مشكلتي مع برك السباحة

بســــــــــــ اللهـ ــــــــ الرحمـــــــــــــــــــــــــ ــــــــــــــــــ ن ـــــــــــــــــيــــــــــــ ــــم

مشكلتي..

كنت اذهب في تجمعات عائلية للسباحه في بركة نستأجرها ونذهب جميعاً
البعض يعرف السباحه والبعض لأ انا منهم ولكن كنت اتسلى وادخل للأماكن الغير عميقة واحيانا استعين بالتيب او السباحه
المهم في يوم من الايام تزحلقت رجلي في المكان العميق ولقيت نفسي اغرق واغررررررق صرخت وكنت بروح فيها لولا وحده مدت يدها لي وسحبتني وبعدها طلعت من البركة واوصالي ترتجف
ومن يومها كل مارحنا البركة اخاف حتى انظر اليها واذا اصروا البنات ادخل ..ادخل ولكن خوف شدييييييد ينتابني واقل حركه ممكن تغرقني حتى في المكان حق الأطفال
ررررررررعب من الماء واحرااااج كبير امام صديقاتي خاصة انهم يحاولون وبعضهم صاروا شاطرين وانا كل مرة اخس من اللي قبلها
حتى صرت اتخيل البركه قبل النوم وبأني غرقت ويطير النوم مني واحيانا احلم فيها وافزع
ويا كرهههههي لليوم اللي يقولوا بنتجمع في بركة وانا والله لولا اولادي يحبون السباحه مارحت ولا اطبها ( واولادي ماشاء الله يعرفون السباحه وترى ابني عشر سنوات هو اللي ساعد في انقاذي وصديقتي )
والحين يقول لي ماما لا تروحين العميق ولا اقولج لا تدخلين البركه <يخاف علي شفتوا العز؟ آخرتها ابني اللي يخاف عليا تهئ تهئ
وامس اتصلت اختي تقول في دورة سباحه بتروح مع مجموعه من البنات يتعلمون ونصحتني اروح
وانا تعذرت بزوجي انه مارح يوافق <<< اشوف البركة كابووووس
حاسه اني مارح افلح في التعليم واكيد بغرق ولاحد يدري عني
ابي تقولوا لي كيف ابعد الخوف هذا من قلبي
كيف اعيد لنفسي الثقة حتى على الأقل مااحلم بها وبالغرق
لأني عارفه اني مستحيل اعرف اسبح في يوم من الايام
يمكن بتعتبرونها شئ عادي بس والله مؤرقتني واستحي اقول لهم اني بخاااف

وجزاكم الله كل خير