مشكلتي مع اعز صديقاتي>>>>>اب شوركم

السلام عليكم

كيفكم ياحلوات ??ان شاءالله بخير

بدخل بالموضوع عالطووووووووووووول

انا لي صديقه من 6 سنين وصارت مشاكل بيني وبينها

وابي نصيحتكم هل اكمل معها او ابعد عنها او..........او........

مره عزمتني على شبكة اختها وقلتلها خلاص ان شاءالله اكلم الاهل واردلك

وكلمت امي ووافقت قالتلي خلاص طيب وقلت للبنت امي وافقت بس مو اكيد اجي لانو جدتي لها اسبوعين متوفيه

قالتلي طيب بس رديلي في نفس يوم الشبكة قلتلها خلاص اوكي

وجا يوم الشبكة في الظهر رسلتلها رساله قلتلها خلاص ان شاء الله اليوم بنجيكم الساعه عشره ونص اذا ربنا اراد

ولما جا العصر اتتصلت علينا وحده من عماتي وقالت اليوم لازم تجون عشان بيجون حريم من الرياض يعزون وامي

قالتلي قولي لصاحبتكي ان شاءالله نجي في الجواز لان لازم نروح عن عماتك لان صعبه نخلي عماتك وهما بحاجتنا

ونروح شبكة وبعدين رسلتلصاحبتي رساله عالجوال قلتلها معليش اليوم مانقدر نجي لان بيجون حريم عند عماتي يعزون ولازم

نحضر والف مبروك لاختك وان شالله نجي في الجواز المهم وماردت عليا ورحنا عند عمتي والتلفون رن ردت عمتي ونادتني قالتلي تعالي كلمي

وطلعت صاحبتي اول ماامسكت التلفون قالتلي صاحبتي اصلا انتي منتي صاحبه لو انتي صاحبه كان تجين الشبكة وانا

من اول استناكي واحكي بنات عماتي عنك وفي النهاية ماتجين اصلا انتي ماهميتيني ولا بتهميني في يوم وسكت

السماعه في وجهي وانا مره كنت مصدومه وانجرحت من كلامها هذا لاني مااتوقعت بيوم من الايام يطلع منها هذا

الكلام وعشان ايش عشان ماجيت شبكة اختها المفروض تقدر انو جدتي ماعدا على وفاتها اربعين يوم المهم يوم

السبت جات وهيا زعلانه المفروض انا الي ازعل مو هيا وعدت هذه المشكله وسامحتها مع اني شايله بقلبي عليها

وعددت الاياااااااااام ومره كنا نتكلم وقالت بصراااحه يا(....................) اذا اتصلت عليكي عالتلفون لاتخلي اخوكي

الكبير يسال انا مين ؟؟؟؟؟ قلتلها ليش ياقلبي هذا من حق اهلي يعرفون مين المتصل قامت قالت لا انا اخواني

منعوني اني اقول لاسمي لاي احد قلتلها طيب انتي عارفه انوانا يتصلون عليا بنات خالتي وبنات عمتي وبنات جارتي وصحباتي كل يووم كيف تبغيني اعرف انتي مين من بينهم كلهم ماردت عليا قلتلها طيب اخوانك كيف مايرضون على اختهم ويرضون على بنات الناس انا لمن اتصل اخوانك يسالوني انتي مين ولا تكلمت لانو هذا الشي عادي قالت لاااااااااااا حدك هنا لاتغلطي على اخواني قلتلها هدي انا ماغلطت عليهم وخلينا نتفاهم بهدوووء اخوانك لمن اتصل عليكي يسالوني انتي مين وانا اقلهم اسمي عادي الرسول صلى الله عليه وسلم كان الكل عارف اسماء زوجاتوا واذا عرف اخويا اسمك ايش بيسوي باسمك !!!

