ماعرف بدا مواضييع
بس اللي لاحظته بهالقسم كل وحده تفتح موضوع وتكتب مشكلتها تبين تتزوج متطاقه مع زوجها او اهله او تبي وظيفه او شاكه في شغالتها <~ متابعتكم وادعي لكم والله من كل قلبي احيانا برد واحيانا ادعي واطلع الله يتقبل
عاد دوري بقول لكم مشكلتي بما اني عازبه ماعندي مشاكل مع رجل ولا اهل رجل وشغالاتنا ترفع ضغطي احيانا بس ما اعطيها اهتمام بتفكيري لان اخواتي يتولون المهمه
طبعا مشكلتي مع تاخر الزواج مثل نص البنات الله يرزقناا عاجلا غير اجل يارب ماتنتهي هالسنه الا واحنا في بيوت ازواجنا
يوم كنت صغيره ماكنت اتخيل اني بكبر وابصير اخاف من هالقطار لايمشي مادري كان عندي احساس بتزوج في الجامعه والله كان احساس عجييب من اول مادخلت وانا خلاص متعشمه ومحدده كل شي في بالي ومن بعزم وطقاق انا وابوي بكبر عرسي وهو يقول لا تعرفت فيها على 5 بنات وحده تزوجت واحنا ندرس وخلصت السنه الاولى لاشميت ريحه عرس ولا معرس وتملكت وحده ثانيه من الشله وهي اقرب وحده لي الله يوفقها ويسعدها مره احبها هذيك الانسانه مرره فررحت لها ..
وبدت السنه الثاني وصاحبتي اللي تملكت معد صارت مره معنا كل بريك تستغله تكلم خطيبها وتعرفت على بنتين ثزياده على الخمسه بس الخمسه هذولي شلتي الدائمه وبرضوا هالسنه متاكده ان عرسي في العطله واشوف الروضه اقول بدخل عيالي فيها <~ خخخ انرحم وخلصت هالسنه وبرضوا ماشمينا شي
وتزوج صاحبتي اللي مره الله يوفقها وتزوجت وحده من البنتين اللي تعرفت عليهم بعد الله يوفقها وصديقتي اللي متزوجه حملت
وبدت السنه الثالث وانخطبوا فيه صديقاتي الباقيات كلهم ومع قريباتي اللي كبري الله يوفقهم ويسعدهم انا هنا حسييت لازم اتزوج معهم :44: صديقاتي اذا جلست معهم كل سواليفهم شريت وفصلت وحجزت والمتزوجات انا شريت كذا وكذا انا كنت اسولف واقولهم وكذا كنت احس اني بنخطب معهم وابتزوج معهم وكنت اركز في السواليف بس كنت احس اني بنخطب اخر السنه <~ احساساتي زي وجهي :42:
وخلصت وتزوجوا الله يوفقهم في الاجازه اللي تزوجوا فيها تحطت نفسيا مو عشانهم تزوجوا لا عشان حسييت ان ماعندي سالفه انا واحساسي :(
مع العلم كنت اكثر وحده قلبي يتقطع على العرس لاتقولون كرف وغثا ادري بس كذا ابي اتزووج على قوله عمتي تقول اسكتي انتي لعد تقولين ابي اتزوج وتتزوجين ترى دايم اللي يتكلم يقول ابي اتزوج مايتزوج واللي يسكتون هم اللي يتزوجون بس وش اسوي غصب لاقالوا الله يزوجك اقول اميين :(
مره والله هذيك السنه تدمررت نفسيييا حسيت اني وععه وان مالي حظ واني واني كل شي شين قلت لاكون مسحوره بس الله يهديكم تشككون الواحد :icon33:
والسنه الرابعه تعرفت على شله ثانيه مع تواصلي مع الشله الاولى بس لان تفرقنا طلعنا تطبيق كانوا 4 متزوجات و2 متملكات ووحده مخطوبه ووحده عزباء مثلي اقوله اشوا ماعرستي مثلي تجسريني احس بالغربه بين هالمعرسات :42: جد والله احسهم ودهم يطردوني اذا قاموا يتكلمون عن ازواجهم والليالي الرومانسيه وكذا
وتخرجنا وهالسسنه ماشاء الله تبارك الله كل صديقاتي حوامل يعني كل اسبوع ادق على وحده ابارك لها يابالاول ولا الثاني لا ويقولن لي عقبالك اقولهم وش عقبالي اصبروا اتزوج طيب :09: للعلم اني اكبر منهم كلهم بسنتين متاخره انا بالدراسه
