مهما صار بينكم فأنتم أخوات ولو لا سمح الله صار شيء خطير
لوحده منكم الثانية بتخاف عليها


أتوقع من خلال شرحك أنكم أنتم الثنتين حساسات
ولكن درجة الحساسية كل وحدة وطريقتها


أنتِ تتوقعين إنها تغار منك ..
وتتوقعين إنها تكرهك ..
وأيضاً ذكرتي بأنك اكتشفتِ بأنها عدوتك..


للعلم أي منزل فيه أخوات وفي سن متقاربة
يكون بينهم شيء من الأخذ والرد أو المواجهة
وتنتهي في أقصر وقت ولا تطول ..وتنسى وتصبح ذكريات


مشكلتك حلها بسيط إذا أردتِ أنتِ ذلك
أولاً : أختك أكبر منك وتخرجت وتنتظر الوظيفة بحكم أنها أكبر منكِ
فيجب أن يكون لها احترام وتقدير ومراعاة مشاعر ،بمعنى لو وجهت لك نصح
فحاولي أن تتقبليه بصدر رحب وإذا لم يروق لك فحاولي بتفهم وبنقاش هادئ وعدم مواجهة
بينكم تتناقشون فيه في نفس الوقت أو تركه لوقت آخر


ثانياً: بقدر الإمكان مع تمالك الأعصاب عدم رفع الصوت عليها أو ازدرائها
ثالثاً : ابعدي عن ذهنك الأفكار السلبية مثل أنها تكرهك لأني لا أتوقع ان أخت تكره أختها
لمجرد مشاجرة بينهم أقصد الكره الدائم
أيضاً توقعك بأنها تغار منك في رأيك لماذا توقعت هذا التوقع ؟
هل أنتِ أجمل منها ؟ أو لأنكِ خطبت قبلها ؟
قد يكون هذا غرور منك أو تفاخر بنفسك ( واعذريني على هذا القول لأن من يقرأ شرحك يتوقع ذلك)
وأيضاً هي تتوقع ذلك

لهذا يكون النقاش دائماً بينكم حاد


حاولي عزيزتي بما أنك التي طرحتي المشكلة بأن تُهدئي الأمور بينكم
بعدم الرد بالمثل
وبعدم البدء بما تشعرين أنه لا يروق لها
وبعدم استفزازها
وعندما تشعرين أثناء الحوارات بينكم أنها ستتسع وتكبر وتصبح مشكلة
أنهوها بهدوء
أيضاً أن تكونوا واضحين لبعضكم البعض
افهمي شخصيتها وأسلوبها واجعليها تفهمك
متى ماكان الفهم والوضوح بينكم فستأخذون الأمور
بأريحية


المشادات الكلامية التي ذكرتيها قد تكون بدرت منها في وقت غضب


المهم هنا
دائماً أذكروا الله في صباحكم ومسائكم
استودعوا الله أنفسكم وأهليكم وكل شيء تودونه
وقيل الحلم سيد الأخلاق
الابتعاد عن الغضب والعصبية في أي موقف
عودوا أنفسكم التحمل والصبر
اجعلوا نياتكم بين بعضكن حسنة
الابتعاد عن الشك بين بعضكن