قالتلي لاتكذبين اخواني مايسالون انتي مين قلتلها واللي خلقني انهم يسالون ؟؟؟؟ قالت اخواني مايسالون لانهم عارفين انو محد يتصل عليا من صحباتي غيرك قلتها اول شي اخوانك يسالون وثاني شي اذا اخوانك عارفين انو محد يتصل عليكي غيري انا ماشاء الله صحباتي كلهم يتصلون وبنات جارتي و.....و......

المهم وقفلنا على هذا الهرجه واليوم اللي بعده ماكنت بالبيت كنت عند بنت الجيران ولمن رجعت قلي اخويا الكبير في وحده اتصلت عليكي قلتله مين قال مدري تقول قولها انا صاحبتها وهيا تعرف انا عرفت انها هيا لانها امس مكلمتني بالموضوع وقلي وربي قهرتني صاحبتكي قلتلها انتي مين قالت صحبتها قلتلها طيب مين صحباتها لانها لمن تجي تسال مين قالتلي انت قولها مين صحبتها وهيا تعرف وسطت السماعه بوجهي يقول مره قهرتني كاني بسويلها شي اذا عرفت اسمها المهم اتصلت عليها وكلمتها وعرفت هيا ايش تبغى ولمن قفلت منها كلمت بنت جارتي وحكيتها عالي صار وقالتي انا لمن اتصل على اخت صحبتكي (بنت جارتي صاحبة اخت صاحبتي >>>>>>>ان شاءالله فهمتوني)يسالوني اخوانها انتي مين ؟؟؟

المهم وبعدين بنت جارتي الله يهديها كلمت اخت صاحبتي وقالتلها مرررره اختك المفروض ماتتكلم زي كذا على اخو بنت جارتي اللي هيا انا (لان صاحبتي لمن كلمتها على الحركة اللي سوتها قالت اخوكي يكلمني كانو يكلم خويتوا !!قلتلها يابنت الحلال اخويا اذا فكر بيوم من الايام انو يكلم مارح يكلم صاحبت اخته واذا سالكي انتي مين معناتوا يكلم خويتوا وقلتلها انتبهيلاتقولين لاحد هذا الكلام لان لوقلتي يكلمني كانو يكلم خويتوا بيجي الكلام عليكي انتي وهو مارح يضروو بشي)المهم وصاارت مشاكل بيننا واختها قالت كلام بس مااقول الا حسبي الله عليها

ومرت ايام وانا نسيت اللي صار مع انوا انا بس مرره قلتلها اختك زعلت من موضوع تااافه قومت الدنيا عليا ولاقعدتها وانا قالت كلام عن اخويا وسكت وكبرت عقلي


