السلام عليكم ياحوائيات وش اخباركم وحشتوني
عندي موضوع مهم يخص كل وحده عندها خدامه ابي اعرف الشي اللي يصير معي يصير مع غيري او لا 🤔
المهم انا هالفتره حامل وقدمت على خدامه وان شالله شهرين او ثلاثه ع بال ماتجي المهم انا هذي رابع خدامه رح اجيبها تجربتي السابقه مع الخدم كانت سيئه 😩
في البدايه اول ماتوصل الخدامه تكون مؤدبه ولا لها نفس في الاكل اجلس وراها وراها عشان تاكل واخذها معي وين مااروح مطاعم مقاهي مااقصر معها بعد فتره شهرين او ثلاثه تبدا تتجرا زي اخر وحده قبل سنتين فلبينيه كانت كذا بعد ثلاث شهور تصير زي الافه على الاكل يعني تاكل الاخضر واليابس 😟 وفي هذي الحاله انا اسكت مااقدر اتكلم عشان مااجرحها وهي تحسب الوضع عادي انا من النوع اللي اسبوعيا اقضي للبيت اغراض واكل للمطبخ لكن بوجود الخدامه كل شي يصير يخلص في يومين 😭 وزوجي يصير يهاوشني يقول دوبنا مقضين من يومين وين راحت الاغراض انتو ترمونهم اقول لا الخدامه خلصتهم يعني مو معقول احنا اربع انفار بالبيت ماخلصت الاغراض معنا كذا وهي نفر واحد وتسوي كذا بليز بنات اتمنى ماتفهموني غلط او تجي وحده مطفيه النور وتقول انتي ماتبين الخدامه تاكل اجل ليش جايبتها ! لا طبعا اكيد مو هذا اللي اقصده تاكل عادي مافيها شي بس مو معقول تصير زي الافه تبغا تقضي ع الاكل قد ماتقدر في يومين او ثلاثه هالاكل جايبينه بفلوس ماهو ببلاش انا مدري ليش الخدم يسوون معي كذا !! واللي جربت خدامات بهالنوعيه اكيد وح تفهم قصدي الزبده وش اسوي في هذي الحاله الحين اذا جاتني خدامه وطلعت نفس الطبع هذا هل اتركها واسكت عشان لاتزعل ولا ايش اسوي بالضبط
انتم كيف تتصرفون في هذي الحاله ؟؟
يعني والله شي مو معقول تخيلو كنت اشتري اغراض بسوي منها حلى عشان بيجوني ضيوف اجي ماالقى شي منها الا شي بسييط اضطر ارجع اشتري مره ثانيه 😪 ولا احيانا احط شي في الثلاجه اجي ماالقاه قد خلصت عليه يعني وشلون كذا تحسب هي اننا نشتري كل شي لها يعني واحنا بس نضل ندفع في هالبقايل
مابغا تجيني الخدامه الجديده زي كذا يابنات بليز قولو لي كيف تتصرفون لما تكونو في نفس وضعي 💔
dudi @dudi
محررة فضية
يلزم عليك تسجيل الدخول أولًا لكتابة تعليق.
dudi
•
ذكرتيني نره جبت خدامه وكانت ما تاكل جلست انا احاول فيها تاكل الين قضت ع الأخضر واليابس حتى لما تكون بنتي ناينه احط لها غدا عشان لما تصحى اغديها احصل الخدامه ماكلتنه وكم مره اقولها لا تاكلينه وهي تاكله والله ان احنا ما مقصررين معهن بشي المطبخ كله مفتوح لهن لكن هن يتمادن اعتقد السبب انه احنا من البدايه نلاحقهن ونتمننهن عشان ياكلن نصيحه الخدامه اللي تجيبيها خليها اذا ما رضت تاكل حطي اكلها اذا كلت كان بها واذا ما كلت اكيد بيقرصها الجوع وبتاكل ما عليك منها واذا حسيتيها بدأت تاكل زياده عن اللزوم لا تسكتي عنهاذكرتيني نره جبت خدامه وكانت ما تاكل جلست انا احاول فيها تاكل الين قضت ع الأخضر واليابس حتى لما...
فعلا نفس الشي صار معي حتى الاكل حق الاطفال ياكلونه واذا تكلمت اخاف تزعل وتشيل بخاطرها الله المستعان
حطي لها اكل وقولي هذا حقك وخلاص. ولاعاد تراكضين وارهن عشان ياكلون والا يلبسون هم ادري خليك رسميه عشان تهابك اذا طيحتي الميانه والا حست انك تبتسمين في وجهها خلاص راحت عليك
موقصدي انك تعنيفينها لا خليك حازمه بينكم شغل وبس
موقصدي انك تعنيفينها لا خليك حازمه بينكم شغل وبس
الصفحة الأخيرة
اعتقد السبب انه احنا من البدايه نلاحقهن ونتمننهن عشان ياكلن
نصيحه الخدامه اللي تجيبيها خليها اذا ما رضت تاكل حطي اكلها اذا كلت كان بها واذا ما كلت اكيد بيقرصها الجوع وبتاكل ما عليك منها واذا حسيتيها بدأت تاكل زياده عن اللزوم لا تسكتي عنها