ما تعيشونه الآن في المستقبل ستكون ذكريات لكن تحكونها
بضحكة ..لأبنائكم

الدنيا ماهي دايمة وأنا أختك وآخر شي بننحط بقبر عاملي كل الناس بما يرضي الله بما فيهم أختك
أختك سوي معها كل الخطوات إلي بقولك
1- بقرب فرصة تسمح لك تسولفين معاها لوحدكم قولي لها أنا أعزك وأحترمك وأنت أختي وعلى عيني وراسي وأبي أعرف ليش تعامليني كذا هل فيه شي أنا سويته وضايقك؟؟؟إذا سويت شي ضايقك سامحيني وقولي لي وش الغلط إلي سويته ؟؟ولا تنسين ياأختي أن كل إنسان يغلط وأنا مو عاجبني إلي بيني وبينك من مشاكل أبي تكون علاقاتنا مع بعض حلوة (إذا قدرتي تقولين لها هالكلام وجه لوجه أو أرسليه عليها برسالة جوال )
2-أفرضي ماستجابت للشي إلي قلتيه وصارت دايم تسوي مشاكل عادي إذا شفيتها معصبة حاولي تضحكينها ماقدرتي تضحكينها لا تردين عليها أسكتي التزمي الصمت صدقيني الصمت قوة وخليها تكلم وتكلم وتتعب وتسكت بعدين بتنقد على نفسها إذا مدت يدها بالضرب اهربي وسكري الغرفة عليك قبل تضربك ماعليش اصبري عشان ماتزود المشاكل بينكم ويفرح الشيطان وهذي أختك يمكن الزمن يحدك عليها أو يحدها عليك وأنا ابي علاقتكم تكون حلوة عشان اذا الظروف اجبرتكم على بعض تكونون تحبون بعض ومافيه شي كبير بينكم
3-لا تسولفين عنها بشي مو زين عند خواتك أو أي أحد يمكن ينقلون لها الكلام وتزيد كره وحقد عليك
4- يمكن هي تشوف نفسها مثل الخدامة بالبيت وأنت ماتسوين شي وتبيك تساعدينها بس بشكل غير مباشر أنت حطي لك شغل معين بالبيت وكل يوم سويه مثلا كل يوم تغسلين الأواني إلي بعد العشا أو تكنسين الصالة والمكان إلي يقعدون فيه الضيوف وحطي لكل وحدة من خواتك شغل مايصير كل شي فوق راسها
5- أنتبهي تسمعينها كلام يضايقها حتى لو ضايقتك هذي أختك وأكيد أنت تحبينها ولأنك تحبينها ماتبين تكسب ذنوب بسبب قسوتها عليك أنت صح تشوفين تصرفها مو طبيعي ؟؟ حاولي تعدلينها بالدعاء لها أدعي لها بالخير والهداية وأدعي ربي يصلح إلي بينكم وعامليها بالطيب يمكن هي تمر بظروف نفسية قاسية جدا وتطلع حرتها أدري أن اللي تسويه معاك خطأ يعني أنا مو معاها ضدك لكن لأن تصرفات أختك ماهي طبيعية وأنت طبيعية هي تحتاج مساعدتك آخر شي إذا شافت كل معاملتك لها بالطيب وهي لوحدها إلي تقدم الإساءة بتخجل على نفسها وتترك هالحركات صدقيني الطيبة لها مفعول عجيب وهذي أختك أولى الناس بطيبتك
6- شغلي سورة البقرة كل يوم ببيتكم أو اقريها عشان الشياطين يفرون منه
7-أكثري من ذكر الله وضمن ذكر الله الإستغفار
الله يوفقك ويسعد قلبك ولو بالقوة كلنا نقدر نصير أقوياء ونسيء للناس ونجرحهم ونقول كل شي بس الدنيا مو بالقوة خصوصا مع أقرب الناس وإلي بنعيش معاهم مايصير كل شي بالقوة وأجرحني وأجرحك

الله يسعدكم ويزل همومكم ويكتب لكم كل خير
اخواتي انا اتحمل اختي بكل شيء ووقت الضيق محد يوقف معها غيري
بس دايم تحط بيني وبينها حواجز مهما سويت وتقربت
دايم اسوي جلسة واناديها تجلس شوي وتجلس ع الجوال وماتعطينا وجه
حتى ابوي قال انا راضي عنك تسكتين عنها بس ماتصير بينكم مشاكل
ابوي يراعيها اكثر مني ، قالت ترا اعمالك ماترفع للسماء
صحيح حاولت اعدل زعلي عليها بس ماقدرت لاني شفت حقدها بعيوني
والحمدلله على كل حال ، اسبوع من الراحة وهجراً جميل والله المستعان
دعواتكم

تسوي كل ذا لانها محبوسه في بيت لا زوج لا دراسه خلوها تشوف لها شي يسليها و يشغلها بعد كذا تقربي منها وخلوها تفضفض في شي داخلها مكسر قلبها شكلها تحس نفسها مو مميزه

يمكن اختك مضغوطه بحكم انك انخطبتي قبلها