مشكلتي مع اختي الي تغيرت علي/ قديم

السلام عليكم ياحلوات

كيفكم ياعسل 00ربي يحفضكم 00ابغاكم تساعدوني في حل مشكلتي 00وهي 000


انا عمر ي 19سنه ولي اخت اكبر مني وعمرها 21 00واخت ثانيه عمرها17


مشكلتي هي ان اختي الي اكبر مني كنا انا واياه زي التوام نحب بعض بشكل فضيع ودائما مع بعض وزياده على ذلك

صديقاته هن نفسهن صديقاتي يعني مع اقاربنا حنا شله وحده والكل يقول ماشاء الله عليكم خوات ودائما مع بعض

ماتملون من بعض 00حتى كنا قديما نفس الشبه والطول الا درجة الي يشوفنا يسالنا ويقول انتم توم

وكنا حتى نلبس نفس اللبس 00

المهم


مرت السنين وتغيرت علي اختي بشكل غريب طبعا تغيرت علي لما كان عمري 17مده بسيطه ورجعت لي


بعدين السنه هاذي بعد ماجيت من الحج لقيته متغيره علي 00تتسلط علي ولا ترد علي وتكشر وتبتعد عني

وداااااااااااائما تكون مع اختي الثانيه ولا كاني موجوده في البيت واستمرت الحاله اشهر كثيره وغلطتي اني ماقلت لامي

وكنت اسكت 00تخيلوا بالغداء يجلسن جنب بعض واذا طلعنا لرحله لحديقه يكونن لحالهن وانا لا

علما بان اختي الي اصغر مني سنا كنا قليل معه 00

ودائما ضحك وسواليف ويصكرن عليهن الغرفه لحالهن


وانا انطحن وساااكته 00حتى ذاك الوقت كان فيني قولون شديد00وزاد علي علشانهن


ويفكرن باشياء ويخططن ويقولن بروح لسفره بدون مايقولن لي 00وافقوا كل العائله لذهاب بس انا رفضت ذاك الوقت

كان ودي اروح بس ماودي امشي رايهن ولا رحنا


المهم 00اني مريت بايام عصيبه 00معهن لدرجة اني ابكي واتالم من حالي



وكنت متردده اقول لامي ولا 00لا

اخر شي قلت له والحمد لله 00امي انجنت ماتوقعت هذا الي يصير وقالت ليه ماعلمتين وساكته كل هالمده


المهم امي واعدتني انه تقول لاختي الكبيره وتوقفه عند حده


جت امي وقالت لي اني قلت له وانه تقول السبب الي خلانا اننا نتغير عليه انه 0متكبره000علينا


انا ماتكبرت ولاكن كنت اقول اني طويله والطول عز 00لان اختي الي اكبر مني اقصر مني


بس هي السبب كانت تعيرني يالطويله وكنت انقهر وفكرت بعد سنين بدال ماانقهر 00افتخر


احب اخبركم اني اكبر منهن عقل وذكاء ومتفوقه بالدراسه وهن عكسي وانا شخصيتي اقوى منهن واجرئ


والي يشوفن يحسبني الكبيره


اختي الي اكبر مني عقلها اصغر منها 00امي ملاحضه هذا من ناحية سواليفه وتفكيره يعني الي يشوفه ويجلس معه


مايتخيل ان هذا عمره


اما اختي الي اصغر مني00وش اقول 00تقول لامي كلام قذر وتعامل الي اكبر منها كانهم اطفال وابوي وامي عندها ولاشي


كانت ماتشتغل في البيت بس بعد ما صارت تغار منا بدت تشتغل خرابيط بس علشان بتسوي انه تشتغل

وللمعلوميه رمضان السنه هاذي مااشتغلت وترفع صوته على امي


وتكذب كثير وشديدة الغيره وتحب المشاكل لدرجة ان بعض صديقاته يتركونه وهي ماتضهر انه شرانيه بلعكس

مسويه فيها عاقله

حتى اذا جينا من عزيمه انا واختي نسولف سواليف عاديه 00وهي العكس تغتاب وتقول ان فلانه سوت كذا قصده كذا


مرررررررررررررررررررررررره شرانيه

تكسر جوال امي وكسرت مسجل تونا شارينه بحجت انكم مانفذتوا طلبي


المهم 00عارفه اني طولت عليكم 00بس اعذروني


انحلت مشكلتنا اول ماقالت امي لاختي


وقبل كم يوم رجعت اختي بحركته السخيفه والحركات الي مالها داعي


00رحت وقلت لامي 00قالت امي هي مثل الطفله 00لاتهمك 00بس انا ماقدر اتركه ابغى احد يسولف معي

هي عنده احد يسولف معه اختي الي اصغر مني واختي الي اغر مني لو تقوله اختي الاكبر اي شي تطيعه

00برايكم مالسبب 000في هذه الحركات والاسلوب

ارشدوني لحل وفقكم الله

دعواتكم ان يصلح الله اخواتي وان يؤلف بين قلوبنا

وان يفك كربتي

ويحفضني ربي من حسدهن وغيرتهن مني