مشكلتي مع ام زوجي :( حسبنا الله ونعم الوكيل

السلام عليكم ورحمة الله وبركاته

حبيباتي احببتكم في الله فأحبوني فيه

بأعرض لكم مسشكلتي من دون مقدمات
وبأحكي القصه كامله



انا سبق وعرضت مشكلتي كنت اوجهها مع زوجي
وهو كان عاطل وصبرت معاه لمدة سنتين
وجبت بنت الله يخليها ويحفظها من كل شر امين
وكان وضعي يصعب على العدو حتى لكن الحمدلله على كل حال
وكنت ساكنه مع اهل زوجي بالدور الثاني شقه خاصه فيني
واهل زوجي غريبين معي
يعني كانو مره حليوين معي واحبهم بصراحه والكل لم يسألني عنهم اقول الحمدلله
ربي رزقني بأهل زوج زي العسل
وكانو يوقفو معي ضد ولدهم
وكنت لم ازعل من زوجي كانت امه تجي تراضيني فوق تتراجاني ماأطلع
بس بعدها لم ولدت وانا بالاربعين توفى اخو زوجي الله يرحمه
من اول اسبوع من ولاددتي وطبعا بسبب حالتي ماقدرت اروح للعزا اعزيهم
وواسيتهم بالجوال هذا اللي اقدر عليه
انا بكريه يعني بصعوبه حالتي كانت
لكن ماقدرو الشي هذا كانوا يتشرهو علي ليه مااجي
بعدها لم رجعت وخلصت الاربعين حطيت مكياج خفيف ولبست وكشخت
وجا زوجي ياخذني باخر الليل
دخلت سلمت ع اهله وطلعت فوق لشقتي لأنو صعبه اجلس باخر الليل
مع العلم انهم ماجاو زاروني ابد وانا بالنفاس وانا عاذرتهم بسبب العزا
المهم اليوم الثاني جا اهلهم يباركو رجعتي ولم جيت انزل جلست اتمكيج ع الخفيف يعني
مافيها شي عادي لأنه العزا عدا عليه اكثر من شهر
لم جيت انزل قال لي زوجي لا امسحيه
ومسحته لم جيت انزل قال لا الناس راحو انتي تأخرتي ومدري ايئش
شوي الا وامه طالعه لي وتهاوشني فشلتينا ومدري شو
وانا مستغربه اش القصه
وتهاوشني ع المكياج وانتي ماتستحي على وجهك وانتي قليله حيا
تتشمتي فينا
ماقدرتينا والواحد مايعمل الا باصله ومدري شو
وانا متعجبه اش الغلط اللي عملتو
يعني مو مني التأخير
سألت زوجي قال عادي حطي مكياج بس خفيف وبعدها قال لا امسحيه
يعني التأخير منه
وبعدين مالها حق تقول لي كذا انا حره احط او لا
انا طالعه من نفاس والعزا من زمان مخلص
المهم ماابغى اطول
من بعد هالمشكله واهله كلهم مايكلموني
ومقاطعيني
المهم انا تعبت مع زوجي انو مايشتغل واحسه متساهل فحبيت احط موقف
قلت له ياتشتغل والا بروح لأهلي
واتفقت معه على موعد اذا مااشتغل فيه بروح واخليه لحد مايشتغل
وجا الموعد وهو مااشتغل
ووداني من طيب خاطر لأنو في بيننا اتفاق
وجلست على هالحال شهرين عند اهلي
يوم مشاكل ويوم حلوين يوم غزل بالجوال ويوم هواش
المهم صادف العيد وترجاني زوجي اجي اعيد ع امه واخواته
وجيت ع شانه
وماحصلت الا المشاكل
تخيلو طالعه لفوق امه تهزأني وتقول لي
انتي لو فيك خير ماخليتي زوجك ورحتي وكان صبرتي عليه
انا مارديت ولا قلت اي كلمه وخليتها تقول اللي بخاطرها كله
وتقول لي انتي ماتربيتي لو انتي متربيه ماكان قصيتي شعرك كذا " انا من بعد النفاس قاصه شعري وهي ماتحب اقصه "
وانا باطلقك منه وبازوجه احسن منك
وزي ماخطبتك له باخطب له غيرك
وغلطت علي لين قالت بس
وكان زوجي يحاول يهديها ويطلعها برى
وانا مارديت عليها وكنت اتفرج على نفسي بالمرايه حتى اخلي دمها يفور زياده اني مطنشتها
لأني مقهوره
هذا جزاي اجي واسلم عليها واحب راسها وكذا ترد علي
حتى ابو زوجي قال ماعليك منها هذي مدمره ولا تاخذي بكلامها
تخيلوا
وتقول لي لو تطلعي من هالبيت انتي طالق
وانو امها هي اللي تخربها وتشيشها علينا
وانا بالعكس امي تهديني وتقول لي اصبري لا تتهوري وانا كنت ابغى الطلاق
بس بعدها فكرت بعقل وصبرت




المهم انا الان مستقره
وزوجي ولله الحمد والمنه توظف

لكن لازال وضعي مع اهله غير مستقر
لازالوا مايبغوني
وخلاص امه قالت لي انا حطيتك براسي ومارح ارتاح الا لم اطلقك منه
وقالت له ان زوجتك ساحرتك مخليتك تمشي وراها زي الاهبل ولا تهتم باهلك
لكن زوجي عارف ان الحق معي وكل شي قدام عينه ع شان كذا واقف معي
يعني مااغضب امه
بس هي تتسبب
وانا ماابغى اكون سبب في غضب امه عليه
بس تعبت من هالوضع
واحس كله يزنون فوق راسه ويشوهون صورتي قدامه
خلاص ماعاد يبوني ويبونه يتزوج بأي طريقه
انا متأكده من حبه لي
واخلاصه لي بس اخاف كثر الدق يفك اللحام
واخاف يسويها بس ع شان يسكت امه ويرضيها :44:

والله تعبت من التفكير
وصرت اقول حسبي الله ونعم الوكيل ياما ضلموني اهله
وان شاء الله ربي مايفك احزانهم ويوريهم ظلهم لي بأنفسهم
واللهم لاشماته جالسه اشوف دعواتي وقهري فيهم
لأني اشوفهم من مشكله للثانيه
ومن هم للثاني


اسفه ذا طولت بس حبيت اشوف من خبراتكم
اش الحل
هل اسفطهم وبكيفهم
والا ؟


بالنسبه للي وقفوا ضدي وصغروني واني انا الغلطانه
ارد عليكم اني واجهت ظلم لايوصف حتى الطعن بشرفي منهم
يعني صبرت كثير ودست على نفسي وكرامتي ومع ذلك اهانوني
يعني اخوه كان يتبلى علي لم يجي اخوي ياخذني من بيتي كان يدق على زوجي
ويقول له تعال شوف زوجتك مع مين طالعه
جالسه تصيع ومحد ماسكها وانت مو رجال مخليها تطلع مع رجال
كان يبي يشيشه علي بس
يعني مشاكلي معهم بسببهم هم انا ماسويت شي
واي شي اسويه الان فيهم حلال حسبي الله ونعم الوكيل
يعني لاتفكرو اني مارحت اتأسف الا رحت وحصلت اهانات
وكل اهله البقيه بنات خالتو وابووه واقفين معي يقولوا ماعليك منها هي غلطانه
وخرابه بيوت
يعني شهد شاهد من اهله مو بس اناا اقول يعني

الله يخليكم يعني لاترموني بكلام ماله داعي
مو ناقصه ظلم