Marwa_Q8 @marwa_q8

عضوة فعالة

مشكلتي مع القهوه الفرنسيه

السلام عليكم ورحمه الله وبركااته

شلوونكم بنات انشالله بخير ..

هذي اول مره اطلبكم بهذا المنتدى .. وان شاءالله القى الردود اللي تبرد قلبي ..

بناات انا مشكلتي مع القهوه الفرنسيه ولا مره ضبطت معاي مع اني اشتري القهوه من مطحنه معروفه بالكويت يعني العيب مو من القهوه .. بس ولالالالا مره سويتها وظبط معاي لا الويش ولا الطعم :(

بنات بس ابي منكم المقادير بالضبط .. ( ابيها حلوه ) << طراره وتتشرط :06:
والطريقه الصحيحه ..

بنات والله اني محتاجه لكم .. الله يعافيكم ممكن لو تعرفوون تعلموني ..

الله يعطيكم العافيه

965

يلزم عليك تسجيل الدخول أولًا لكتابة تعليق.

تسجيل دخول

عذبه الصوت • 20 سنة

انا اسويها بالقهوه العاديه التركيه واحط حليب سائل مثل ابو قوس وتطلع حلوه مادري جربيها مادري هذي الي تقصدينه ولا لا:41:

ام علاء • 20 سنة

اسمحى لى بنقل الموضع الى اطباق عالم حواء
وننتظر مشاركتك فى القسم حبيبتى :26: :26:

Marwa_Q8 • 20 سنة

اختي عذبه الصوت

انا شاريه قهوه فرنسيه من المطحنه بس اقصد شلون طريقه تحضيرها .. ابي اعرف شنو المقادير بالضبط يعني جم ملعقه سكر وجم ملعقه قهوه .. وشنو كميه الماء ..

وبعدين هل احطها على نار عاليه لما تفوح القهوه و بعدين احطها على نار هاديه ؟؟؟؟ او اخليها على نار هاديه من البدايه ؟؟؟

الله يعافيكم والله مشتهيه تضبط معاي هالقهوه مع الويش ..

شكرا اختي ام علاء على نقل الموضوع على اهتمامك ..
:26:

مهاوي20 • 20 سنة

اختي انا استعمل التنكة الوسط احط 2 ملعقة وسط ونص لاهي الصغيرة حيل ولا الكبيرة

وبعدين احط شوية ماي عليها ما أترس التنكة واحركها عدل علشان تذوب القهوة عدل طبعا مع السكر حسب الرغبة
بعدها ازيد الماي الى ان تمتلي التنكة واحطها على النار بس لا تخلينها تقلب وتغلي حيل يعني اول ما تجي تفوح طفي عنها
وبعدين الوش دايما لاول فنجان يطلع اما الباقي ما يطلع لهم وش واشربيها بالعافية :24: :24: :24: