مشكلتي مع الحظ

الأسرة والمجتمع

انا باختصار و مابي اي شخص يقول تبالغين او مجرد قصة خيالية هذي قصتي و قصة عشتها سنين طويلة مع( الحظ)و متى اكتشفت ان حظي سيء من طفولة. مافي مقارنة بين حياتي و حياة الاشخاص اللي حولي. وظيفة ارتباط سفرات اصدقاء و رزة و مناصب و حفلات. حياتهم غريبة عني عايشين بعالم ثاني
انا اتمنى ما احصل. بحياتي ما حصلت ولاشي مفرح الا نادرا. و اذا قلت بيصير و بافرح كل شيء ينتهي بغمضة عين. و كل اي احد يبشرني افرح و ينتهي كل شيء ينلغي او انرفض بوظيفة
دائما اموري متعطلة و خصوصا الامور اللي اتمناها. او مرة كتبت سي في للوظيفة الكمبيوتر اخترب فجاة او ابي اطرش على الايميل كل شيء يضيع.. مرة دواء اللي ابغيه رحت الصيدلية و اخر قطعة خذاها شخص ثاني.. ادخل نت تجيني رسايل مضايقات و كره زايد لي من دون سبب.

٣ الامراض و كل شوي مستشفى. من مرض لمرض. و ادري هذه اسمها سلبية لكن احب اوصلكم فكرة. عايشة بوهم. حياتي وهم كلها امنيات فقط. و انا مشكلتي الكبيرة مع المرض و اذية الاشخاص لي من دون سبب
و اموري كلها متعطلة من الالف للياء كل ما خطط لشي اعرف مصيري الفشل و ان الموضوع انساه. و حتى لما اشتركت بمسابقة امسح و اربح
ما عمري ربحت بهالمسابقات. و لا حتى بالمدرسة تكرمت بجائزة او حتى تقدير على جهودي. مع اني احصل على علامات عالية. و اكثر من وظيفة رفضتني و كلها بسبب الحظ النحس.
ادري قصتي غريبة لكن حبيت اشرح وضعي و فكرة اني غير محظوظة صارت وياي على طول. و ياليت من مر بمثل هالمواقف السيئة يقولي كيف اتخلص منها.
14
6K

يلزم عليك تسجيل الدخول أولًا لكتابة تعليق.

تسجيل دخول

المكروبة
المكروبة
تقريباً نفس اللي يصير معك يصير معي ويمكن ازود شوي ابتليت بامراض والحمدلله وشفت صدود الناس عني وبالعكس يمكن تحصلي اشياء اسوء منك مايحضرني اقولها لكن اكثر شي قاعد يصير معي لي ثلاث شهور تعبانه ومافي شي فاد معي يعني اشوف الناس ياخذون ليمونه طبحوا وانهم طيبين ناس تروح لدكتور الفلاني تطبح وان مافيها شي وانا لا لدرجة مره مااكذب عليك دخلت على دكتوره ودوب سوت لي اشعه لبطني ولسى بحكي لها اعراضي وباناقش عن الاشعه اللي تدخل وحده تقول فلوسها انسرقت وتصير مشكله واضطر اترك المكان وامشي ومره رحت لمستشفى حكومه عصر وانا تعبانه رايحه الطوارىء كااان المستشفى فاضي ورفضوا يستقبللوني يقولون روحي لمستوصف واشياء كثيييره ونفسك في المدرسه الكل يشهد على ذكائي ودرجاتي عاليه بس ماعمري تكرمت واحياناً حتى لمااطلب اكل من برا اتمرمط واكره الاكل وبعد ماتنسد نفسي عنه يجي وهالسنه تدرين ماقدرت اشتري ملابس الجامعه ووغيرها من الامور بس في ذي اللحظه راجعي علاقتك بربي واعرفي ان فيه خلل ولازم تصلحيه
بس انا عرفت هالخلل متأخر جداً دوبي استوعب تقصيري وذنوبي اللي بسببها ربي ابتلاني بالمرض هذا اسأل الله ان يغفرلي ذنبي ويشفيني
ألوان_1
ألوان_1
أنا مثلكم الحظ عندي سيء جداً،
مصابه بمرض الواساوس والتخيلات أشياء ليستموجوده.
إرتباط لن يتحقق لي أبداً
وظيفه لن تتحقق لي أبداً
كلمات جارحه تتحقق لي دوماً
كره من حولي يتحقق لي دوماً
تعاسه تتحق لي دوماً
سعاده لن تتحقق لي أبداً
هذا حظي.أوهذه حياتي.
والحمدلله على كل حال
أأأم عبدالملك
أأأم عبدالملك
عليك بالرقيه الشرعيه والاذكار وقراءة سورة البقرة
واهم شيء الاستمرارررر
المكروبة
المكروبة
تبين اموركك تتغير الزمي الاستغفار خلي لسانك شغاللل بالذكر والصدقه لو تحطين مويه للطيور والبسوس برا وقيام الليلل مع الدعاء عليييك بالقيام اللي مع الدعاء فوالله اخرالليل ربي ينزل الى السماء الدنيا فيقول هل من دعاي فاجيبه له هل من سأل فأعطيه هل من مستغفر فاغفرله وسهام الليل لاتخطىء وصدقيني كلها اسبوع بالكثير تلقين امورك صارت سهله وكل شي يخطر ببالك يتحقق بس اهم شي تداومين عليك وتبتغين بها وجه الله وادعي لي معك ان ربي يرزقني الشفاء العاجل واني اصير اكل ويرزقني طولة العمر
ياريحة الجنة
ياريحة الجنة
اللي اعرفه إن كثير من تعطيل الأمور والنحس والقرادة يكون بسبب مس أو مس عاشق ... اقري بقوقل