مشكلتي مع امي،،اتمنى المساعده/ قديم

السلام عليكم ورحمة الله وبركاته خواتي الغاليات...
كل سنه وانتو بالف خير بمناسبة الشهر الكريم
بنات حابه اعرض لكم مشكلتي مادري يمكن الاقي حل عندكم او حتى لو الاقي دعوه منكم ...
يابنات انا دااايم مشاكل مع امي ومادري ليه مشكله صغيره تافههه شوي الا هي صارت قضيه كبيره ماتوقعونها ،،،يعني احيانا امي الله يسامحها توصل المشكله التافهه لحد الشرف والعياذ بالله،،،والله تعبت يابنات نفسيتي زفت عمري وصل 35 وماتزوجت وتعبانه من هالشي وعي زادتني هن على همي مع اني وربي شاهد ماقصرت معاها بشي ومالي فضل هي امي ،،،والله بنات بس منعزله بغرفتي واذا جلست معاها احس بضيقه ماتتخيلونها شي ضاغط على صدري،،،اروح اهج لغرفتي ماتحمل وجودها والله احيانا امر جنبها اني اشوفها كانه جني جالس يطالع فيه بيهجم عليه،،،مادري ليه كذا تعبت لدرجه مره ماحسيت نفسي الا انا هاربه بالشارع وعيت ادخل البيت...الحين انا بيني وبينها مشكله لنا اسبوعين وطلعت من البيت رحت لبيت اخوي الكبير بس بغرفه جالسه ابكي ودي اكون مع امي بس مادري ايش يصير...حتى والله حريم يقولون لها لو كل بيت فيه وحده زي بنتك كانت تلدنيا بخير ،،،صرت مكتئبه ومنطويه وبس بغرفتي واحس بضيقه ماتخيلون كيف،،،حتى اخواني وخواتي كرهتهم وانا وهم كنا زي السمن عالعسل ،،،بنات ساعدوني لا حد يقول روحي لها اعتذري لاني ماني قادره شي يمنعني ...وخايفه مره لاني من يومين حلمت ثعبان يلتف عليه وانا نايمه وقرصني وقام يطلع مكان القرصه حشرات ولما بعدته عني رجع التف عليه وقرصني ،،،بنات خايفه هالحلم له علاقه بامي ؛؛؛تكفون شاورو عليه عجزت وتعبت احس بتعاسه ونفسيتي زفت وماحد داري عني من اهلي