مشكلتي مع امي ؟

السلام عليكم ❤️
انا مطلقه وعمري ٢٥ سنه تطلقت تقريبا من ٦ شهور ورجعت بيت اهلي بدون اطفال ومادخل علي زوجي طبعا سافرت مع اهلي شهر كامل برى السعوديه مع خوالي وهم نسبانا بنفس الوقت اختي ماخذه ولد خالي طبعا اتصلت اختي على امي وقالت بنتك ايش قايله لاخت زوجي؟ قالت امي مدري عنها طبعا هي عندي بالسناب الي هي بنت خالي قامت قالت اختي انو انا متكلمه ومخربه عليها ! عند اهل زوجها وابيها تتطلق نفسي يعني ! 😳 والي قايل هالكلام زوجها وراحت ام زوجي قالت بواجه اختك تقول لاختي طبعا انا ماكنت ادري بشي يعني وسمعت امي تقول لابوي بنتك سوت لنا مشاكل ونت ماتدري عن شي ونت بس تجي البيت وتنام وماتدري عن نفسك ! انا استغربت قلت اكيد الكلام علي هالكلام كان الصبح وجا الليل وجات امي واجهتني وابوي كان برى قالت تفكرين نفسك ببتزوجين زوج اختك؟؟؟ قلت انا نعم. ونصدمت لاتفكرين بياخذك ؟ لاتفكرين بيترك اختك عشانك ! ومن هالكلام وقمت عصبت انا وصرخت عليها ورجعت وبرجعتي جا ابوي ضربني ! و بعدها واجهو اخت زوج اختي وقال ماقال شي ونه ماتكلم اصلا المهم بعد مارجعنا بفتره قعدنا ٦ شهور جا واحد يخطبني بنفس عمري ومن اول امي ماقالت لي انو احد جا يخطبني مارتحت وقلت مابي قالت لي شوفيهم ع الاقل وشفت الام قالت ليش تحطين مكياج ؟ 😳 وترى ولدي ماعنده فلوس وكل سالفه وسالفه ولدي ماعنده وراتبه ضعيف؟ حيل وراح يعطيك ٣٠٠ بشهر؟ وترى يغار ويشك وبيلبسك عبايه اسلاميه وقلت لها طيب انا ابي اشتغل قالت ماعندنا بنات يشتغلون وقمزت لي ؟؟؟؟ وقالت زوجي دايم يشك فيني ويحلفني ع مصحف ! و سالتها قلت ليش زوجته الي قبل ماحملت ؟ وقاعده معاه سنتين قالت لا ماحملت بعدين رجعت سالتها قالت سقطت مره بعدين قمت وخليتها خلاص وصل حدي ! وجا ولدها جلس مع ابوي وقال انا بعطيها ٣٠٠ بشهر ومارضى زوجتي تشتغل ومدري ايش واهلي طبعا مايرضون بعد اشتغل ورحت لامي قلت ترى مابيهم والولد قال لابوي زوجتي الاولى سقطت ثلاث مرات وامي جات وقالت لي انتي مغروره وشايفه نفسك وتفكرين بيجيك احد محد بيجيك ومن هالكلام قلت عادي الله بيرزقني يعني بنات مدري شسوي مع امي ؟ تقول ان جا احد وخطبك ماني جالسه معاهم ؟