وفي مشاكل بين اختها وبنات جارتي من قبل واختها صارت بتفرق بيني وبينها ومره كنت اكلم صاحبتي بالماسنجر(ايميل صاحبتي مشترك بينها وبين اختها الكبيره ) وكانت حاطة التوبيك(اسمها في الماسنجر) يارب نجحني انا وكتبت اسامي صحباتها وصحباتي كلهم ماعدا اسمي
ولمن دخلت كلمتني وبعد السلام والسوال عن الاحوال قالتلي تكلمي بنقعد كذا بس نسلم وين هروجك اللي تهرجينها انا استغربت اول مره تتكلم زي كذا قلتلها لا روحي اهرجي مع شوشو وسوسو ورورو وجوجو (اسامي البنات اللي حاطتهم بالتوبيك _اسمها بالماسنجر_)قامت قالتلي عليكي نووووووووووووووور انا بروح اهرج معاهم واسولف واتكلم قمت قلتلها اجل خلاص روحيلهم ليه تتكلمي معايا قامت قالتلي ايوا بروحلهم لانك انتي اصلا ماتهميني انا هنا خلاص مااقدرت مره انصدمت منها وكتبتلها مو غريبه منك انا الهبلة اللي استاهل انصدمت منك وانجرحت وغير المواقف التافهها اللي تزعلين منها وقلت لا مايصير ابعد عنك مو انا اللي تهون عليا عشرة 6 سنين قالتلي وهذا العشم فيكي وانا سكت مارديت قامت قالتلي تكفين لاتبكين (تستهزي فيها )قمت قلتلها مو انا انزل دمعتي على ناس مايستاهلونها قامت قالتلي افااااا ماتوقعتها منك انا مااستاهل ورسلتلي ضحكه ههههههههههه قمت كتبتلها مااقول الا حسبي الله عليكي والوم مو عليكي عليا انا اللي صاحبت وحده ماتقدر ولا عندها اسلوب وعلقلها صغير قامت قالتي بلاش كلام المسلسلات هذا قمت قتلها ليش هما بس المسلسلا اللي حسون واحنا ما نحس قالتلي الا نحس قمت قلتلها خلاص وبعدين خرجت انا من الماسنجر ورحت عن بنات جارتي كانت الساعه وقتها عشره الليل بس اهلي وافقوا لان انا ماعندي اخوات لكن ربي عوضني فيهم ليا فوق12 سنه وانا اعرفهم تربينا مع بعض واهالينا يعرفون بعض وفي قرابه بيننا من بعيد المهم ورحتلهم وحكيتهم الي صار واتصلت صاحبتي على بنت جارتي وانا عندهم ولمن ردت بنت جارتي سمعت اخت صاحبتي تتكلم عليا وعلى بنااات جارتي من بيعيد قامت قالتلها بنت جارتي خلاص ابعدي عن (..........)بعد كل اللي سويتي فيها لكي عين تتصلين وانا قلتلها من بعيد اذا متصله عشان تعتذرين مارح اقبل اعتذارك ايش الفايده اذا كل ماتغلطين تعتذرين وبعدين نفس الغلطة تكررينها واذا متصله عشان نتفاهم مااعتقد انوا في شي عشان ينقال (قلت هذا الكلام لاني مره كنت متنرفزه منها ) وبعدين هيا قفلت وانا جلست عند بنات جارتي الين الصباح الساعه 9 ورحنا ناخذ الشهادات من مدارسنا ولمن رحت مدرستي كان صاحبتي هيا واختها واقفين مع زميلاتي وانا رحت اسلم على زميلاتي قامت هيا واختها راحوا لاني جيت عادي انا طنشت وهيا راحت مسكت بنتين من زميلاتي وحكتهم على اللي صار قالتلهم انا و(..)تخاصمنا امس عالماسنجر اختي اللي جات من الشرقيه (هذه اللي شوت الشبكة ومارحتلها بس حضرت الجواز بسميها نهى )وكانت بتسوي مقلب معاها بس هيا عصبت وزعلت وقالت خلاص انا ابغى ابعد عنك وبكيييييت بعدين وقالولها البنات مارح نسيبكم انتو صاحبات والكل عارف لازم تتفاهمون مع بعض المهم ورحت انا عند المدرسة اللي جنب مدرستنا عشان بنات جيرانا ياخذون شهاداتهم وقابلت صاحبتي عشان اختها في الثانوي تاخذ شهادتها (لان انا وصاحبتي سنه ثالث متوسط احنا في مجمع والثانوي بمجمع) وكانت صاحبتي معها وحده من اعز صحباتنا وهيا القريبه لنا انا وصاحبتي بسميها ((وفاء))كانوا يمشون مع بعض وبعدين جاتني وفاء ومشيت معايا وقلتلها عن المشكله وكانت اخت صاحبتي تمشي وتدور حوالينا وسمعت نص الكلام وبعدين رجعت البيت وفي العصر اتصلت اخت صاحبتي على بنات جارتي وقالتلهم انتو ليش تدافعون عنها هيا حياالله حيالله بنت جارتكم مهما سويتوا رح تظل غريبه وانا اصلا ((....)) مهي عاجبتني(تقصدني انا)) ومصيركم رح تنخدعون فيها وصلانها رح تخسر اختي واختي مهي محتاجتها وبنات المدرسه كلهم عند اختي وبنات جاراتي طبعا ماقصروا ردوا عليها وانتهى الموضوع على كذا وكان وقتها اجازه اسبوع ولمن رجعنا كنت انا وصاحبتي مع بعض وشلتنا بس ماكنا نتكلم مع بعض وسحبتني على جنب وتفاهمنا وطلوال وخلصنا بس انا مارتحت لكلامها وكانت تبكي واعتذرت وانا قلتلها مارح ابعد عنك بس اعرفي اني مانسيت وماسامحتك قامت قلتلي ليش انتي لمن تغلطين انا انسى واانتي ماتنسين قلتلها قوليلي انا ايس سويتلك تهربت من سوالي قالتلي انتي جرحتيني لمن اتصلت على بنت جارتكي وقالت ابعدي عن(.) لانو اللي جا منك كفايه

