السلام عليكم
اقسمت عليكن جميعا تقرونها الى النهاية
نزلت موضوعي بمنتدى فية خصوصية تفاجات انه طول واخذ اسبوع وانا ماعاد اتحمل
انا بطرح لكم موضوعي بصدق وشفافية وانا والله لاحكي عن كل شي حرق قلبي ماعندي احد اشكي له ولا افكر اشكي لصديقاتي لانه ممكن يجي يوم وينقلبوا صديقاتي ويعايروني
اسالكم بالله العظيم تقرون قصتي للاخير لها ثلاث سنوات مانحلت مع اختي :g:
انا البنت الكبيرة وعمري 23 سنة
وعندي اخت وعمرها 22 سنه
اختي اللي عمرها 22 سنة طفح الكيل منها وتعبت وانا اغطي عليها وعلى حركاتها لعل وعسى ربي يهديها
اختي من عمرها 17 سنة وهي ماتفارق الجوال وبس تكلم وتراسل اعتبرت انا ان هذا طيش وخبرتها كم مرة تبعد عن هذا الشئ وماترد علي تعاندني
اخر مرة قلت لازم اعلم اهلي راحت على طووول اسحبت الشريحة وكسرتها قدام عيني بس جلست مقاطعتني ماتكلمني 4 شهور ابدا ولسانها طووويل انا اعرف انها تسمع لصديقاتها لانهم نفس الطينة
ولما صار عمرها 22 سنة صارت تكلم شاب وتطلع وترووح معه انا شكيت بالموضوع بس قلت ممكن هي مخلصه محاضرات قبلي الا اني مهتمه لها واسئل عنها اذا خلصت محاضرات وهي لا
وكانوا صاحباتها يضحكو علي يقولون ماتعرفين متى تطلع وماتعرفين جدولها
انا وياها بنفس الجامعه كان اخوي يودينا مع بعض وماترجع معي
كنت اجي قبلها وهي لسى ماجت وامي وهقتني كثثثثثثثثثثثير بحركاتها
رحت لها قلت ليش ماترجعين معي قامت تصارخ علي انتي وش دخلك وش تبين مني بكيفي اجي متى ماابي وارجع متى ماابي
وسبحان الله صدفه صحت من النوم وراحت جلست على التلفزيون وكان جوالها يولع ويطفي صامت والرقم غريب ومسميتة بحرف انجليزي ولما فتحت الخط طلع صووت رجال وقفلت الخط وضرررررررررررررررررررب قلبي بقوة وانقهرت وبكيت
وحافظت على اعصابي وكان جسمي يتصبب عرق من القهر والضيقة اختي قاطعه جوها وجلستها معي واجمل ايام عمرنا مع بعض تروح تكلم شاب وتعصب علي وتعطي الشاب كل جوها
قلت لازم اقطع الشك باليقين
لما قفلت الخط والله ربي مهيئ لي كل شي كان جوالها مفتوح شكلها نست تقفلة والا اشوووف البلاوي رسايل اختي له والله العظيم جنسية وصور لها لابسة بناطيل وقصير وماده بووزها زي البوووس
وجسم اختي مثير يعني ماشاء الله جسمها خلقة مثير كيف تثير شااااب
وحافظت على هدوئي عشان اعرف من وين هو وكيف تعرفت عليه اختي
لما اخلص محاضرتي كنت استنى عند باب الخروج وهذي هي تلبس عبايتها وتطلع ومانتبهت لي على طوول ركبت بالسيارة معه وماترجع الا العصر او قبل العصر تتحجج انه وقت محاضراتها يخلص قبل العصر وانها تختلف عن محاضراتي
بس نفسي اعرف ليش هي راحت معه لكن انا مابي اظلمها بشي هل كان بينهم شي او لا مااادري
قلت بنفسي كيف احل الموضوع رحت صارحتها بجلسة هدوء اني انا اعرف كل شي وانك تطلعين معه وترجعين معه ولك صور وان اللي تسوينه غلط واني ماراح اعلم اهلي وعيب اللي تسوينة
