:(السلام عليكم ...
مشكلتي مادري من وين ابدااا
بس راح اقولكم هي .. وان شالله تفهموني .... وتحطو نفسكم مكاني
والله ضاقت بي الا رض بما رحبت .... واحس كل ماله الحال اردى ... ولا عندي احد اشتكي له بعد الله الا انتم
كل اللي تتدخل تعطيني حل او دعوه او ترفع الموضووع لين احصل حل ...ربي يفرج هموم كل من تساعدني
مشكلتي
انا ..... عصبيه وحساسه وامي نفس الطبع فيها...
امي ماتحظني .. عندها الله يغنيني عن العالم بفلوسي ......
تغار اذا اتكلمت مع ابوي كلام حلو يعني ماتحب احد يدلع قدامه.... والله ثم والله اني ماذكر حضنت ابويا
لانو امي ربتنا ان هذا عيب
واذا غلطت بشي بسيط اسمع السب اللي يجي :: انتي بقره .. انتي غبيه ... ومن هذا كلو
لما اقلها ماما لا تقوليلي كذا تقول الا غبيه ونص ... وماتبغاكي تزعلي
وان زعلتي ياويلك تكلميها .....مو اني زعلتي اول ...خلاص ولا تكلمني ولا تناديني ع السفره ...
وع هذا الحال لين هي توافق من عندها ...وترضا
والله ادري عيب اشتكي من امي بس الحال اللي وصلت له خلاني انفجر لاني حاولت ارضيها وبرضو مافاد ترجع اخص
جربت كل شي ..اطناش طاعه .. عناد ... كلام حلو ... وبرضو مافاد
بكمل ..
لما امرض تقول لا تتدلعي مو ناقصه غثاكي ... او احيان تعطيني دوا وتروح ولا... توديني المسستشفى وعليها .. يعني ماتتعب نفسها اهم شي انا سالت عنك مره وحده
دايم تشتكي الناس انو ماشتغل وانو حسره عليا .. والله مع ان اشتغل والله اكرف .... ولا فيه حتى الله يعطكي العافيه
وكمان تذبحني لما تشتكي عند الناس ودي اقول امي والله اشتغل واعنادها بس عيب قدام الناس
ولو قلت لها في البيت والله اشتغل تقول ايوه مني مني عليا
او تقول ايوه تشتغلي بس مو هذاك الشغل ياحسره
هذا اللي خلاني مااهتم اسوي شغلي ولا اسال اش تبغي ثاني يامي
يعني اهمال ماهمني لانو مافيه حتى كلمه شكر لا تقول كلمه شكر بس تحسسني انو اعجبت بشي الجديد
تقول لا خواتي الا ثنين انكم حلوين وتمدحههم .. اما انا لا ..مع اني وربي بشهاده الجميع وجهي طفولي وجميله اسمعها من الجيران واسمعها من النااااس
الا امي ..لما اقولها ...الناس قالولي كذا . تقول وانتي صدقتي .. المهم مررره ماتبغا تمدحني ..مره
ولو شافت علي شي حلو ...ماتعلق .. اما اختي تقولها اقري ع نفسك
وانا طيب مو انسانه لي مشاعر حرام عليكي كذا اتلكم مع قلبي وقلبي يتقطع
صررت جافه في الا سلوب .... كلمه ورد غطاها في البيت ... حى اللي حولي صرت جافه معاهم .. والله مو مني ماسمع كلمه حلوه
ولا يحق لنا ندلع
ولما اقول لا اي وحده ياقلبي .. تقول تعرفي تقولي لناس كلام حلو واحنا بس سب ...
