مشكلتي مع امي تكفون وجهوني

السلام عليكم ورحمه الله وبركاته :
انا راح ادخل بالمشكله على طول .
انا ساكنه مع زوجي وأخواني أشتاقوا لي ولولدي عمره  سنوات يموتوا فيه وعندي شغاله وزوجي قال خلاص روحي لهم وهو عنده دوره دوام بعيد عن منطقه دوامه وانا قلت فرصه اروح لهم بس تخيلو اللحين لي بس اسبوع عندهم خلاص طلعت روحي وابي ارجع بيتي بأي طريقه امي ماتحب الخدمات وكل شوي تقول بليتيني ببلوه وشوي تقول خدامتك وسخه شكلها تلعب في ذيلها عندك
لي اسبوع ماجلست اسولف معاها الا تجيب سيره الخدامه وتسبها المشكله ان الخدامه مو عاجبتها ولاتبيها وتخليها من الساعه  الصبح صاحيه وشغل بهالبيت ليل ونهار وتنام الساعه  باليل انا اقول لها اذا مو عاجبتك لاتخليها تشتغل تقول لا ماتجلس عندي كذا وكل شوي تقول انتي خليتيني اكسب ذنوب من وراء هالخدامه لأنك جبتيها بيتي تقول أذا بتجين مره ثانيه لاتجيبينها معاك طيب بالله وين اوديها اذا وديتها عند اهل زوجي وش بيقولون راح يطلعون الف تفسير وتفسير المهم امس قالت لولدي هو قاعد يأكل تمره وهو من النوع الحويس شوي وكمان مزعج شوي قالت له لاتحوس في بيتي اذا رحت بيتكم سو اللي تبي وبعدها تناقشنا شوي وقعدت تقول قبل لاتجين البيت كان حلو وهادي وقالت انا قرفت منك ومن خدامتك وانا عصبت وقلت بصوت مرتفع هذي غلطه عمري يوم جيت وانا ندمانه اني جيت واذا مو عاجبتك الخدامه مو ضروري تشغليها الصبح خليها تشتغل شغل عادي وهي قعدت تحسب علي وتقول انا مو راضيه عليك وروحي عني روحه بلا رده وتدعي علي طول الوقت والله كنت ابي ادق على زوجي واقول يجي يأخذني ادري غلط بس ماوراي الا هالحل بس يوم دقيت مارد الحمد لله لين هديت وش الحل يابنات كيف اراضيها زوجي ماتخلص دورته الا بعد العيد وبيأخذنا كل هالفتره وش اسوي طبعا زوجي عنده اجازه العيد بيروح لاهله شورو علي