قامت تصارخ علي زي الوحش الكاسر وتشابكنا انا وياها بالضرب وتقطيع الشعر وجلست تصرخ وتروح لاخواني وابوي وامي وتقول اني اتهمتها بشرفها وانها برئية
انا ماكانت ببالي الا صدمة شلوون ماقالت لاتعلمين علي استري علي لا راحت فضحت نفسها بنفسها
ولما سالني ابوي وامي واخواني خبرتهم اني ماظلمتها وابوي دفني واخوي مسكني بكتفي يقول تتهمينها
وقلت افتشوا جوالها عشان تعرفون الصدق دام فضحت نفسها بنفسها
ولما جاء اخوي يبي جوالها بكت بقوة وقالت من صدمتي انها ظلمتني نسيت الرقم السري ضربها اخووي وفتحت جوالها
وكشفوا كل بلاويها وسحبوا جوالها منها وسحبوا حتى جوالي
وقالوا خلاص مافي ثقة ابدا
وجاء ابوي وضربها وامي ضربتها واخوي ومنصدمين منها حتى مشكلتها شملتني
الحين يابنات كملت معي ثلاث سنين ماتكلمني ابدا واحنا عايشين بنفس البيت ممنوعه من الجوال نهائي اما انا لا رجعوا جوالي لي
وكل صاحباتها يسالوناها وين جوالها علمتهم اني اتهمتها انها تكلم شباب وانها مظلومه واني فتنت عليها وماخلت احد ماشووهت سمعتي عنده الحين الامور الشخصية والعائلية تكون جوا البيت ماني عارفة ليش فضحتني وشوهت سمعتي
انا اكبر وحده بالبيت عددنا 6 وهي والباقي اصغر مني 4
يوم نطلع نمشى بالملاهي تاخذ كل اخواتي معهم وتلعب معهم وتشتري لهم وانا تهمش وجودي معهم
وان شرت عصير توزع على كل البيت الا انا تطنشني وترمي كلام جارح مع اني والله ماسويت لها شي
وتستانس انها تسووي معي كذا تعطيهم كلهم وتقوم توزع عليهن لما تمر من عندي تطنشني حتى اختي اصغر وحدة عمرها 16 تعطيها وانا الكبيرة تطنشني والله اني بابتلاء شديد
ولما نطلع نمشى مع بعض تلقى صاحباتها وتاشر علي وتسمعني بصوتها تقول هذي هي اللي فتنت علي ابليس ابليس قاعد عندي بالبيت
وانا والله ساكتة عنها مارد علي تذكرت حديث النبي اذا سبك احد لاترد عليه لان ربي يقيض لك ملائكة تدافع عنك
لكن هذي مشكلتها مستمرة معي ثلاث سنوات ماتلكمني واحنا بالبيت وتضحك مع اخواتي وماتكلمني وان تكلمت انا قالت ابليس ابليس
احس عصرت قلبي وحرقت دمي حسبي الله ونعم الوكيل
وانا لما اطلع بمكان عام ابكي لما اشووف خوات يضحكون مع بعض وينكتون مع بعض ومع امهم ويمسكون ايدين بعض معهم امهم وكل وحدة تعطي الثانية شي من اللي بيدها
انا اختي هذي تحرض اخواتي علي حتى اخواتي ولا وحدة منهم طلع لها قلب علي وقالت عيب اللي تسوينه بها بالعكس منبسيطن عليها وحتى لما تقسم بينهم اكل بمكان عام عائليات توزع عليهم الا انا تتركني واذا جلست تسووي مع اخواتي تضحك معهن وتقول قمن نغير المكان عن ابليس ويرحن معها
حتى يلقدونها بلبسها وحركاتها احس هي تحس انها انتصرت علي مدري كيف تفكيرها
تحس انها اذا سوت هالشي اني ضعيفة عندها وهي قوووية
بالنسبة لاهلي تعبوا منها وهم يصلحون وضعي معها مع ان هي غلطانة الا انها تكابر وماتبي فرحانة منبسطة ان امي وابوي يقربونا من بعض وهي ماتبي حتى اخواتي صايرين بالتعامل مثلها
