مشكلتي مع اختي

ساعدوني

السلام عليكم يابنات حواء كيفكم يارب بخير اضطريت ارجع اكتب موضوع جديد صاير معي ياجماعة أنا بنت عمري 27 سنة
صارلي موقف صعب عطوني رأيكم فيه
اختي ياجماعه تعيرني بعمري وشكلي وجسمي ومرضي حتى لما تأخرت بالتخرج تخيلوا يابنات كان فيني سرطان وكنت اتعالج كيماوي وفيني حاليا للاسف تصلب لويحي وعندي عادة اني ارتعش بغير قصد يعني راسي وكتفي ويديني يرتجفون بدون قصد لان عندي مشكلة بالاعصاب وأجلت اترام كثير لحد ماتخرجت في سنة 1443 وتعيب علي اني متاخره بالتخرج ولا توظفت تعبتني نفسيا وقدام اهلي والناس تضحك علي وتطقطق وتسوي نفسي تحرك نفسها تقول انتي تسوين كذا لانك مريضه وعجوز لا تدعون عليها تكفون عمرها 21 وتدرس صيدلة هي مواليد 2002 وحاولت انصحها وأكلمها بالحسنى بس تضحك وتتمسخر علي وتقول يالعجوز يالعايبه آخر هوشة صارت امس بالليل على العشاء فشلتني قدام اخواني وزوجاتهم💔 وتلمح بشكل غير مباشر تقول البنات اللي جاهم سرطان قبل وتعالجو كيماوي واشكالهم تفشل وعجايز معد احد يخطبهم ويفكر فيهم كل اللي موجودين عرفو انها تقصدني بس أنا سكت قسم بالله وسويت نفسي مشغوله بالجوال وانا دمعتي نزلت والله اني مجروحه منها بس تكفون لا تدعون عليها قولو لي كيف اتعامل معاها أنا الحين مستعمله الصمت العقابي معاها يارب ينفع راح أقاطعها ما اكلمها لحتى تحشمني وش رايكم عطوني حلول والله اني مجروحه ومتألمه وقلبي يعورني ومكسوره بس مابي ادعي عليها ولا ابي احد يدعي عليها ولا اتمنى ان الدنيا تدور عليها أنا بس ابيها ماتجرحني وتحترم شعوري
26
3K

يلزم عليك تسجيل الدخول أولًا لكتابة تعليق.

تسجيل دخول

Afnan
Afnan
كان الله في عونك ياااارب، الله يهدي أختك، الله يهديها إلى الصراط المستقيم، حاولي تطنشي كلامها تمامًا، أعرف الموضوع صعب جدًا لكن لما تتكلم لا تعبريها وإن شاء الله تبطل من هذا الكلام، في سلسلة على اليوتيوب اسمها جلسات مع نفسي للدكتور عبدالرحمن ذاكر الهاشمي مره أنا استفدت منها وإن شاء الله تستفيدي منها أنتِ كمان🌹
Rana
Rana
وعليكم السلام ورحمة الله وبركاته
الله يشفيكي ياقلبي شفاءا لا يغادر سقما..
معلش احيانا الأخوات مايكون عندهم حس بس اكيد لما تكبر حتندم على كل كلمة وتعتذرلك بس حاليا طايشة وماتفكر زين الله يهديها ويصلحها انا متأكدة انها تحبك بس يمكن لأنها صغيرة تحب تلفت انتباه الناس على حسابك
الغريب انو ليش مااحد من الأهل وقفها وقلها عيب اللي تقولينه وكلامك يجرح؟
طيب انت بينك وبينها وضحيلها مشاعرك وانك انجرحت من كلامها...
الله يجبر بخاطرك حبيبتي ويفرج همك
بنت الحنوب
بنت الحنوب
الحمد الكثير لله وحده الي شفاكي من مرض خطير .
هذه النعمه لازم تستحضرينها علشان تهون عندك كل المشاكل والابتلاءات .
ثانيا نصيحتي لك الي بأذن الله بتغير حياتك عليكي بالرقية الشرعيه لابد لابد تبدئين وتستمرين .
الحمد لله انك كملتي تعليمك وتخرجتي رغم العقبات الي واجهتيها في طريقك .
هذه نعمه رزقك الله أياها فلا تركزين على مافاتك (التأجيل في الدراسه )
الوظيفه والزواج أرزاق يهبها الله من يشاء .لا تستعجلين هي محفوظه عند الله .
و والله ان كل البنات في مجتمعي خلصوا ال٣٠ وماتزوجوا ولا نظرنا لهم أنهم كبار أبدا.
الدنيا تغيرت .
كمان أهلك لهم دور في ردعها وتوبيخها وعقابها .
وأنتي كمان كوني قويه و وقفيها عند حدها بصوت عالي ومسموع امام الكل .
خليها تنحرج من ردة فعلك وتوضع في موقف محرج امام الناس علشان تعرف أنها لو كررت سلوكها سوف تكررين ردة الفعل وبهذي الطريقة بتتجنب الغلط عليك .
ذكريها لوحدكم ان الله قادر ان يبتليها وعليها أن تتقي الله قبل مايصيبها العقاب من الله .
أستشعري كل النعم الي رزقكي الله أياها وأكثري من الصلاة على محمد عليه أفضل الصلاة والتسليم .
لا تنسي الرقيه 🟢🟢🟢🟢
سمآ الورد*
سمآ الورد*
الله يهديها
هذي قليلة إيمان المفروض تخلي شخص عاقل بالعايلة يكلمها ويوقفها عند حدها
وأحسن احل انك تطنشيها لسانها صغيرة مصيرها تكبر وتعقل
Yasmeen 7
Yasmeen 7
هاذي وين اهلك عنها ليش امخليينها تسوي كذا معاك ليش مافي حد يردها صدقيني كل اللي تقوله عنك راجع لها يوم من الايام
لا تزعلي منها ازعلي عليها
وانتِ لا تنحرجي من اللي تقوله كل اللي فيك مقدر من ربي مالك يد فيه الله يرفعك فوقها اضعاف مضاعفة وينصرك عليها