مشكلتي مع اختي

السلام عليكم ورحمه الله وبركاته
انا راح ابدا بالموضوع ع طول
مشكلتي مع اختي وغيرتها ومشاكلها الي لها اول مالها تالي
انا ارمله صار لي تقريباً سنه من يوم مات زوجي الله يرحمه
وانا وبنتي عند اهلي
بنتي عمرها 4 سنوات
مشكلت اختي غيوره وبقوه مني وحتى من بنتي
اي شي اسويه او يسوونه لي اهلي تسوي مشكله وتقول تبغى زي انا حتى بنتي لو اخذ لها جدها حتى لو حلاوه
تسوي مشكله ليش مااخذ لها
الكارثه ان اختي كبيره بالسن مو طفله عمرها فوق 25 سنه
وهذا غير مشاكلها
وكلامها وعدم احترامها للكل
حتى اهلي تعبو معاها
وتقول لهم تحبون اختي وانا تكرهوني وكلام كثير
لدرجه اي وحده من الاهل او الجماعه كلموني او راسلوني
تزعل تقول ليش يراسلونك وانا لا
وتقول اني انا اكرهم فيها وكرهوها
وانا والله ماعمري ذكرتها بالشينه قدام احد
حتى راتب زوجي الله يرحمه
سوت مشكله وقالت وش معنى عندي راتب وهي لا
المشكله عند الناس بوجه ولسان يقطر عسل
ومعانا في البيت لسانها ومعاملتها زي السم
وتحط دوبها بدوب بنتي
اخرتها البارح قامت ضربت بنتي وطلع فيها علامه الضرب
انا تعبت معاها ومن غيرتها وشكها ومشاكلها معي ومع بنتي ولادري وش اسوي
دلوني
وهل اختي طبيعيه او لا