مشكلتي مع اختي الصغيره

السلام عليكم

القسم هذا مااجيه الا لاكنت متضايقه او ابي نصايح خواتي الله يجزاهن كل خير

يااخواتي انا عندي اختين اصغر مني الوسطانيه متزوجه وعايشه معي هنا بالرياض الثانيه الصغيره متزوجه

وبالشرقيه انا من النوع الي لايمكن يحس احد من اخوانه واخواته لاحسيت بزعل شكيت لاختي الوسطانيه

لانها القريبه مني من كل النواحي اختي الصغيره الله يستر عليها ويهديها ماعندها احساس بااخوانها

سواء البنات او العيال المهم هي وعيالها فوق الكل حتى الوالده تجي عندها بالايام وتخبرون كبير السن

يالله يقوم بنفسه فكيف فيها وبعيالها وامي ماعندها شغاله وعيالها لو قلبو البيت قلب ماتقول عيب ولاحتى

تمنعهم يخربون ولاتجمعنا تشتم بعيالنا وتنقص منهم قدام عيالها واحيانا تضربهم مره ضربت ولد اختي الوسطانيه

وقدام عيني وولدها الغلطان تخيلو ماقدرت اقول شي مو خوف الا حشيمه لها لكن المشكله ماتحشم احد

عيالنا بناتنا شتايم قليلن ادب مو متربين علما انهم متربين ومؤدبين بس ماعلمانهم يرادون احد

بناتي الكبار تكلمت فيهم ويوصلني الكلام وساكته وحاشمتها يعني مافيه احد سلم من لسانها

لاجتني ببيتي تجلس باليومين انا مااتضايق من الضيف بالعكس على عيني وراسي

لكن شغاله تنصت وتفتيش جوالات والله ماكذبت عليكم يااخواتي عمري مافتحت جوالها تفتيش بجوالي وجوال اختي

لا تقول لااختي الوسطانيه ام سعد عندها ارقام حريم بالهبل قالت لها اختي يختي صديقات بناتها

دريت بهالسالفه وحتى ماناقشتها ليش تفتشين جوالي تجلس ببيتي بس تفتش وتسال

وعيالها شغالين تخريب ماتقول لاحد عيب ولاعلى الاقل تمنعهم من التخريب النعمه مكبوبه اغراضنا مكسره

وحاله استنفار مايعلم فيها الا ربي جت اختي الوسطانيه قبل فتره زوجها كان عنده انتداب لاحظو ماراحت عند

امي لانه تقول طفش ببيت الوالده وجلست عند اختي حول ال 19 يوم لعبت ببيت اختي لعب

تخريب وحرق اجهزه وغيره وغير كذا مصاريف عيالها زوج اختي ماشاء الله مايقصر

يعني صريفه ودمار بالبيت وكل ماخرب ولدها لا ماخرب لاماكسر يعني شي مو طبيعي

والمشكله بعد ماخلصت المده عند اختي قالت لها الحمدالله باروح عند امي وافتك من عيالك المجانين

علما عيال اختي الوسطانيه ادب واحترام ماشاء الله عليهم يعني ماهي حاشمتنا وحنا حاشميناها

حتى الاطفال صارو يتكلمو فيها عيالي وعيال اختي يقولو مانحبها شفتو كيف يخرب ولدها وتحط اللوم علينا

هذا هم الاطفال يتكلمو فيها من حر ماجاهم ومشكلتها تبين قدامهم

يااخوااتي انا خلاااااااااااص شويه وانفجر وكانت عندها شغاله وانحاشت ماتنلام من كثر مابهذلتها

حتى فلوسها لها 7 شهور ماعطتها كلمناها حراام الظلم عامليها زين تقول كلبه ماتنعطى وجه واخرتها هربت

وقدمت انا واختي بشغالات هنا ولعت ماادري حسد ولاايش بالضبط

اخر مشاكلها تحرش بيني وبين اخواني العيال تقول انهم يقولون انك واختي الثانيه تتكلمو في

انا ملتكلمت فيها انا اشتكي عند امي من حركاتها اشياء تضايقني منها حتى امي ماسلمت منها

انا ماادري اش اخرتها معاها شايفه الدنيا مظاهر وفلوس بس

وفلانه جابت وانا لا انا راضيه بلي قاسمه ربي انا واختي الثانيه ومانحب المظاهر ولاعمرنا كرهنا الخير لاحد

كيف اتصرف معاها انا من النوع الي مااحب اجرح بااحد ولااحب اقوله يافلان غلطت علي بكذا

لكن هذه رفعت ضغطي على الاخر تحريش وكذب وافتراء حتى عيالي ماسلمو منها وزوجي بعد

حتى المكالمات حريصه مااخذ واعطي معها اش الحل معها كيف اريح مخي من التفكير فيها

انا من النوع الي اطنش كثير بس اخاف تتجمع كل هالامور وانفجر فيها وماابي اغلط بااحد او يجيه

كلمه مني عندكم حلول كيف اتعامل معها عطوني حلول انا الان معاملتها معها مجاملات

تخيلو مع اختي مجاملات هي بالذات بس الي مجاملات هي الي حدتني على هالاسلوب

لاحول ولاقوة الا بالله الله يفكني شرها وشر لسانها اكره ماعلي الي يتكلم من وراي

عطوني حلول والله من جد طفشاااانه ومرتفع ضغطي منها