مشكلتي مع التنمر

السلام عليكم اخوتي انا قصتي بالنسبة لي كبيرة ومش عارفة شو اسوي انا بنت عمري ١٧ سنه مشكلتي اني ابدا مو شايفه نفسي حلوة اعرف انو خلقه ربي وانا كنت مقبوله بشكلي ولكن التنمر الي اجاني من العالم وحتى مرات من اهلي حسيت صرت اكره اني اطلع بوجه حدا واتكلم صارو يقولو عني متوحده بس انا مو هيك انا بحب اطلع بس من الناس حتى لو ما تكلمت عيونهم بتحكي انا صرت ما بحب نفسي وصرت من اشوف العالم او بنات بعمري صرت اكره نفسي اكثر مع اني بس والله شكلي عادي يعني مو حلوة ولا قبيحه وكنت بحب نفسي بس العالم والتنمر خلتني وحده معتزله تركت المدرسه حتى بسبب التنمر وكمان صار يتنمرو على اسناني وصرت ما اضحك ولا احكي بوجه حدا بخاف يتنمرو علي انا كرهت نفسي انا صليت ودعيت كثير بس ما اتغير شي فيني بس مع هيك بثق بربي وبعرف رح يجي الايام وتلف عليهم بس كمان التنمر غيرتني صرت ما اضحك ولا اطلع صرت منعزله احب البيت اضل بغرفتي ومن يجي احد لعندنا اروح لغرفه ثانيه مشان ما يشوفوني تعبت نفسيتي من انا وعمر ١٢ صارو اخواتي يتنمرو علي انا ما بدي شي من هالحياة انا بس بدي ارتاح وشوف الناس تقلي حلوة صرت اخاف ما حدا يقبلني بسبب شكلي لدرجه وصلت معي مرات اني انتحر ولك ضميري ما سمحلي بخاف من ربي كثير انا ما بدي من جهنم روح لجهنم انا بس بدي ارتاح بدي شي يريحني بهالفترة بسمع مدح كثير بس التنمر الي اجاني اكثر وما بنسى حبيت احكي الي بقلبي وشكرا الكم