مشكلتي مع اهل زوجي والناس

كيفكم يابنات انا بعرض مشكلتي وياليت تفيدوني وللمعلوميه انا استخدمت معرف الحلوه الين فرحة حياتي ..المهم مالكم بالطويله انا انسانه متزوجه من ثلاث سنوات ونص تقريبا من انسان كل اللي اقدر اقوله فيه ان مافي اطيب منه في هذي الدنيا صح اول ما تزوجته مرت علينا فترة مشاكل لآنه مومتعود على مسؤلية الزواج.ويشهد الله علي اني وقفت معاه في السراء والضراء وتنازلت عن اشياء كثيره من اول ايام الزواج لان ظروفه الماديه صعبه جدابس المشكله مو هنا المشكله في اهله وتصرفاتهم معنا .. صراااحه ماقدرت انسجم معاهم ولاهم انسجموا معايه تخيلوا يابنات انا في منطقه واحده ولا زاروني في بيت ولدهم الا ثلاث اواربع مرات ولا بدعوه والحاح .وتعرفون اهل الزوج مايعجبهم العجب ولازم يطلعون فيك عيوب الدنيا بالنسبه للي انا كنت ازورهم كل اسبوع في البدايه بس والله اني اروح لهم وتهميش ولا كأني موجوده او حتى يكلفوا على انفسهم يقوموا بواجب الضيافه مع اني اروح معايه بالقهوه والحلا بس ماادري ليش بعدين بداوا شوي شوي يدخلون في حياتنا وظروف ولدهم واني لازم اساعده مع اني موموظفه بس اساعده بذهبي ابيعه واعطيه هذا الاقتراح اقتراحهم وزوجي مسكين رافض الشي هذا او انه ياخذ من ذهبي شي .. اكيد بتسألوني عن موقفي ؟ انا كنت معارضه على اني ابيع ذهبي لأن مااحنا عالحديده مره كل اللي على زوجي قرض واحد اما بالنسبه لاثاث البيت اهلي الله يعافيهم هم اللي ساعدونا فيه واهله مع ان حالتهم فوق الممتاز ما فكروا في شي كل اللي همهم اللي معايه وبس عشت حياتي انا وزوجي بالطول وبالعرض صح في شوية مشاكل بس كنا نحلها بدأ زوجي يبعدني عن اهله وكل ماجت اجازة نهاية الاسبوع وكلمته انا نزور اهله بدأ يتهرب او انه يوافق بالحاح مني انا ولما اروح لهم برضوا تهميش حتى والله يابنات ليتهم يسكتون عن الناس الا دايم يطلعوني اني انا مازورهم واني انسانه معقده و..و.. يطول الكلام وانا والله يابنات ماامدح نفسي اتمنى انهم يزوروني وازورهم عادي بس تصرفاتهم معايه كرهتني فيهم حتى لما اروح لهم واشوف طريقة كلامهم معايه ارجع بيتي اجلس ابكي او نتمشكل انا وزوجي بسبة اهله اهلي ساكنين في مدينه ثانيه ماادري عجزت اتصرف معاهم ان رحت لهم تضايقت منهم بالذات ابو زوجي يحاول يغيضني بأي وسيله ويقط كلام وكلام ولا ام زوجي اول ماروح لهم تمسكها حالة صمت غريبه بس تطالع في وجهي وتقلب عيونها واخوات زوجي متزوجات كلهم بس ام زوجي ماتتغير الا من كلام بناتها ولا تمدح الا في سلفاتي وازواجهم وهم مو اولادها اولاد زوجة عمي الاولى . المهم يابنات انا عارفه اني طولت بس والله ماكتبت لكم الا لاني اخاف الله ولا ابغى اقطع صلة رحم ولا ابغى احرمهم من ولدهم وحفيدتهم ابغى نكون عايله واحده نوقف مع بعض في السراء والضراء بس انا عجزت فيهم وفي شكاويهم مني عند الناس لدرجة ان شكاويهم وصلت لحد اهلي وان بنتكم تبغى تحرمنا من ولدنا ومن هذاالكلام والله لدرجة ان طوال فترة حملي ببنتي وانا تعبانه من الحمل ومن البيت الى المستشفى طوال تسع اشهر والله ما فكروا يزوروني اويرفعوا سماعة التلفون وهم يدرون عن وضعنا المزري الغريب وقف معانا وهم ما وقفو ا حتى اخوات زوجي اللي من امه واللي من زوجة ابوه لما ازورهم ما في تقدير ولا احترام مع اني اشوفهم مع سلفاتي غير كذا .. مع ان ماخطبني الا هم وعن قناعه من الجميع بس ليش تغيروا بعد الزواج ماادري .بنات انا زوجي طيب وابن حلال ولا ابغى اخسره وودي اكسب اهله بس كيف ؟ حتى لما جبت بنتي زارتني ام زوجي مره واحده في المستشفى وبعده ما شفت ووجهها فترة بقائي في المستشفى مع انها تعرف ان اهلي بعيدين عني وفي حاجتها وحتى فترة نفاسي رحت عند اهلي ولا مكالمه واحده منهم يابنات والله لو اكتب مجلد مايكفيني بس ارشدوني كيف اتعامل معاهم وخاصة ان علاقتي معاهم رسميه بعد اللي شفته منهم واخواته هل ازورهم في بيوتهم ولا لاء مع ان زرتهم مره وثنتين وثلاث بس ما ردوا للي الزياره وبعضهم والله ما يعرف بيتي وفي واحده منهم تكلمني وتتشره اني ما ازورها اوازور فلانه وعلانه او اكلم على الاقل واذا قلت لها انتم ماتكلمون وزرتكم ولا تزوروني تقلب الموضوع طوالي وحتى اذا كان عند اهل زوجي جمعة حريم اوعند احد من اخواته يعزمون القاصي والداني الا انـــا وش الحل وكيف اتخلص من للوم الناس للي وكلام الحريم اللي مايرحم
بنات انا ماكتبت لكم الا وكلي ثقه اني بلاقي حل منكم وبستفيد من خبراتكم فلا تبخلون على اختكم بالخبرات والحلول واللي ماعندها حل ترفع الموضوع