خصـــــــــــــــــــوصاً لــــــــو كنتـــــــــــي من الناس إللــــــــــــي يشوفونه
بــــــــأحلامهم يشــــــــــــــــوفونه بـــــــــــــــواقعهم اللـــــــــه يديم
عليـــــــــــــــــكي راحــــــــــة البال .

جـــــــــــــزاكم الله خير جميعا الصراحه ردودكم ريحتني

وبالنسبه للي يقولولي اقري الاذكار قبل النوم او اكثري من الاستغفار انا الحمدالله مداومه على الاذكار وما انام الا وانا قاريه شي من القرآن ولله الحمد وبالنسبه للي قالولي لا تخلين الاحلام شغلج الشاغل انا بقوللكم ليش صرت اركز ها الايام على الاحلام بسبب وفاة الوالده أمي توفت من قريب :( وانا اكثر خواتي تعلقا فيها متعلقه فيها بشكل ماتتصورونه كنت انا وهي نفس الصديقات نشكي لبعض ونسولف مع بعض يعني كانت بالنسبه لي اكثر من أم:44: علشان جذيه اذا حلمت حلم متعلق فيها ونسيت بعضه ازعل وايد وتضايق ويمكن سبب نسياني مثل ما قال اخوي عشره وعشرين اهو كثرة المسؤوليات والارهاق لاني فعلا بعد وفاة الوالده حسيت ان مسؤلياتي زادة تجاه خواتي يعني زوجي بصوب وخواتي بصوب الله يعيني صرت وايد اخاف عليهم واحاتيهم:44:

ياحياتي وقلبي..
الله يغفر لأمك وأبوي ويرحمهم برحمتة ويجمعنا بهم في الجنه..
قلبي..
أمك تحتاج منك الدعاء..والصدقة وغيره...الخ
لاتنسينها هذا أهم شي..
وصدقيني كنك تقرين أفكاري..
أنا لي فترة طويلة جداً ماحلمت بأبوي..
لدرجة أحياناً أبكي أخاف مقصرة معه أو زعلان عليّ..
ولما حلمت به من كم يوم..بكل آسف تلاشى الحلم وكأنه سراب..
أحياناً الأحلام اللي تبينها وتبين تريحك تنسينها..
لكن لي فترة ماأحلم مخي ممسوح نهائي..
وأحس إنه خيره لي..لأن بعض الأحلام تتعبك نفسياً..
لاتشغلي بالك قلبي...وأكثري من الدعاء لها..
وإن شاءالله نشوف أحلام في حبايبنا تريحنا..:26:

آمين اختي الحبيبه ونة خفوق الله يغفر لهم جميعا ويجمعنا معاهم في جنات الفردوس :(
وهذا اللي مضايقني اختي الغاليه اذا حلمت امي وصحيت بسرعه الحلم يطير من مخي وماتذكر منه الا شي بسيط جدا ودي احلمها تضمني بصدرها او حتى تكلمني :44: والحمدالله اهي توفت وهي راضيه عني كل الرضا وانا من توفت وانا احاول اسوي كل شي لها علشان اريحها من صدقه ودعاء وغيره والله يحقق لي امنيتي ويجعلني احلمها علشان قلبي يتطمن عليها وارتاح وانتي بعد حبيبتي الله يجعلج تحلمين ابوج وتطمنين عليه لان الاموات اتصالنا بهم يكون عن طريق الاحلام بس :(

أنا كنت بالمره ماأحلم ،، صارت لي فتره سنه أو اكثر،، الحين صرت احلم واتذكر قليـــــــــــل يعني بمجرد ماأقعد ماتذكر شنو كان الحلم :29: الا اذا كان حلم مخيف ،،