مشكلتي مع اختي

السلام عليكم يابنات حواء كيفكم يارب بخير اضطريت ارجع اكتب موضوع جديد صاير معي ياجماعة أنا بنت عمري 27 سنة
صارلي موقف صعب عطوني رأيكم فيه
اختي ياجماعه تعيرني بعمري وشكلي وجسمي ومرضي حتى لما تأخرت بالتخرج تخيلوا يابنات كان فيني سرطان وكنت اتعالج كيماوي وفيني حاليا للاسف تصلب لويحي وعندي عادة اني ارتعش بغير قصد يعني راسي وكتفي ويديني يرتجفون بدون قصد لان عندي مشكلة بالاعصاب وأجلت اترام كثير لحد ماتخرجت في سنة 1443 وتعيب علي اني متاخره بالتخرج ولا توظفت تعبتني نفسيا وقدام اهلي والناس تضحك علي وتطقطق وتسوي نفسي تحرك نفسها تقول انتي تسوين كذا لانك مريضه وعجوز لا تدعون عليها تكفون عمرها 21 وتدرس صيدلة هي مواليد 2002 وحاولت انصحها وأكلمها بالحسنى بس تضحك وتتمسخر علي وتقول يالعجوز يالعايبه آخر هوشة صارت امس بالليل على العشاء فشلتني قدام اخواني وزوجاتهم💔 وتلمح بشكل غير مباشر تقول البنات اللي جاهم سرطان قبل وتعالجو كيماوي واشكالهم تفشل وعجايز معد احد يخطبهم ويفكر فيهم كل اللي موجودين عرفو انها تقصدني بس أنا سكت قسم بالله وسويت نفسي مشغوله بالجوال وانا دمعتي نزلت والله اني مجروحه منها بس تكفون لا تدعون عليها قولو لي كيف اتعامل معاها أنا الحين مستعمله الصمت العقابي معاها يارب ينفع راح أقاطعها ما اكلمها لحتى تحشمني وش رايكم عطوني حلول والله اني مجروحه ومتألمه وقلبي يعورني ومكسوره بس مابي ادعي عليها ولا ابي احد يدعي عليها ولا اتمنى ان الدنيا تدور عليها أنا بس ابيها ماتجرحني وتحترم شعوري