وتمضي الايام والشهور وانا واحساسي الفاشل كل سنه اقول ابد هالعطله عرسي وادخل واشوف القاعات وفساتين الافراح واذا شفت تخفيضات اقول الله بس لو يخطبني هالحين قبل تخلص هالتخفيضات :09:
اللي يرعبني اكثثر اختي اصغر مني بسبع سنوات الحين عمرها 20 يعني وجه زوااج من جد مابي تتزوج قبلي مابي اصير انرحم عند الناس مابي نظرات الشفقه لاني اشوفهم وحده من قريباتي اتزوجت اختها اللي اصغر منها بسنه وصاروا يطالعونها بشفقه وياعمري وراك ماعرستي ويقولون لانها وراك تزوجين الصغيره قبل الكبيره كسرتي خاطر الكبيره قدام البنات
من جد مابي هالموققف يصير لي عاد اختي مو سنه ولا سنتين 6 سنوات :44:
والى هاليوم وانا احتري هالعرييس من جد والله اخاف اني مسحور ولا مس ولا فيني بلا :icon33:
الله يزرقني واخواتي المسلمات واخواتي في عالم حواء بالازواج الصالحيين عاجلا غير اجل يارب ماتنتهي هالسنه الا واحنا في بيوت ازواجنـآ قولوا اميين لو بقلوبكم يمكن تكون في مرت ملك ويقول وجبت
(*راعيتها*) @raaaytha_3
عضوة فعالة
يلزم عليك تسجيل الدخول أولًا لكتابة تعليق.
حلو احساسك وتفائلك احسن من اليأس والحزن الي يكبرك ويارب يرزقك بزوج الصالح الي يسعدك ياقمر:icon28:
حلو احساسك وتفائلك احسن من اليأس والحزن الي يكبرك ويارب يرزقك بزوج الصالح الي يسعدك ياقمر:icon28:حلو احساسك وتفائلك احسن من اليأس والحزن الي يكبرك ويارب يرزقك بزوج الصالح الي يسعدك ياقمر:icon28:
امين وياك يارب عاجلا :)
تبين الصدق ايأس دايييم بس الحمدلله اصيطر عليه واقول دام فيه رب فيه أمل :26:
امييين الله يسعدك على هالدعوه ويرسقك باللي يسرك :)
تبين الصدق ايأس دايييم بس الحمدلله اصيطر عليه واقول دام فيه رب فيه أمل :26:
امييين الله يسعدك على هالدعوه ويرسقك باللي يسرك :)
الشهد ~
•
هههههههههه ياحليلك انتي مثلي بالزبط ..
كل سنه تتعشمين وترووح السنه زي الي قبلها ..
الله يعجل بفرجنا ويفرح قلوبنا وكل محرومه
كل سنه تتعشمين وترووح السنه زي الي قبلها ..
الله يعجل بفرجنا ويفرح قلوبنا وكل محرومه
يا شيخه نحمد ربنا على كل حال
نفس العمر وتفاصيل غريبه
وأختي اللي أصغر مني بــ6 سنوات أنخطبت قبل اسبوع
ورفضت الحلوه تقول لسى بتونس بنفسي وصاحباتي وحياة الجامعه
وخطاطيب التلفون ازعجونا تقل يمارسون هوايه الأتصال ع البنات وأهاليهم (بديت أتشائم من جوالي أول ما أشوف رقم غريب أضيق )
و الله بيرزقني من واسع فضله
دعواتي لك ولجميع بنات المسلمين <<<<يعني أنا معكم (بالرزق الواسع والزوج الصالح )
نفس العمر وتفاصيل غريبه
وأختي اللي أصغر مني بــ6 سنوات أنخطبت قبل اسبوع
ورفضت الحلوه تقول لسى بتونس بنفسي وصاحباتي وحياة الجامعه
وخطاطيب التلفون ازعجونا تقل يمارسون هوايه الأتصال ع البنات وأهاليهم (بديت أتشائم من جوالي أول ما أشوف رقم غريب أضيق )
و الله بيرزقني من واسع فضله
دعواتي لك ولجميع بنات المسلمين <<<<يعني أنا معكم (بالرزق الواسع والزوج الصالح )
الصفحة الأخيرة
الله يرزقك يااختي والله انا نفس الحالة اذا جت سنة وماصار شي قلت ان شاء الله السنة اللي بعدها وتمضي السنين
ويمضي العمر ولا جا شي للحين ههههههههههههههههه
تحياتي