يابنت الحلال اكسبي الاجر فيه وربي انهم بركه

حطي نفسك مكانه لو كبرتي وصرتي تسووي كذا ترضين ان عيالك يرمونك ولا تبينهم يهتمون فيك

لاتساعدين زوجك على عقوق ابووه اذا انتي ماتبين تمسحين قوميه هو يمسح بس لاتقولين رح جبله خادم

اكسبي اجر ترى الدنيا دواره واليوم ليك وبكره عليك

أختي تأقلمي مع الوضع اشتري قفازات اللي لأستعمال واحد ونبهي عيالك يساعدونك متى ما تبول على طول ينادون أبوهم ولا أنتي تاخذونه الحمام المكان اللي هو فيه غطيه بمشمع وبعدين اذا خلاص ما يقدر يتحكم في عمليات الأخراج استخدموا له حفاظات الكبار . أهم شيء لا يسمع منك ألا كل كلام طيب ولو كنت تشعرين باللوعة والقرف مش علشانه ولا علشان زوجك علشان رب العباد ولأن الدنيا سلف واللي بتسوينه اليوم بيرد لك بكرة والله يعينك ادري الموقف مهوب سهل بس أحنا نقدر نغير من ذواتنا والنفس دنية ما تشيخينها وأنا أختك .
ونفس الكلام لزوجك مفروض له دور أكبر في العناية بوالده .

احتسبي الاجر عند الله وووزوجك ماشاء **** بار بابوه لاتحرمينه الاجر واشتركي معه في الاجر واللي مافيه خير لابوه مافيه خير لك

الحمد لله رب العالمين يارب تحسن خاتمتنا ولاتحوجنا الى احد من خلقك ,,صدق وضع هالعمر شين .

بس بجد المفروض بناته واولاده اللي يتحملونه ويشيلونه , انتي بنت ناس ومسؤولة تبرين بوالدينك , مي مسؤوليتك التنظيف ورا ابو زوجك ولا امه وتحمل مشقة خدمته , يبي يبره ياهو يقابله او يجيب له عامل او ممرض يخدمه ويقوم بشؤونه ..

ولا اللي جايه تقول طلق مرته لانها ماتحملت ابوه , وشايفه تصرفه صحيح وبطولة , الحين يايبر ابوه ببنت الناس ولايظلمها ان رفضت ,, مستعبدينها يعني .
ماادري ليه في ناس يفكرون هالمره اللي ياخذونها المفروض تصير خدامه له ولاهله , ولا الطلاق حلال فيها , من اي شرع سانين هالسنة .