مشكلتي مع الحمل

السلام عليكم ورحمة الله وبركاته

اشحالكم حبيباتي اتمنى لكم الصحة والعافية :27:

اللحين بدخل في الموضوع انا الله يسلمكم متزوجة من سنة و8 شهور تقريبا ولين احين ما كتب لي الحمل :( ويوم كملت سنه رحت عند الدكتورة وسويت فحص قالت لي كل شي فيج زين وعقب سوت لزوجي فحص وطلع عنده ضعف في الحيوانات المنويه ودوالي في الخصية ولازم يسوي عملية للدوالي بس ريلي ما سوى العملية لين احين مع اني دايما اقوله بس يقولي عقب وما ابغي احن عليه اكثر وبعد انا دورتي مش منتظمة من عقب الزواج المهم من كم اسبوع حسيت بألم فضيييييييييييييييييييع جهة الكلية اليمنى ورحت المستشفى وسوت لي الدكتورة تحاليل وتلفزيون و طلع فيني كيس ع المبيض الايمن وحصى في الكلى :icon33: انصدمت اشلون كيس وانا قبل الالم ب 10 ايام تقريبا سويت تلفزيون وقالت لي الدكتورة ما فيج شي وحتى سوت لي فحص داخل الرحم المهم عقب هالالم باسبوع يت لي الدورة الشهرية وكانت كمية الدم فظيعة :06: وعقب قالت لي وحدة من معارفي ان هالكيس يتكون قبل الدورة لان الدم يكون متجمع بس عقب الدورة يختفي فما ادري هالكلام صح والا غلط فقلت خلني اسأل حبيباتي بنات حواء

لاتبخلون علي بالدعاء

واسمحولي ع الاطالة

وداعت الله :icon35: