مشكلتي مع امي وزوجة اخوي

السلام عليكم ورحمة الله وبركاته
خواتي انا عندي ولد وبنت عمارهم خمس وثلاث سنوات
وعيال اخوي عمارهم 10و12سنه وثلاث سنوات اصغرمن ولدي باربع شهور
المهم المشكله ان عيال اخوي الكبار دايم يأذون عيالي ويضربونهم وامهم تشوف وما تقول شي
وإذا ولدي سوى شي لولدها تهاوشه حتى لو بس يرفع يده يهدد تهاوشه انا والله ما ارضى ان عيالي يغلطون على عيال اخوي اهاوشهم بس امهم لا بالعكس ومره كنا جالسين وقام ولد اخوي وضرب بنتي وراحت بنتي شكت لامه قامت امه تمدح فيه ومره كنت اعلمها كتابة الحروف ولمن تعلمت انبسطت وقالت بروح اوريها خاله ونزلت لها تحت توريها الا بنتي جايه تبكي وتقول انه عزوزي شخبط فكراستي وقالت ماما عزوزي غلطان قلت لها ايوه غلط يكتب فكراستك بدون إستإذان وراحت قالت لامه عزوزي غلط لمن كتب فكراستي قالت لا موغلطان صح المهم بنتي جات تبكي وقلت لها ليش تنزلين وقفلت عليها وتناقشت مع مرة اخوي قامت تبرر وتلف السالفه
المهم انا ماقد شكيت لهلي عنها ولا قد قلت وش يسوون بعيالي مع انهم يعرفونهم
واليوم اخوي حبيبي طلع من المستشفى ورحت لهلي وحصلت عيال اخوي وامهم المهم قام ولدي وظرب ولد اخوي الي فعمره وهاوشناه انا وامي وهجد وبعد لحظات ارسلت بنتي تجيب الكرسي وقام ولد اخوي وراح اخذه وجلست بنتي تبكي وما قلت شي وقامت امي تهاوش بنتي وتقول ارعجتينا اسكتي طيب ليش ما انصفت وهاوشت ولد اخوي وقالت عطيها الكرسي انا هنا فقدت اعصابي وقمت اهاوش عند عيالي
ليش الظلم ليش لمن عيالي يغلطون اهوشهم ويهاوشونهم هلي ولمن ينغلط عليهم محد يقولهم شي ولا كأنهم شافو شي قامت امي تهزاء فيني ومرة اخوي جالسه وتقولي ليتك جيتي زيها وانها حرمه عاقله وانتي الله يشفيك وقعدت تستنقص فيني
بنات حبيباتي لو كنتو فماكاني اش راح تسوون تكفون والله اني متنكده وحالتي حاله