مشكلتي مع الشغاله

بسم الله الرحمن الرحيم

اول مره اكتب في هالقسم طبعا عارفه ان لي اخوات من دون مااشوفهن راح يعطوني آراء وحل مع شغالتي.
جنسيتها فلبينيه مسيحيه عمرها 22 سنه عاديه وحبوبه وفيها طبع امينه ماتحب الكذب الا هالمره مدري وش جاها

المهم من جت وانا طيبه معها لان طبعي كذا مع كل الشغالات وماراح أعدد طيبي فيها جوالها بطاقاتها أنا اجيب لها واغراض خاصه وأكل فلبيني مني وهي حبوبه وما شفت شي غثني الا الان
مشكلتي انو عمي ابو زوجي عنده شغاله اندونيسيه وأخلاقها الله يستر علينا وعليها ماهي مضبوطه راعيه جوالات وخرابيط المهم عمي وزوجته سافرو خارج المملكه قبل مده وتركوها عندي ومن جاتني وشغالتي قالبه خشتها وماده بوزها سألتها ماردت قالت مافي شي طنشت الموضوع وماهي مثل فرفشتها ولعبها مع ولدي وكل ماامرتها بشي تجيبه بدون نفس
قبل مده كسرت تحفه قيمتها ميه وزياده وأيام العيد كسرت فواحه كهربا وسعرها غالي وكلهم سامحتها لانها اتاسفت غير الكاسات والفناجين واسامحها على اساس غلطات وماتتكرر

وفيها طبع وماتبغاني اصحى الصباح مع زوجي عشان دوامه أشوفها متنرفزه ومعصبه والاحظ عليها هالشي اذا صحيت معه اشوف نظراتها تروووع كنها تقول روحي نامي واذا راح تكون عادي وريلاكس الحمد الله زوجي مايناظرها لانه مايحب هالخرابيط المشكله تمت اليوم الصباح صحيت معاه وهي انواع المنافخ وانا مالي مزاج لها فيني نوم قلت جيبي كورن فليكس جابت سندوتشات خخخخخ عاد انا قايله لها من الليل سندوتشات انا اللي غلطت وطنشت
جتني وقالت مدام شوفي لو انها كاسره علبه الصابون السايل جايبتها أمي هديه وشكلها رووووعه قلت لها ليش ماتشوفين (( وقتها عصبت لاني متحمله نرفزتها كم يوووم وكم مرة اقول انتبهي للتحف )كم مره كسرتي وكل مره اسامح فتحي عيونك قالت تبين فلوس أعطيك قلت وش اسوي بفلوسك من وين اجيب هالقطعه قالت اجل سفريني قلت خلاص اوك اسفرك قفلي الموضوع وكرشتها للمطبخ وزوجي كان موجود وحضر النقاش أللي صار وقال خليها تروح عني وجهي
ورحت أنام وصحيت الظهر ولا كان شي صار البيت كما هو عادي نظيف ومرتب ومسويه غدى بعد
لما جا العصر مروووني خواتي ونزلو شغالاتهم عندي ووحده من شغالة خواتي مصريه وحبوبه لها عشرين سنه عندهم وكانها ام لهم ونثق فيها قلت انتبهي العيال وكلمي شغالتي وش فيها من معبي راسها وهديها وطلعنت السوق جا زوجي بعدي للبيت وغير ملابسه ويقول جتني وتشتكي مدام بس تهاوشني وولدك مايحبني ومايبغى ياكل مني ومدام ماتحبني
بعد مع العلم ولدي صغير واهاوشه عندها وانت بس اللي طيب وهي ماهي كويس أنا عاد زوجي يقول قلت شي طبيعي تخربين وتبين نسكت لك انتبهي لشغلك
أنا ماعرفت الا بالليل ماقالي بوقتها لما قالي جيتها وقلت لها اذا في قلبك شي تجين تقولين لي مو تروحين لسيررر وتكلمينه متى أنا ارفع صوتي عليك وأقول كلام مو محترم قالت الا والحين أنا ابي سفر قلت مو مشكله سافري اجيب غيرك عشره انتي اللي بتخسريني لان فعلا يابنات مو مدح فيني الشغالات كلهم يحبوني وشغالات خواتي حاسداتها علي من النوع اللي ارحمهم وخاصه هذي لأني أخاف علي ولدي وارحمها صغيره وودي انها تدخل الاسلام واحببها فيه
الحين وش اسوي فيها ابيعها ولا اهدي الوضع أمي جت وكلمتها جلست تبكي عاد أنا شاكه بشغالة عمي هي اللي مخربتها تبيها تكون مثلها صداقات وهنود لان تجيني أخبارها طبعا شغالة عمي رجعتها لبيتهم خواتي يقولون يمكن تبي حريه مثلها لأني أنا احرص عليها هي بنت ماتزوجت وأمانه أخاف عليها وحنا عندنا سواقين وطباخين ((تبع البيت كله بس كل مرة ولد لها بيت خاص واللي تبي تاكل من المطبخ ماعندها مشكله ))ومااحب انها تختلط معهم وخاصه المطبخ الكبير عندنا الشغالات يروحون له يجيبون اكل او شي وهناك يكون اللقاءات الحلوه بينهم وانا امنعها طبخنا ببيتنا لان تصير مشاكل بينهم
سامحوني اكتب من اي فون وأي فون فيه لقافه يسبقني ببعض الكلمات اذا ماانتبهت لها
(( ملاحظه انا بصراحه ماودي اسفرها توني جايبتها لها ست شهور ةسبحان الله احبها وارحمها لانها نظيفه وعرفت لي ولودي وزوجي يقول سايريها وطنشيها ))
نسيت لما امي كلمتها وقلت وش فيك مدام كويس وكلو كويس قامت تبكي وقالت بتاسف منها وماجت تتاسف انا رحت لها وقلت لاتبكين اذا ماانتي مرتاحه عندنا خلاص نوديك مكتب وتراها دلوووعه
اخاف بعد هالكلام تشوف حالها زياده
انتظر اآ رائكن أخواتي الغاليات