مايحس بالنار الا رجل واطيها الي تسويه اختك ظلم لك وانتي لازم ترفعين هالظلم هاذا بالرد عليها وتوقفين ظلمها لان سكوتك خلاها تتمادى
وديننا امرنا بآلايه
(لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ ۚ وَكَانَ اللَّهُ سَمِيعًا عَلِيمًا)
وبيني لها ان حياتها ورزقها هي وعيالها مايهمك ابدا لان كلامها جدا جارح كانها محور الكون بالنسبة لك
الان اتركيها لفترة من الزمن بدون نية قطاعه ثم اسالي عنها برسميه جدا وادعي لها بظهر الغيب

تكفين لاتواخذينها
اللي فيها اكبر من اي كلام ومشاكل
خليكي جنبها وادعميها لان بهالمرض اهم شي المعنوياات 😔

صبرتي كثييييير وتحملتي كثيييير
لا تستسلمي وتخذليها في الموقف الاصعب
هالمرض وعلاجه مدمر لنفسية الشخص
لذلك تحملي وطيبي خاطرها وادعي الله


واذا تجاوزت مرحلة الخطر وتشافت .. لك الحرية تقللي من تواصلك او تقولي لها كل اللي في خاطرك او تردي عليها الرد بعشرة.


والله يكتب أجرك ويشفيها.

الله يشفيها ويعافيها
اشوف انك تاخذين غسلك وتودينه لها وقولي جبت لك من اثري يمكن وانا اختك جاك عين مني من غير لادري اغتسلي منه ولعل يكون فيه شفاء لك ولعيالك

ياعمري هي الله يشفيها ويشفي كل مريض
لاتواخذينها تراها مريضه ونفسية المريض مو بيده
اذكر قبل اسابيع كرهت كل اللي حولي كنت اطرد زوجي من المستشفى واطرد خواتي الله لايحرمني منهم
كنت امر بظروف صعبه والمرض اصعب
كنت ابكي مابي اشوفهم لدرجة ان الاطباء يعطوني منوم بس علشان لااصحى وانفعل تدريجيا بديت اخف وبديت احس اني غلطت بحقهم
انتي اصبري ومالك الا الاجر
ياصبر خواتي وزوجي باللي سويته فيهم ومتندمه ومتحسفه وصدقيني اختك اول ماتخف بتفهم انها غلطت بحقك