مشكلتي مع اهل زوجي.......

السلام عليكم ورحمة الله وبركاته

هذه اول مره اشارك فيها برغم اني من المتابعيين للمنتدى من زمان لكن توني قدرت اسجل

المهم
من زمان حابه اعرض مشكلتي التي لم اجد لها حل اتمنى انكم تعطوني ارائكم

انا ولله الحمد متزوجه من سنتين و9 اشهر ولسى في النفاس بولد ولله الحمد عمره شهر
الله يخليه لنا

تزوجت من انسان يخاف الله ويحب اهله كثثثثثثثثثثر لانه هو المسئول عنهم

من حبه لأهله حبيته كلهم وقررت انهم اهلى من البدايه واني راح اكون عون له علي بر امه وحب اخواته

المهم انا وزوجي عايشين في الغربه بسبب ظروف العمل ونروح للبلد من رمضان الى رمضان

العام في رمضانرحنا اجازه شهرين من حبي لهم جلست عندهم لاني انبسط عندهم اكثر من اهلي
المهم اخته الكبيره علاقتها بزوجها غير مستقره نوعا ما برغم من انه معيشها ملككككككككككه ما شاء الله واكثر بعد

انا وزوجي ما شاء الله علاقتنا يسودها الحب والتفاهم ولله الحمد عارفه اللي على واللى لى

لما جلسنا عندهم فتره بدات احس بتغير معاملة امه وانا والله احبها كثر امي وهي معاملتها لى كانت زي العسل واكثرانا بطبيعتي مدلعه زوجي انا اسوي له كل شئ
وما اخليه يتحرك من مكانه
اجيب له المنشفه
اجهز اغراضه احاول ارضيه وهذا واجبي
هم الله يهديهم ما اعجبهم هذا اللي انا اسويه لزوجي وصارو ينتقدوني وام زوجي الله يهديها تقولانا ما احب المره اللي لازقه بزوجها هذا اول انتقاد لان بناتها ما يعاملون ازواجهم زييين
وهم شايفين معاملتي لولدهم كيف مخليته يحترمني
وزوجي ما يحب اني احط مكياج وكان انتقادهم الثاني ماتتزين لزوجها برغم اني البس واتعطر وافك شعري ما ادري وش دخلهم

احنا نمر بظروف صعبه هذى الأيام الله ييسرها من عنده
ربي رزقنا هذا الطفل بعد عدة محاولات حقن مجهرى
والله والله والله اني ما سات لهم بشئ واحث زوجي اني ياخذ ويعطيهم علشان ما يصير عليه ذنب او تزعل امه منه
زوجي يحب اهله مره واخواته وطول عمره ناسي نفسه علشانه رغم انه مو الكبير وفيه5 غيره بس هو المسئول عنهم

المهم صارت اخته الكبيره تحرش امه واخواته علي لحد ما صاروا ماهم طايقيني والله اني معاها في المطبخ في رمضان من الصباح لحد المغرب والبنات نايميين ما يصحون إلا المغرب واخر شئ انا ما دخلت معاها المطبخ إلا مرررررررره تقول لزوجي كذا وزوجي يشوفني لما يجي من برى

لما اجي اسلم ما يردوون صرت انا نجسه وخبيثه وتقول لزوجي انت ماتعرف حركاتها هذي حركات حريم
اذا جا زوجي من برى تقوله ما تجلس معنا اللى لما تكون انت فيه وانا طول الوقت عندها عاى فكره انا احب امه اجلس علشان يقولون اجلست انا انسجم معها تعجبني سوالفها
بس الله يهدي بناتها

المهم حتى رجولها احلس تحتها واسوى لها مساج وصنفره والله اعملها احسن من امي

صارو يقولن اني انا احرش زوجي بالرغم انه ماتغير بالعكس كنا نسمع الكلام مانرد يصبرني وانا اصبره

والله يابنات شهرين ونص اجازه تعرفون الواحد بالغربه يشتاق لبلده
ما طلعنا انا وزوجي طلعه زينه لحالنا
كنا نجلس معاهم نحاول نعوض بعدنا عنهم كان نفسي اروح اماكن كثيييره بس ما قدرنا

هم شايفين كيف انا صابره مع ولدهم علشان ارجي اجر رب العالمين وثم رضا زوجي حتى العيد ما قدرت اشترى لبس بسبب ظروفنا وهم يقولون ما لبست زين حتى في العيد

الحين لي سنه ما يكلموني ولا اكلمهم
انا فى الغربه طلبت ألام كم مره ابغى اسلم عليها او اعيد عليها ترفض تكلمني ولما ولدت ما احد كلم وبارك منهم على رغم انهم عارفييين وش كثر تعبنا بالمولد

انا الحين متضايقه ان علاقتي فيهم كذا لاني لما ارجع البلد اللي احنا فيه ما فيه احد من اهلي ما اعرف الا هم
ما كنت ابغي المشاكل تصير والله يسامحهم احنا بنرجع ان شاء الله بعد اربعة اشهر وناويه اروح اسلم على امه وخايفه تطردني او استقبالها يكون مو ولا بد وانا ما ابغى اكسر خاطر زوجي هو اللي لى بعد الله
الله يخليه لي قولو اميين ويخلي لكم ازواجكم

وش رايكم وش اسوى

اسفه اني طولت عليكم