله و عاملي ابوكي افضل
من اول و خذي العبرة من قصة ابراهيم عليه السلام
هذولي والدين تعرفين وش معنى ذا الكلام .... الله اقرن رضاه برضاهم
فكري شوي قبل لا تقترفينغلطه تندمين عليها العمر كله و كما تدين تدان

أنا فهمت إن أبوك كان ينصحك قبل ويحثك على أمور ومع مرور الوقت صارت عندك من الأشياء الثابتة ..
الحاصل قربك من أبوك وفهمه لك حسّ إنك كبيرة وعاقلة ومتزنة .. حب يوضح لك إن الأمر دائما فيه سِعة .. وكان المفروض كملتي الحوار معه الله يطوّل عمره .. لحد ما توصلين لإقناعه أو يتوصل لإقناعك .. لا تعتبرين اختلاف شخص معاك مثل هجوم شخصي عليك .. فكيف إذا كان المختلف معاك .. أبوك
أرجوك لا تتركي لحظة وحدة يكون فيها أبوك حزين بسببك واستغلي كل فرصة لتبرّي فيه وتتقربي له .. حتى لا يأكل الندم قلبك بعد فوات الآوان ..
كوني دائما قد نختلف ولكن لا نفترق
بمعنى .. يكون بيننا اختلاف ..لكن .. لا خلاف
أسأل الله العلي العظيم أن يشفي والدك ويطيل عمره وجميع مرضى المسلمين والمسلمات ... ويهديك إلى ما فيه خيري الدنيا والآخرة ..

شكل ابوك يعطي الاولاد ويفضلهم بالعطيه اكثر منك وانت تحسستي من هذا الموضوع لانك حسيتي انك ماكوله مذمومه وانهم وهم ما يهتمون يوصلهم الرزق ؟
ويمكن عنده نظرة بدائية للتفريق بين الولد والبنت بطريقة او اخرى ؟
^^^^^^^^
اذا صح علي اقري ردي
حبيبتي صلاتك من بيحاسب عليها ؟ استغفارك في صفحتك او صفحة اخوانك ؟
صدقتك او أي عمل صالح تسوينه فيه احد بيشاركك فيه يوم القيامة او بيكون خالص لك ؟
هذا هو برك بابوك وامك
تراهم جهاد والشيطان لقى عليك مدخل موجع لقلبك الحساس وتلاقينه مبسوط الحين بتركك البر
كان مغبون ومقهور لانك تسوين فضيلة وجالسة تجمعين اجر
حبيبتي تعوذي من الشيطان واعملي لاخرتك وخلي تعاملك معهم لله وفي الله
وبكرة كل انسان يتحاسب
الحمدلله يمكن ابوك فيه صفات احسن من اباء غيره كثير متخلفين ما يهتمون ومهمشين عوايلهم
وبعضهم حتى السنة الدراسيه ما يدري باي سنه
فانت غضي الطرف ما فيه انسان كامل وهو كأب = > وكأنسان من جيل معين = > متربي على يد جيل آخر
اكيد اثر عليه
يالله قومي وتعوذي من الشيطان وحبي راسك ابوك الله يخليه لك بكرة لو صار له شي ان تجري دموعك وتقولين ليته يرجع ساعه اجلس بحضنه

الاب لو يصير إيش منه لو كان سارق ومنافق وما يصلي

حبه وحقه علينا ما يتغير

الله يطول لنا في أعمارهم يارب