قلتلها لكل فعل ردت فعل وبنت جارتي ماقالت هذا الكلام من الباب للطاقه قالته من اللي جا منك المهم وانا دحين معاها عادي وغيرت محلي انا كنت جالسه جنبها بس نفلت ورى جنب وفاء ولمحتلي انها تبغاني ارجع جنبها بس انا سويت نفسي مني فاهمه ايش تقصد وبعد يومين من تلميحاتها قالتلي بالعربي ابغاكي ترجعين جنبي قلتلها اسفه المحل اللي جنب وفاء ريحني قالتلي براحتك

واليوم اللي بعدو قالتلي يا(.......) انتي ماتحبيني وانا عارفه لكن انتي من اعز صحباتي وانتي تتكلمين مع وفاء عشان تقهريني قلتلها لا والله معزتكي بقلبي محفوظه قامت قالتلي لا انتي بعد المشكلة اللي صارت تغيرتي ومانسيتي قلتلها لو طرقتي مسمار بالجدار وجا احد قللك اخلعيه وخلعتيه مو رح يبقى اثر قالت ايوا قلتلها اجل خلاص هذا هووو

وقلتلها اا على وفاء مستحيل اصغر عقلي واقهركي بش وانا مارح استفيد شي اذا قهرتك وقلتلها زي ماقارنتي معاملتي معاكي ومع وفاء قارني بالاشياء اللي سويتيها عايا والاشياء اللي سوتها وفاء معايا انتي انصدمت منك وانجرحت و.........و...... اما وفاء ماقصرت معايا ولابشي وماغلطت عليا بشي وزي العسل معايا كيف تبغيني اعاملها ؟؟

قالتلي الله يدوووم المحبة بينكم قلتلها والله انوا لكي معزه بقلبي ولو الاشياء اللي سويتيها احد غيرك سواها امكن اقبلها لكن انتي القريبه مني واالي دايم تقوليلي احبك وماني عارفه ايش يطلع منك كل هذا

وعلاقتي معاها ذحين زي اول مع انو في حساسيات بيني وبينها وغير انو هيا حساسه وانا اقدر هذا الشي بس الين متى وانا اراعيها وهيا ماتقدر ؟؟؟؟؟؟

المهم ابي شوركم على الحين كيف اتصرف معاها وهل اسلوبي معاها تمام ولا ؟ وهل انا غلط عليها بشي ؟؟

معليش تعبتكم معايا واعذروني كلامي ملخبط بس ان شالله تفهمون علي لاني اول مره اكتب مشكلة في منتدى


والله ا ني رح ادعي لكل وحده ترد علي

وانا ماشاورت بنات جيرانا لانو في مشاكل بينهم وبين اخت صاحبتي ؟؟؟؟

والشي اللي يقهرني في صاحبتي لمن تغلط عليا محد يدري غيري وغيرها ولمن تعتذر ولا نتفاهم نكون قريبين من البنات وهيا تبكي والبنات يحسبوني اني انا اللي زعلتها >>>>>>>>>>ماخلصتي


يالله ابي شوركم علي اعذروني طولت عليكم