مشكلتي مع امي

يالله ان تفرج كربة كل واحد تشور علي برايها وتحاول تحل مشكلتي


انا يابنات عندي مشكله مع امي

امي اطيب قلب والله انها مدلعتني من بد خواتي كلهم وللاتحب تسمعني كلمه من طرفها ابد

انا تعبت ياناس

انا عاقه لامي وليس مني

انا ادري انه فيه شي اكبر مني ومنها يخليني اتصرف هالتصرف لان تصرفاتي بشكل عام متغيره للاسوا حتى صلاتي وقراتي للقران


حاولت اقرا البقره مرات كثير بس ماقدرت اقراها مره وعشر ايام لا


أمي لاشفتها ياناس مااقدر اقعد معها وان قالت شي أرد عليها بنفس خايسه


تخيلوا اليوم قبل صلاه الفجر اشوفها تشرب بكوبي شاريته من ستاربكس واعصب عليها واقول ليش تشربين من كوبي؟؟:(


تخيلوا وين وصل فيني العقوق

ياناس والله قبل عادي بس الحين مااقدر اجلس معاها لاشفتها بالغرفه اطلع منها واروح اقعد بروحي


حاولت ابرها بس ماقدرت عجزت تطلع مني كلمه وحده حلوة


كل اللي قدرت اسويه اني مخصصه لها جزء من معاشي ينزل بحسابها شهريا


بس الباقي ماقدرت لاكلمه حلوة تسمع مي ولاتقدير ولااحترام

انا عجزت وربي ماجيتكم الا ابي حل لمشكلتي والله اني ابكي منها

بس الشكوى لله

والا حظ اني لما اكون بالبيت تزدادا هالحاله اكثر من لما نكون برا البيت او مسافرين يعنني تغير نفسيتي شوي عليها واحس بتحسن


الله يجزاها الجنه في هالعشر اللي بتشور على برايها