مشكلتي مع الدراسه

السلام عليكم بنات حواء

ابغى استشيركم لأني كل ما افكر في الموضوع يطير النوم من عيني هي مشكله صغيره بس مأثره فيه

انا تزوجت وانا صغيره 16 سنه وكنت باولى ثانوي ويادوب كملت ثانيه وتركت الدراسه بسبب حالتي النفسية السيئه بعد وفاة طفلي

بعد كذا بسنه رجعت كملتها وتركتها بعد الترم الأول لأني حملت ببنتي وكان الحمل خطير

ورجعت مره ثاننيه بس منازل بعد سنتين وبرضوا تركتها عشان حملت وجبت ولد وكان عنده مشاكل صحيه كثييييييييييييييييييييييره

المهم ليه الحين 5 سنوات من تركت الدراسه وولدي الحين الحمد لله طيب ونفسي ارجع ادرس ثالثه منازل

ورحت للمدرسه اللي درست فيها منازل قالوا ملفك مو عندنا دوريه في المدرسه اللي كنتي منتظمه عندهم ورحت دورته عندهم

قالو كيف تدرسين ترم منازل ويكون عندنا اكيد في المدرسه الثانيه اللي درستي فيها منازل بس بندور عليه وطبعا ماحصلوه

رحت لأدارة التعليم اشتكي وحده تقولي روحي المدرسه اللي درستي فيها منازل ووحده تقول لا روحي للمدرسه اللي درستي فيها منتظمه

وفي الأخير وجهوني على المدرسه اللي درست فيها منتظمه مديرتها كانت مره متفاهمه ودورة على الملف بس ماحصلوه وقالت اكيد في المدرسه اللي درستي فيها منازل ارجعي لأدارة التعليم وشوفي ايش يقولولك

انا كرهت هالسلفه بسببهم حاسه ان المدرسه اللي درست فيها منازل اتلفوا ملفي ومافي حل غير اني اطلع بدل فاقد

بس قرب الترم ينتهي ولا فيه اي جديد بموضوعي وبكره ان شاء الله بروح لأدارة التعليم واشوف ايش يصير

انا مو حقت مشاكل ولا غيري كان طلع عيونهم ايش رايكم بنات