لما اطلب من اي وحده منهن خدمة قالت اوووووووووووف منك والله مالوم فلانة يوم ماتكلمك متريحة منك شررررر علينا حتى الزواج ماحد دق بابك صايرين خواتي اللي اصغر منها لسانهم زي لسانها هي تعلمهم علي
واروح لغرفتي وابكي اقوول كيف تبين الرجل يجي وانتي سابتني عند كل الجامعه وكل خوياتك وسمعتي عند كل مكان كيف تبين الرجل يبي يتقدم غير يقول الله يبعدني عن هالعيلة ماهي مضبوووطة الحين هي سبتني نست انها اذا شوهت سمعتي سمعتها تتشووهه معي لاحول ولاقوة الا بالله
انا عرفت انها تسبني وسط خوياتاتها وصديقاتها بالجامعه عن طريق اخت صديقتها هي كبري تقريبا 23 سنة قالت انتبهي اختك جالسة تسبك حتى لو اللي بينكم عيب تسووي كذا بالجامعه
ولما خبرت امي عنها امي نصحتها وقالت عيب بالعكس زاد من فرحتها عليها واستمرت بشرها اكثر علي
والحين لما نكون بمناسبة تروح لصاحباتها هي واخواتي وتاشر علي وتضحك وتقووول لحالها مكررررروهه ماحد عندها بيجلس
ارجوكم وش اسووي عشان اقنع نفسي اني حركاتها ماتاثر علي كيف ربي يعوضني خوات غيرها هو يجي يوووم ويتحسن حالي ويرزقني ربي بخوات هل ربي يعوضني بايام اجمل من الايام اللي انا عايشتها
انا الحين بالبيت مع اخواتي السته بس مايجلسن معي مايحبني واذا هي قامت من النوم ركضن لها اخواتي يرحبن بها وكانها اميره انا عارفة حركاتها مقصووووووودة بي
واقسم بالله العظيم اني ابكي من القهر وكل يوم تصرفاتها عن يوم تزيد حرقت دمي لي حاسة بيجيني مرض السرطان منها من كثر مو مقهورة ثلاث سنوات تعبانة منها وكل يوم افكر وش تسووي من حركة جديدة هي واخواتي وش يطبخن لي من حركة
وقلبي تعبان مع العلم والله العظيم اني مااارد عليها لا هي ولا اخواتي وانا الحمدلله راضية بقضاء ربي لي
مستحيل اشكي لصديقاتي لانه متوقعه يجي يوم ينقلبوا علي زي مانقلبت اختي علي
بس انا متفشلة مررررررررررة انها سابتني عند القاصي والداني والحين لما سبتني وش تتوقع الناس تقوول عنا هذولا بنات مو كويسات يكلمون شباب نست انها اذا سبت اختها تسب نفسها وتسب باقي اخواتها
وانا بسالكن يابنات لو تسمعين اخت تسب اختها عندك تصدقين كلامها وانتي ماتعرفين عنها شي بس كرهتيها من كلام اختها عنها ؟؟؟؟؟
وش شعورك وش بيكون موقفك لو اخت تسب اختها عندك .؟؟؟؟؟
وش نظرتك لها تحبينها والا تبعدين عنها والا تحبين تصادقينها ترحمينها من كلامها اللي تقولة ان اختها ظلمتها انها تكلم شباب؟؟؟؟؟
كيف نظرتك لك هل تعتبرينها صديقه لك والا تقولين اللي تسب اختها يجي يوم تسبني ؟؟؟؟
هل تحترمينها ؟؟؟
ولو تجي يوم من الايام اختك تسولف لك عن صديقتها ان اختها متهمتها انها تكلم شاب وساحبين جوالها منها ؟؟؟ هل تصدقينها والا تقولين لاختك ابعدي عنها هذي كذابه اللي تسب اختها مو اخت ؟؟
اسالكم بالله وش نظرتكم للاخت اللي تسب اختها؟؟؟
ونصيحة لكل اخت ترى الظفر عمره مايطلع من اللحم ولوكانت اختك الكبيرة قست عليك بالحيل تاكدي انه لمصلحتك وماتبي لك درب الرذيلة ماتبي تشوهين سمعت اهلك وماراح تحسين بهذا الشي الا اذا مستقبلا تزوجتي وجربتي خوفك على بناتك مثل خوف اختك الكبيرة عليك
