بنات شورو علي أنا عندي مشاكل مو فيني
لا مشاكل أكتشفتها عند واحد من أسرتي مااقدر أكتب
جماعتي نصهم بالمنتدى
المهم طول الوقت متضايقه من المشكله ذي وأشياء
واجد المهم خلنها ع الله بس كانت واصله معي ولاشريت للعيد ولاشي
المهم رحت لاخوي قلت ودنا للسوق علطول قال لا
قلت ليه قال كذا طسي بس بشوف التلفزيون سكت
بعدين انفجرت قلت لا مو على كيفك انت بس رايح جاي
على اخوياك لاشغل ولامشغله ودنا اذا ماوديتنا من يودينا
قال عندك شي ماني موديكن المهم واروح وقول لابوي الي
حاط المسؤليه كلها ع اخوي قال قولي لخوك قلت عيا قال انا عندي
شغل قلت بعد ماتجي قال لا ماني موديكن قلت شلون نشري قال يمكن بكره اوديكن يوم جاك بكره سافر برا ديرتنا الي احنا فيها وتخيلوا كلهم شروا الا انا
ووحده من خواتي الصغار المهم رحت وقعدت اصيييح لين شبعت وطفشت
على الي بالبيت كلهم وضاقت فيني الوسيعه مااحد حاس فيني واخوي عصب
علي وهاوشوني وبنفس اليوم كلهم طالعين للمسجد مااغير انا جالسه بالبيت ماعلي صلاه يوم بغن يطلعن قالن خواتي نظفي الصلاه واسكت وتمر وحده من خواتي الصغار بتروح معهن قالن لا اجلسي و قالن لبسي اختك يمكن يجينا احد قلت خلاص عاد انا وش يمديني اسوي البس ولاانظف ولا اطلع الملابس ولا اشوف اخواني الصغار والله قاعده امسح واكنس ودموعي ع خدي والله شي يقههر المهم اخوي يقول لاتكلميني ابدا بالروحه كلهم يكلموني الا انتي وانا اتظاهر بالقوه قلت اجل انا الي ميته ع كلامك معي واسكت وهو طول الوقت وده يسولف معي الا بالروحه وانا اتكلم شوي واحيان اطنشه بس لاحياة لمن تنادي
BESHOOOOOOOOOOOOOO @beshoooooooooooooo
عضوة جديدة
يلزم عليك تسجيل الدخول أولًا لكتابة تعليق.
تعب السنين
•
هذا ذل الرجال حسبنا الله عليهم ونعم الوكيل
يروحي تعالي لخوك بالمساير القوه عمرها مجابت الرجال مو بس اخوك اكثر الشباب كذا اخوي مايودينا الا بعد حبت الخشوم لاتصارخين عليه ولاتهوشينه روحي له وتكلمي معه بالهداوه ومدحي فيه وتعالي له بسلوب زين لين يلين تصدقين اخوي احيان انه يذلنا حتى راسه نحبه ورجوله لين يودينا وحيانن فلوس ندفعله بس انتي الله يهديك سلوب خطاء العيال كلهم يحبون يقهرون خواتهم ويزدون اذا شفوك منقهره صدق وتعاندين زي ماقلت لك اساسه تجيب راسه ونتي وشطارتك اسفه طولة
الصفحة الأخيرة