مشكلتي مع المراقبه من خواتي

السلام عليكم بنات عساكم طيبين وبخير يارب


حابه اقول لكم مشكله عندي واتوقع اغلب الناس عندهم هذي المشكله انا الصراحه قبل فتره خطبني رجال ولا صار نصيب بيني وبينه
بس امي علمت خواتي من باب النيه الزينه وكذا ب اسمه وشكله وان عنده كذا وكذا
المهم خواتي كلهن متوزجات ما عداي بس كلهن رجالهن عاديين يعني والحمد لله المهم انها مبسوطه معه
الي خطبني انا رجل مقتدر ماليا بشكل كبير ومع ان ما تم نصيب
خواتي فهموا ان امي تقهرهم او انا مرسله امي تقول لهم كذا
فهموا الموضوع غلط واخذوه بطريقه غلط وصارت بيني وبينهم مشاكل لها اول ما لها اخر
فجاءه بدون مقدمات صارن يراقبني ويراقبن البيت وياخذن اخبار من امي اول ب اول
من جاء من سلم من الرجال الي جاء من خالتي الي عندكم
والله ولو يجينا حتي صديقه امي تقوم اختي الصغيره تبلغهن اسمعها تكلمنهم ترا عندنا فلان وفلانه واذا جاء المغرب كلهن عندنا من اكبر راس لاصغر راس
وصارن يعطن اختي الصغيره محفزات للشفايه وتنقيل الاخبار
مثل يقلن لها ما شاء الله عليك جبتي اخبارها انتي تعرفين لها علمينا واذا جبت خبر حتي لو تافه ولا صاروا خطاب ولا احد راحوا معها مطعم او السوق ويخلونها تشتري على حسابهم
عشان تتحمس وتزيد بشفايه والحين اعوذ بالله لدرجه التسمع وتنقيل اخباري لو احط يا بنات ماسك حالي حال اي بنت راحت تركض لهن قالت اني مخطوبه واني اتكشخ لاهل الخطيب
وهو لا بوه لا خطبه ولا عريس كلام فاضي
بعدين يخانقن امي انتي جاحده انتي ما علمتينا ويهاوشنها
ولا بعد اذا تزينت او ترتبت يضحكن علي وعلى شكلي ولبسي
وكل شي
والله حتي ابوي ياصله المشاكل كله بسبب اني حطيت ماسك والصغيره نقلت كلام مغلوط
والحين ما ادري ها اهتم بنفسي واحط الي ابي بطقاق هن و مشاكلهن ولا انتبه لا احط عندهن شي مع العلم ان
الصغيره مرابطه بالبيت ما تروح ولا تطلع وتراقب كل شي
وتتسمع لكل كلمه ولا يهمها وحتي علاقتها بربها جدا سيئه وانا اخاف منها ومن لسانها لانها تفتن بيننا والمهم
عندها الهدايا والاشياء الي تعطى اياها بعد التسمع ونقل الكلام
والحين اذا نقلت حرف عني تروق وتستانس وتصير مبسوطه هي وهن واذا ما نقلت اعوذ بالله تقولون بعزاء من قوه الحزن وتنقهر حتي
ف اهتم بنفسي واحط مساكات واكذا حالي حال اي بنت تنتظر لين يجيها نصيب ولا ما اهتم قدامها عشان ما تزيد بتسمع ؟ وهن يسببن مشاكل ؟