الله يفرج همك

اختى فكرت في كلامى وتراجعت

اختى تصدقين انى وضعت نفسي مكان ام زوجك حسيت انى انقهرت مثل ما انقهرت هي ان عويلتها يهاوشون عشان حريم !
انا لو مكانها بقول نفس الكلام اقول وش دخل الرجل بين النسوان
وانتى قومي مشكله بسبب كلام السلفه الثانيه وانتى موب متاكده انه صح او كذب يعني مقومه حياتش على كلام السلايف واحده قبل توصل لك كلام عمتك وانتى تبكين والثانيه تقول لش كلام ثاني وتخليك تسولفين مع زوجك وخليتي زوجك بصراحه موقفه باااااااااااايخ كانه حرمه مع احترامي لش لان اخوه ماجاب سيرتك ابد وخليتي الاخ يتجرا على اخوه بسبب سالفه سمعتيها من سلفه الله العالم كذب ولا صدق مافي شاهد على السالفه ؟!
تعرفين موقفك انتى وزوجك مو زين قدامهم طلعتي قدامهم انتى تشيشنه عليها واخوه قليل ادب وماعنده سالفه وحق سوالف حريم
وخليتي الحق بدل مهوب معك صار ضدش وانقلبوا عليش وانا اتوقع ان زوجك اصغر لان هذي السوالف تطلق من الصغار
واكيد الاخو زعل من اخوه وصارت المشاكل بين الاخوان ترضين هذا يصير بين اخوانك؟ يتهاوشون سبه حريم؟!
لو انك صدق ما كان تسمعين من حرمه وتفتحين اذونك لهن لكن الله يهديك بتقعدين تسمعين من هذي وذيك مابقى لش صاحب
ترى يكرهونك اكثر وحتى خواته اتوقع صاروا يخافون منك لانهم يتوقعون ان اخوهم ممكن يتمادى عليهن بسبتك واللي مايحترم اخته ولا اخوه باكر يجي دورك انتبهي
طنشي كل كلامي الله كتبته قبل وانتى خذي هذا الكلام مني ابعدي شوي عنهم لين السالفه تبرد ولاعاد تفتحين السالفه عند زوجك وبعدخل زوجك يروح يسلم على راس امه والله ترى السالفه تقهر
ولاعاد تتكلمين مع سلايفك واحذفي ارقامهم من عندش ويبيلك قفل ومفتاح عشان تقفلين على اذونك هذي اللي بتجيب لش المشاكل

اشكركم على الردود والله انا اتجنبها على قد ما اقدر
بالنسبه للانسه منشن زوجي مو اول واحديهاوشه على زوجته صارت قبل هي كل فتره تتبلاء احد واالي يوقف لها تزعل تبي الكل يقول مسكينه ويرحموها وخواتي زوجي معي لانهم شايفين منها عجايب قبل زواجي لدرجه تقول يسكرون باب المطبخ علي انا وبنتي نشتغل لهم وبنتها عمرسنتين تدخل معها تحوس وتلعب بالمويه وتاركتها على شان يقولون بنتها تشتغل مريضه الله لايبلانا وصلت بها انها ترسل رسايل لاخت زوجي زوجها متوفي وتطلب من اخونها يوديها مشاويرتدعي عليها تقول جعلي اشوف عيالك يطررون عندالمساجد وجعلهم ايتام اب وام بس علشان طلبت يوصلها ويجيب لها قسم اني شايفه الرساله بعيوني
وبالنسبه لبنتها ماتنزلها وسط الاسبوع بس اذا جينا حتى مايلعبون بنتي لحالها اتمنى تفهموني انا ماحرضت زوجي يشهدربي انا قايله له لا تقولهم شي بس هويقول ملينا مشاكل كل يوم متبليه احدومنحاسين لازم احد يوقف بوجهه واخواته كانوا معه يقولون وقفها عندحده

فعلا ماكان لازم توصل للرجال سوالف حريم وبزران ما له داعي يتصل على اخوه ويهاوشه وخلي حرمتك وقول لحرمتك

عيييييييب

دحين ايش استفدتي الناس فاهمين انك انتي المشكله وانتي اللي بتفرقين العائله المثاليه وبتطيح الحكايه كلها على راسك

المهم مالك الا التطنيش وحاولي تنتبهي على اللي بينقل لك الكلام عن فلانه وعلانه

المشكله مو في سلفتك المشكله في اللي يفتن بينك وبينها وينقل في الكلام وينفخ في النار

وتاكدي زي ما ينقلون لك كمان بينقلون لها

الله يهدي الجميع

ويحفظلك البنوته يا عمري عليها هي والعابها وتشوفينها احلى عروسه