مشكلتي مع المعجنات

عادي سهلة


سوي العجينةة ومليان قسم المعجنات وبعدها سوي الحشوات ...



وشكليها واذا خلصتي قبل لاتدخل الفرن اتركيها 10دقايق ترتاح

وذا رابط طبقيها وان شاء الله تعجبك وتضبط يارب








https://www.hawaaworld.com/sho...

هذه عجينتي معتمدتها في كل معجناتي طرية ورووووووعة جربيها حبييتي . بعد متعجنيها خليها ترتاح نص ساعة وبعدين سويها كور وخلها ترتاح نص ساعة . وبعد كذا ابدي احشيها بالي تبينه لحم او دجاج او جبنة بيضا او بيتزا او سبانخ
وهذه بعد لقيماتي الي معتمدتها وكل من ذاقها عجبته وطلب طريقتها
٢ كوب طحين / رشة ملح صغيرة / بيضة / نص علبة زبادي / بيالة شاي زيت عافية / بيالة شاي سميد / ملعقتين كبار خميرة فورية / ملعقة صغيرة فانيليا / وسر اللذاذة في لقيماتي هو حبة البركة روووووووعة احط ملعقتين كبار حبة البركة وثلاث ارباع كوب موية دافية واعجنها واتركها ترتاح ساعتين بعدين اقليها

ربي يسعدك مشكوره😘

مكونات اللقيمات

2 كاس طحين

2 ملعقه كبيره حليب بودره

2 ملعقه صغيره بيكنج باودر

1 ملعقه كبيره خميره

1 ملعقه كبيره سكر

3 ملعقه كبيره زيت

رشة ملح

1 كاس ونصف ماء دافي للعجن واذا احتاج اكثر اضيفي له حسب الحاجه .

اخلطي المكونات مع بعض وغطيها ببلاستيك غذائي واتركيها بمكان دافيء تختمر لمدة ساعه او الى ان يتضاعف الحجم ثم سخني زيت على درجة حرارة متوسطه وابدأي بالقلي .



---------
وبالنسبه لعجينة الفطاير والبيتزا جربي عجينة العشر دقايق تناسب لكل انواع المعجنات .

مكونات عجينة العشر دقايق ( ضاعفي الكميه حسب حاجتك)


الخطوه الاولى في وعاء العجن اضيفي :
1 كاس طحين ابيض

1 ملعقه كبيره سكر

1 ملعقه كبيره خميره

1 كاس ماء دافي

واخفقيهم مع بعض بحيث يكون القوام شبه سائل ولزج ، غطيه ببلاستيك غذائي واتركيه يخمر ويتضاعف حجمه لمدة 10 دقائق .

ثم الخطوه الثانيه في وعاء ثاني اخلطي هذي المكونات مع بعض :

1 كاس طحين ابيض

2 ملعقه صغيره بيكنج باودر

2 ملعقه كبيره حليب بودره

رشة ملح

اخلطيهم مع بعض ثم اضيفيهم للخليط الاول بالاضافه الى 3 ملاعق كبيره زيت

اعجني المكونات الى ان يصير معك عجينه متماسكه واذا احتاجت دقيق او مويه اضيفي لها قليل جداً .

لان العجينه الناجحه هي اللي تكون متماسكه ما تلصق باليد لكن طريه سهلة التشكيل .

وبعد ما تتماسك معك العجينه تقدرين تستخدمينها مباشره .
وسمعت كثير يقولون العجينه اذا اضفتي لها مع المويه ملعقه خل ابيض تطلع هشه وداخل لونها ابيض مثل فطاير المحلات انا ماجربت احط خل كل مره اقول بجرب ما اتذكره الا بعد ما اخلص .