كل اخت صغيره زعلانة على اختها الكبيرة تروح تسامحها لاتطولون فترة القطيعه بينكم
انا حاولت طول فترة الثلاث سنوات اتقرب من اختي الصغيره بس هي رافضه وتقول ماحبها فضحتني مع اني والله العظيم مافضحتها هي اللي فضحت نفسها وهي اللي شوهت سمعتي
اسالكم بالله كل اخت تسب اختها لاتصدقونها احرجوها وقولوا هذي اختك
والله العظيم انا صديقاتي لو يشتكون من اخواتهم ماحرضهم عليهم ابدا ابدا
اما اختي للاسف تحرض صديقاتها علي يرمون علي كلام بالجامعه وبالمناسبات كلام يجرح مع اني ماضريتهم بشي بس عشانها صديقاتهم وافقين بصفها
لاحول ولاقوة الا بالله
بس تاكدي يابنت لو وقفتي يوم من الايام ضد اخت واختها الله يقيض لك عدواة بين اخواتك اذا شفتي اخوات متقاطعات لاتحرضينهم على بعض عشان ماتبتلين
اختي مستمرة بشرها علي من صديقاتها وحتى يوم تنقطع عنهم تصادفهم بالملاهي والا بالزواجات وكلهم يمارسون شرهم علي حتى اخواتي معها
لاحول ولاقوة الا بالله العظيم
والله اني بابتلاء شديد واخاف يصبيني مرض السرطان ... فقدت اجمل ايام عمري مع اخواتي
لاحول ولاقوة الا بالله
ماتدرون وش كثر اموت باليوم الف مرررة ..... محتاجة لكن ولرايكن وشكرا انتم اخواتي الثانيات ساعدووووني
وسيعة البال 11 @osyaa_albal_11
عضوة جديدة
يلزم عليك تسجيل الدخول أولًا لكتابة تعليق.
اختك تقهر
ماعليك منها طنشي واشغلي عمرك بدراستك بنشاطات سوي لك قروب بالواتس سوي اي شي تشغلي وقتك فيه
اكيد هيا عند خواتك تسوي انها فله عشان كذا يحبوها بس انتي ماعليك منهم انتبهي لنفسك وصحتك لا طحتي محد بنفعك واددا طنشتي بتحس ع دمها وكمان خواتك اطنشيهم ولا تطلبي منهم شي صح شي صعب بس زي ما قلت لك اشغلي نفسك والمناسبات اطنشيهم ولا كنك شايفتهم وروحي مع بنات عم خال او حتى تعرفي
والي يرمي كلام اضحككككككككي وقولي حسبي الله ونعم الوكيل بقلبك بس بيني انك تضحكي وانكم تافهين
الله يعوضك بزوج صالح يحبك ويعشق ترابك
اسال الله العظيم في دي الايام الفضيله انه يرزقك من حيث لا تحتسبين ويرزقك زوج يغارون منه كل البنات
ماعليك منها طنشي واشغلي عمرك بدراستك بنشاطات سوي لك قروب بالواتس سوي اي شي تشغلي وقتك فيه
اكيد هيا عند خواتك تسوي انها فله عشان كذا يحبوها بس انتي ماعليك منهم انتبهي لنفسك وصحتك لا طحتي محد بنفعك واددا طنشتي بتحس ع دمها وكمان خواتك اطنشيهم ولا تطلبي منهم شي صح شي صعب بس زي ما قلت لك اشغلي نفسك والمناسبات اطنشيهم ولا كنك شايفتهم وروحي مع بنات عم خال او حتى تعرفي
والي يرمي كلام اضحككككككككي وقولي حسبي الله ونعم الوكيل بقلبك بس بيني انك تضحكي وانكم تافهين
الله يعوضك بزوج صالح يحبك ويعشق ترابك
اسال الله العظيم في دي الايام الفضيله انه يرزقك من حيث لا تحتسبين ويرزقك زوج يغارون منه كل البنات
والله انك وسيعة بال بحق !!
اختك عنيده وراسها يابس وواضح الي معطينها جوها ساهموا بتجبرها عليك !!
صحباتها ساس البلا ..
واختك ماينفع لها شخصية ضعيفه وساكته وتطنش مثلك !! لابد تعطينها على راسها وماتسكتين لها !! الين ماتتعب منك وتخاف لان قلة الادب بسبك امام خلق الله ضعف منك !!
واهلك دام الوضع مستمر وتسبك مفروض يحبسونها بالبيت لين تبطل !!
كيف ساكتين ماادري !! لكن شكلهم تعبوا منها.
اختك يبيلها عين حمرا ووحده ذكيه ولابد تتغيرين وتكونين مفتحه عيونك على نفسك .. انبسطي العبي مع خواتك .. خليها تدري داخل نفسك ان رهيبه ومو ضد السعاده والفله وتجديد العلاقات ..
انتي تعطين الشخصيات المعقده الانفعاليه الي مثل اختك مجال تغلط عليك بسكوتك وحالك الساكن !!
خليك مثلها كبريت بسرعه تتولعين وتتفاعلين سواء سعاده او زعل ومدافعه عن النفس ..
وبذكاءك بيني انك تحبينها وتبين تفلينها معاها بس لا تبينين انك ضعيفه ومحتاجتها ، هالنوع يتجبر على الضعف فانتبهي .
الان معاك خطوتين :
١- تبينين قوتك وانك فاهمه ومفتحه وتواجهينها عين بعين بدون صراخ لكن بحزم .. واذا طارت فيك خشي بعينها قولي (وش اسلوبك الهمجي ذا كلميني بهدوء ترا الناس يقولون عنك همجيه طفشوني ، اكبري وتكلمي زين وخليك انسانه تخاف من الله ومهتمه باسلوبك واخلاقك ترا بعد كم سنه بيروح شكلك ذا وبتكبرين ومارح تكونين الا كنك حيوان همجي من الغابه تنفرين الي حولك بجهلك )
دايم وضحي لها ان صراخها وهمجيتها الناس يتكلمون عليها فيها وينصحونك تنصحين اختك لانها مُلفته بحركاتها( وضحي ان ممكن تخسر اهلها والناس) .
٢- لابد تبينين انك فلاويه وتنبسطين مع خواتك وماتصدين عنها اذا تقربت .. بيني مع قوتك عيونك الحمرا انك ممكن تكونين حنووونه مع الي يحتاجك .
( خليها تطمع تقرب منك وتحتار بامرك )
وعلميني وش يصير ..
اضعف الايمان غيري هالضعف وهالسكوت والسلبيه ..
ان ماتغير شي واختك ضد الاصلاح .. اهلك مسؤولين عنها ولازم مايخلونها تطلع لين تسحب كلامها عنك امام كل صديقاتها .. ولا الحبسه بالبيت مصيرها للابد !!
موفقه والله يهدي سركم ..
:)
ملاحظة / اسلوبك بالكتابه دخلني جو كأن حالك حالي .. مره تعمقت لدرجة تعبت .. فعلا عانيتي ياقلبي .
اختك عنيده وراسها يابس وواضح الي معطينها جوها ساهموا بتجبرها عليك !!
صحباتها ساس البلا ..
واختك ماينفع لها شخصية ضعيفه وساكته وتطنش مثلك !! لابد تعطينها على راسها وماتسكتين لها !! الين ماتتعب منك وتخاف لان قلة الادب بسبك امام خلق الله ضعف منك !!
واهلك دام الوضع مستمر وتسبك مفروض يحبسونها بالبيت لين تبطل !!
كيف ساكتين ماادري !! لكن شكلهم تعبوا منها.
اختك يبيلها عين حمرا ووحده ذكيه ولابد تتغيرين وتكونين مفتحه عيونك على نفسك .. انبسطي العبي مع خواتك .. خليها تدري داخل نفسك ان رهيبه ومو ضد السعاده والفله وتجديد العلاقات ..
انتي تعطين الشخصيات المعقده الانفعاليه الي مثل اختك مجال تغلط عليك بسكوتك وحالك الساكن !!
خليك مثلها كبريت بسرعه تتولعين وتتفاعلين سواء سعاده او زعل ومدافعه عن النفس ..
وبذكاءك بيني انك تحبينها وتبين تفلينها معاها بس لا تبينين انك ضعيفه ومحتاجتها ، هالنوع يتجبر على الضعف فانتبهي .
الان معاك خطوتين :
١- تبينين قوتك وانك فاهمه ومفتحه وتواجهينها عين بعين بدون صراخ لكن بحزم .. واذا طارت فيك خشي بعينها قولي (وش اسلوبك الهمجي ذا كلميني بهدوء ترا الناس يقولون عنك همجيه طفشوني ، اكبري وتكلمي زين وخليك انسانه تخاف من الله ومهتمه باسلوبك واخلاقك ترا بعد كم سنه بيروح شكلك ذا وبتكبرين ومارح تكونين الا كنك حيوان همجي من الغابه تنفرين الي حولك بجهلك )
دايم وضحي لها ان صراخها وهمجيتها الناس يتكلمون عليها فيها وينصحونك تنصحين اختك لانها مُلفته بحركاتها( وضحي ان ممكن تخسر اهلها والناس) .
٢- لابد تبينين انك فلاويه وتنبسطين مع خواتك وماتصدين عنها اذا تقربت .. بيني مع قوتك عيونك الحمرا انك ممكن تكونين حنووونه مع الي يحتاجك .
( خليها تطمع تقرب منك وتحتار بامرك )
وعلميني وش يصير ..
اضعف الايمان غيري هالضعف وهالسكوت والسلبيه ..
ان ماتغير شي واختك ضد الاصلاح .. اهلك مسؤولين عنها ولازم مايخلونها تطلع لين تسحب كلامها عنك امام كل صديقاتها .. ولا الحبسه بالبيت مصيرها للابد !!
موفقه والله يهدي سركم ..
:)
ملاحظة / اسلوبك بالكتابه دخلني جو كأن حالك حالي .. مره تعمقت لدرجة تعبت .. فعلا عانيتي ياقلبي .
اولاً المفروض أختك تحمد ربها انها جات على كذا تخلصت من الشاب اللي تكلمه قبل ما يطيح الفأس بالرأس وإنتي ماقصرتي خوفك على أختك وسمعة اهلك خلاك تسوين اللي سويتيه المفروض ماتنقهرين الا تفرحين انك خلصتيها من الخطأاللي كانت فيه وانبسطي لا تحطين لهم بال اجلسي مع أمك تقهوي سولفي كلمي صحباتك كوني صداقات ادخلي قروبات زي ماقالت الأخت اللي فوق وخليك قويه لاتحسسينهم بضعفك مردهم لك أنتي أختهم الكبيرة ومالهم غناة عنك وأختك ماراح تحس باللي سويتيه الا بعدين
ي قلبي عليك
ي عمري لاتشيلين هم وطنشي اختك صدقيني الايام ترجعها لك
انتي صح وخليك على موقفك وي حبيبتي اختك اللي فيها بسبب بعدها عن ربي بكره تفوق
عادي انتي سويتي اللي كان لازم اي اخت تخاف على اختها وسمعة اهلها تسويه
الله يوفقك ويرزقك الزوج الصالح التقي النقي الهين اللين ويهدي اختك ويؤلف بين قلوبكم
ي عمري لاتشيلين هم وطنشي اختك صدقيني الايام ترجعها لك
انتي صح وخليك على موقفك وي حبيبتي اختك اللي فيها بسبب بعدها عن ربي بكره تفوق
عادي انتي سويتي اللي كان لازم اي اخت تخاف على اختها وسمعة اهلها تسويه
الله يوفقك ويرزقك الزوج الصالح التقي النقي الهين اللين ويهدي اختك ويؤلف بين قلوبكم
الصفحة الأخيرة
تم الإرسال بواسطة iPad بإستخدام منتدى عالم حواء