لما اكلمها تتدور وجهها .. يعني اللي وش عندك اخلصي .. دايم كذا ... عشان كذا صارت نفسي مسدوده ماحب اجلس معاها
وهي لا حظت هذا الشي وصارت تتطنش هيه كمان
والله لما اروح التحفيظ اشوف كل وحده مع امها اقول في قلبي ياليت امي كذا .. وكاني يتيمه
ولما اجلس جلسه مع الحريم اشوف انو هذي قعدتت مع بنتها وهذي لا زم تكمل لبنتها دراستها ووتعب عشانها
وابوي وامي من خلصت الجامعه قالو اقعدي ف البيت وسائق خاص مافيه
ولما كلمت جارتنا قدام امي قالت لا لازم تكمل ... وحتى النت راح تشيله قريب تقول يضيع لي وقتي .. لاني اقعد عليه كثير
والله مالاقي احد اتكلم معاه .. عشان كذا اقعد عليه .. ياربي وش اسوي
يعني لا هذا ولا هذذا
جاني خطيب وامي الا توافقي واقلها لا
لين بكيت قدامي واخذته وملكت عليه
لاكن طلع ولد ميخاف الله .. وفوق هذا زعلانه ليه فسخت وانا بنظرها انا السبب .. مع ان الا مور واضحه قدامها
صارت تتطعني بالكلام الجارح بروحه والجايه وكاني انا المذنبه .. لين انفجرت وقلت لها يعني عارفه انك ماتبغيني وتبغي الفكه مني وقعدت ابكي ... قالت ابغ الفكه منك تروحي فين
ومشيت
ومن بعدها .. تجيب لي سيره العروووس ... وقلبي من جوا يتقطع
وتقول انتي شايفه نفسك وانتي تتشرطي
بالله مو من حقي اختار زوجي
يعني اخذ واحد مطلق ولا اخذ واحد عصبي ولا اخذ واحد ملتزم لدرجه التشدد .. يناااس والله من ابسط حقوقي اختار زوجي واعيش معاه ماقدر ارمي نفسي لا اي واحد زي ماصار المره الا ولى
عمري 22 وراح ادخل 23 بعد ايام
وصحباتي اعمارهم 25 وفوق وامهاتهم والله مايجبيبون لهم طاري العرس يقولو الله يرزقها وبس
لما دخلت هالعمر
كل صحباتي يباركون لي
رحت ابشر امي قالت لي خللتي ::: يالله قلبي قد ايش يتحمل
لما قالت لي هالكلمه جارتنا كانت فيه قالت لها حرامك عليكي ... والله لسه صغيره خليها تتمتع بشببابها
امي غير ت الموضووع ع طول وقالت خلينا نجهز السفره ....... اوتحب تمزح بالضرب وانا بنت مو ولد قلت لها لا تضربيني
تقول اللي يمزح معاكي ثاني انتي دلوعه وانا ماحب هالدلع الزايد .. اااه ياقلبي
ماتحب الدلع الزوايد لين اروح عند ناس تقول فلانه ادلعت صيرو حريم طيب مين السبب
جربت اني اقلها كلام حلو ... ترد عليه بقسوه
يعني ماشالله ريحه الا كل جنان ..ماترد
اقرب منها اقولها شو هذا ماما اللي في وجهك تقول مالك صلاح ولا تتطالع فيه
وهذا مثال من امثله
انا بطبعي حار اذا جلو اكل افرشهم ببالسفره
وتخليني ارفعه .. لما اقولها وبنتك اميره ماترفع تقول الله لايشكرلك ويبدا الزعل ..
واليوم جلست معاها في الغرفه ... اكلمها . ماهي راضيه حتى تتطالع فيه
والله مو بس اليوم كل يوم علا هالحال واردى
ااااااااه تعبت كيف اخذ الجنه ... وامي صعبه ..... وصعب تعاملها
الوضع اللي عايشته هي في حالها وانا في حالي حتى لو خرجت مكان
واقولها فين رايحه .. ماترد
والله زي كاني خدامهولا جدار مو بنتها .....
لا تقولو اسالها عن السبب لو اسالها امي انا اعرفها راح تجرحني بالكلام وتجيب كلام سويتو وكلام ماسويتو وبعدها يرجع نفس الشي هي تزعل وانا ازعل
وبرضو مافيه سبب تبغاني اجلس عندها ... ولما اجلس تجيب سيره العروووس والزواج وتبدا تجرحني بالكلا م .. وتبغاني اصير بالشخصيه اللي تبغا .. وانا ماقدر وراح تتطلعني في النهايه متخلفه
ااااااه يارب محتاجه صدر يحظني حتى صحباتي كل واحد لا هي بحاله لا زيارات ولا احد اتكلم معاه تعبت وانا ساكته لاكن الين متى
الضحكه صارت كذابه بالنت وبس
وكمان راح ينشال
يارب اسعد اسعد اسعد كل من ساعدني ببري بامي وابي
في انتظاركم ...... باحر من الجمر
فتاة بنكهة الفراوله @fta_bnkh_alfraolh
محررة برونزية
يلزم عليك تسجيل الدخول أولًا لكتابة تعليق.
دلـــــــــع
•
والله ما أقدر أقولك إلا الله يعينك ...بس عالحال اللي ذكرتيه خلاص اتعودي ما تنتظري كلام حلو لأنو اتوقع امك ماتعودت عليه فصعب تعطيك إياه.... والله يحنن قلبها عليك ....
ياحبيبتي اصبري إن الله مع الصابرين حاولي انها تعدل سلوكها معاك بالحسنى وان مانفع المشكى على الله
حببتي تذكري انك اذا صبرتي واحتسبتي
اجرك رح يكون اعظم من غيرك من الناس اللي بارين بآباءهم
اجرك رح يكون اعظم من غيرك من الناس اللي بارين بآباءهم
والله مدري وش اقول لتس
بس برفع الموضوع
والله يحنن قلب امتس عليتس وتشوفتس احسن بنت بهالدنيا
بس برفع الموضوع
والله يحنن قلب امتس عليتس وتشوفتس احسن بنت بهالدنيا
الصفحة الأخيرة