مشكلتي المواصلات
اقسم بالله كل يوم نفس الحياة ونفس الروتين
والسبب المواصلات
ماعندي احد يوديني ويجيبني
لدرجة تعطلت اشياء كثيررررر في حياتي
ولا اقدر اجيب سواق
تعطلت حياتي لدرجة صارت هذي مشكلتي الأزليه اللعينه
من يوم ماوعيت على هالدنيا وهذي هي مشكلتي
ولا فيه احد فاضي لي ، وحتى لو فضى يوم ولا يومين لابد يصير فيه عائق
وش اسوي ؟
فكرت اسوق وحااولت
وفعلاً رحت اتدرب بالمخططات لكن احس بخوف كبيرر
والله العظيم بديت افقد شغفي بالحياة
بديت ادخل بمرحلة الاكتئاب والبكاء من المملل والطفش والروتين القاتل
النادي الرياضي ادفع لهم بالألوف ولا اروح
وسجلت بالجامعه وتركتها بسبب المواصلات
سجلت في معهد كمبيوتر ودفعت لهم ولا كملت
سجلت معهد. انجلش نفس الشي دفعت ولا كملت
لدرجة خلاص صرت اداوم يوم ولا يومين واحيان اتنقع بالساعات برا عند المعهد
يعني شي خلاص يخليني افقد شغفي بالحياه وما اواصل ، واحيان البس واتجهز ، وتبدأ رحلة البحث عن احد يوديني ، اللي نايم ومايبي يوديني لانه مواصل ، ولا اللي يصحى بعد ما يفوت الدوام ، يعني من جد شي يجيب الكأبه وانا احاول اصحيهم
من جد طفشت ، ولا لي مقدره اجيب سواق او اشترك مع سواق
انا خلاص فكرت اسوق
بس احس صعبه صعبه جداً
ماقدرت اكمل من الخوف والرهبه
اللحين انا ابي اسوق
ابي تشجيع
لان مشكلتي بالحياة حلها اني اسوق
خصوصا عندنا سياره محد يستخدمها
ابي اتعود على السواقه وابي الخوف والرهبه تروح ، وكم يبي لي عشان اتعود
بليز ي بنات ساعدوني
Alexsandraa @alexsandraa
عضوة جديدة
يلزم عليك تسجيل الدخول أولًا لكتابة تعليق.
كلنا كنا ميتين خوف .. لكن كسرنا الخوف والحمدلله
ماشاء الله عليج افكارج جميله ربي يوفقج .. لاتخلي عقبة الخوف توقف عليج اجمل الانشطه
اول نقطه تسوقين ... غصب طيب تسوين خلاص افتحي ملف وتعلمي .وسوقي وخذي ليسن
..و عقب والله بتضحكين ع نفسج بها الخوف
يعني انتي تفكرين ان احنا افضل عنج ؟؟؟ مستحيل كلنا نفس الشي
بس احنا كسرنا الخوف برغباتنا عسب نوصل .. وانتي بعد اكسريه لاتوقفين شي بحياتج عسب شي بسيط
كبريها بتكبر صغريها بتصغر في كل مجالات الحياه
ماشاء الله عليج افكارج جميله ربي يوفقج .. لاتخلي عقبة الخوف توقف عليج اجمل الانشطه
اول نقطه تسوقين ... غصب طيب تسوين خلاص افتحي ملف وتعلمي .وسوقي وخذي ليسن
..و عقب والله بتضحكين ع نفسج بها الخوف
يعني انتي تفكرين ان احنا افضل عنج ؟؟؟ مستحيل كلنا نفس الشي
بس احنا كسرنا الخوف برغباتنا عسب نوصل .. وانتي بعد اكسريه لاتوقفين شي بحياتج عسب شي بسيط
كبريها بتكبر صغريها بتصغر في كل مجالات الحياه
اولا الله يرفع همك باذنه روحي خذيلك شراب تحبيه وروحي مكان هادي معاك ورقه وقلم وبدون جوال زي الجلسه مع النفسه ويا حلوها من جلسه عادي اذا بكيتي اهم شي طلعي الي فداخلك فكري بهالافكار بعدين فكري هل يستاهل خوفي يدمر حياتي؟ فكري بشكلك المستقبلي وانتي تسوقين وحره ومنطمه امورك اللهه انا دخلت بالمود♥️♥️
