السلام عليكم
لاتهجمون علي ولاتسبوني غير لما تقرون لنهايه
انا اختي جايتني زياره من اول يوم بالاجازه
زوجها يصير اخو زوجي بعد
صراحه تعبنا كل سنه يجون عندنا من اول الاجازه يجلسون شهر مانقدر ناخذ راحتنا ولا نسافر
والمشكله الاكبر ان اطفالهم اشقياء مره
يضربوني ويضربون اولادي الصغار وانا ساكته عشان ماازعل اختي
لو تشوفون البيت صاير مزبله ويفتشون البيت والدروج والله لو تشوفونهم غير تقولون مستحيل ان عندهم ام واب متعلمين
واطفالي كل شوي يبكون من ضربهم واسلوبهم الهمجي
لدرجة هم يطردونهم يقولون اطلعو برى بيتنا
لاكن عيالها رغم انهم بعمر كبير شوي مايحسون بالعكس
يقولون ماحنا مروحين هذا بيت عمنا وراح نجلس على كيفنا
ان اللي كاسر يدي انها اختي ابغاها تفهم من غير مااجرحها لكن لاحياة لمن تنادي وهي دايم تثني على اولادها انهم بيتها مثل النسمه ونظيفين
والمشكله اذا سكرت الغرف والثلاجه عن الحوسه
تزعل
وانا والله هذا اسلوبي مع اطفالي كل شي بالمفتاح
زوجها اللحين رايح يتمشى ومخليهم عندنا وحنا تدبسنا فيهم
امس ضربني ولادها الكبير وضربته ورفعت صوتي عليه
واحسها ازعلت مني
وانا والله ماسويت كذا الا من اسلوبهم الاستفزازي
حتى ضربهم لاولادي ركل بالرجلين او كفوف على الوجه بدون سبب او بسبب تافه
المشكله انا ابي اروح ازور امي وستانس معها واذا رحت نفس السالفه يروحون معنا ويكررون الموال هذا مع امي وخواتي
كل سنه انا وامي نعاني من اول يوم بالعطله لاخر يوم اما عندي او عندهاا
تعبنا من الضغط النفسي حتى امي كلمتني وقالت والله ويدي يجون اسبوع لاكن اكثر يتعبوني
وش الحل نبي شي يخليها تفهم من غير ماتزعل ويصير بخاطرها رغم انها مثقفه وهي وزوجها ومتعلمين
وينتقدون الناس على اتفه شي
حتى حنا جالسين عندنا وينتقدون اسلوب حياتنا
هم حاسين انا متضايقين منهم بس يجلسون لانهم بقناعتهم يبون يغيرون اسلوبنا اللي ماو عاجبهم وهو انا مانحب نطلع وانا نتضايق من الناس
والدليل ان وحده من اخواتي قالت لها لاتروحين لامي كثير امي كبيره وتضايق من الاطفال
قالت ماعلي
لازم تحملني انا وعيالي اذا ماتحملتنا من تتحمل ومع الوقت تتعدل ويتغير طبعها
والله لااولادها مودبين كان تحملنا لاكن سوء خلق فضيع وقلة حيا وطولت لسان ويد اولاده سته ثلاث عيال وثلاث بنات اكبرهم 13 سنه
وانا اولادي 4 و5 و1سنوات
صراحه اخاف على بنتي من ولدها الكبير لان عمه مره حصله ماسكها بغرفه لحالهم
وخاف وهو ماشاف شي ابراءا لذمه لكن تغير وجه الولد لما شافه
المشكله اذا روحت من عندي سيدا على امي ونفس الاسلوب
بالمختصر المفيد
من اول يوم بالاجازه لاخر يوم وهم ياعندي ياعند امي
وانا اذا تركتهم راح يروحون لامي
والله ارحمها عجوز ماتتحمل
ملاحظه
هم حاسين ان الناس تضايق من اولادهم واضح من كلامهم بس ماعليهم لانهم يرون انه من حقهم انهم يزورون اهلهم واهلهم يتحملون لان ام زوجها كانو يقولون لها كذا لما تزعل بس هي صارت ذكيه ومن الاختبارات صارت تسافر عند بناتها وارتاحت وهم عارفين هذا
وترى اختي راضيه على الوضع هذا وزوجها مو غاصبها بالعكس اللي ماتبيه مايسويه
بس هي تقول نغير جو والناس اللي ماتبي قرايبها مافيهم خير
ياناس اختي وااعرفها راح تزعل وتكبر السالفه والله مايهون علي زعلها بس ابغاها تحس سواء عندي او عند اهلي او اهله
الناس كلهم مايحبونها تجيهم
عشان عيالها
وهي ولا عليها
ارحمها من نفسها ومن اسلوبها وماابي الناس تضحك عليها ابي اعدلها لنفسها بس ماهي مساعدتني
وخاصه انها اذا زعلت ماتحترم احد حتى لو كانت بيت احد غريب
وشوي
الا وهي ناسيه السالفه ولاكان شي صار وماتحط بقلبها
واذا واجهتها تقول ان صريحه ومااحب ابو وجهين اعطي الواحد بوجهه
انا مااحب ازعلها اختي اكبر مني
وارحمها ابي اعدلها لنفسي ومااضحك الناس عليها
ر
وش اسوي انصحوني
كفى بالنامصه اللعن @kf_balnamsh_allaan
عضوة نشيطة
يلزم عليك تسجيل الدخول أولًا لكتابة تعليق.
حولا محترمه
•
اف اكره ماعلي الام الي ماتعرف تربي والله انتي مكان امهم اضربي وعدلي من سلوكياتهم اختك على عيني وراسي بس كل شي له حدو\د
ببسي
•
حبيبتي المشكله في تربيه اختك لعيااالها هي مخليتهم ياخذون راحتهم
بزياده وهذا غلط انتي اختها بكره الناس ماراح يسكتون مثلك
وبعدين عطيها في وجهها قولي لها حنا نبي نسافر او بنروح
نتمشى ليه تسكتين اختك على عينك وراسك بس مو لهدرجــه
وبعدين انتي تهزئينهم عشان مصلحتهم
بزياده وهذا غلط انتي اختها بكره الناس ماراح يسكتون مثلك
وبعدين عطيها في وجهها قولي لها حنا نبي نسافر او بنروح
نتمشى ليه تسكتين اختك على عينك وراسك بس مو لهدرجــه
وبعدين انتي تهزئينهم عشان مصلحتهم
زارمنيا
•
والله مادري احسها صعبه المفروض هي تحس من نفسها وهذي الاياملو قلتي كلمه بنيه صافيه يفهموا عكسها الله يعينك اتحمليها كلها شهر وتروح مهما كااان انتوا اخوات
الصفحة الأخيرة