متاكده انك بتعديها وبتشجعين نفسك بنفسك لانك الاهم بعينك👍🏾👍🏾يلا جاء وقت التغير بالافعال
متاكده انك بتعديها وبتشجعين نفسك بنفسك لانك الاهم بعينك👍🏾👍🏾يلا جاء وقت التغير بالافعال
طـفولية
•
حبيبتي السواقة شي ما يخووف .. صج في رهبة بالبداية .. ولكن اهيا مهارة تتعودين عليها شوي شوي .. ولا تضغطين على نفسك نصيحة اذا عندك قدرة مادية اشتري سيارة صغيييرة وسعرها معقول جداً خليها حق أول سنة .. انا لما كان عمري ١٧ أمي واايد تقولي طلعي جدام البيت جربي وكنت اخاف اول شي ما اتشجع .. بعدين شوي شوي مدربة جم مرة .. بالفريج كنت ادور خفيف ( بالحي ) بعدين تميت مدة طويلة ما اطلع من المنطقة .. بعدين صرت أروح الأماكن القريبة جداً .. بيت صديقتي قريب .. أهلي يبون أغراض اروح اييبها .. اروح مطعم ولا مقهى قريب .. انا لمن كملت ١٨ كان عطلة صيفية .. فبعدها صرت يومياً اروح طريق الجامعة و ارجع و اهوا فاااضي .. خصوصا النهار الكل نايم اصلا .. بتقولين ما صار حوادث بسيطة وتكات يمين يسار عااادي .. بس اختي الي اكبر مني يوو تأخرت من الخوف و اهلي تعبوا معاها بالتوصيل وبس الجامعة و في االوقت الي بين المحاضرات تتخلل بالجامعة مسكينة وتخاف تتحرك .. أنا يوووو اذا صار في بريك اروح المطاعم القريبة من الجامعة و اروح كفيهات اوسع صدري .. شعور الاعتماد على النفس و انك مو بحاجة أحد شي خياااال ..
بعدين لاحظت شي الي تكون تسوق من بيت أهلها ومتعودة ما تخاف .. زوجها يكون متساهل معاها لان متطمن .. لكن الي خوافة وما تروح زوجها بيلقاها من الله وبيخليها تكمل على نفس الحال عنده ..
ما احب احكم عليك من كلام سطور لكن حسيت شوي انك تبدين بالأشياء و الأفكار الحلوة والمفيدة بس ما تكملين فيها ما عندك اصرار لها فاذا فعلا هذي الصفة تحسينها فيك لازم تجاهدين نفسك .. ولا كل حياتك بتكون بدايات معلقة غير مكتملة و ادعي ربك يا حلوة
بعدين لاحظت شي الي تكون تسوق من بيت أهلها ومتعودة ما تخاف .. زوجها يكون متساهل معاها لان متطمن .. لكن الي خوافة وما تروح زوجها بيلقاها من الله وبيخليها تكمل على نفس الحال عنده ..
ما احب احكم عليك من كلام سطور لكن حسيت شوي انك تبدين بالأشياء و الأفكار الحلوة والمفيدة بس ما تكملين فيها ما عندك اصرار لها فاذا فعلا هذي الصفة تحسينها فيك لازم تجاهدين نفسك .. ولا كل حياتك بتكون بدايات معلقة غير مكتملة و ادعي ربك يا حلوة
الصفحة الأخيرة
بالعكس لاتخافين انتي لازم تكسرين حاجز الخوف
السواقه ماتخرع انتي تشجعي وتحمسي واعتمدي على نفسك
انا مدربة سواقه وحاضر ادربك وراح تشوفين الموضوع شلون سهل وبسيط
الله يوفقك ويسر امرك