ياوخيتي ... البنات في ذا السن حساسات ويحاولون يلفتون الانتباه باي تصرف ...
بعدين بدت تراهق وتسوي تصرفات تثبت ذاتها وتشد انتباه الاخرين لها ...
صدقيني اقسم لك بالله العلي العظيم ... لو انك تقولين لها كلام ودي والفاظ حلوه ومحفزه لها كان شفتي تجاوبها معاكي ...
مثلا لما تنادينها وتبينها تجيب لك كاسة مويه .. قولي فلانه حياتي مشتهيه مويه من يدينك الحلوه .. والا لما تنادينها ناديها بالمطيعه او الباره او النظيفه او الجميله .. وضميها على صدرك ولمسي شعرها وسولفي عليها ... الله عليك يابنيتي الحلوه انتي تكبرين وانا افرح راح تكونين صديقتي وذراعي اليمين لما اتعب تداويني وانا ما استغني عنك ...
احلف لك بالله اعرف وحده من جماعتنا عمرها فوق الاربعين تقول امي من كثر ما تناديني بالبارده ومن كثر ما تقول لي انتي ما تنفعين بشي ولا تساعديني بشي ... حطيت كلامها براسي وصرت اعاندها ولا اشتغل ولا اساعد ... وهذي الشخصه اول ما تزوجت شالت حمولتها على راسها سنع وظفاره وعزايم وربي ما تصدقين حتى امها مستغربه من وين لها كل ذا السنع !!!
صدقيني انو السبب والعله منك والعلاج بيدك سويه الان قبل ما تكبر البنت ويزيد شرها وماتقدرين عليها ..

الله يهديك بس ؟؟؟وش هالكلام ؟؟؟
في هذه المرحلة يكون عند البنت تغيرات في الهرمونات وتعتبر هذه الفترة مرحلة بلوغ وفيها تتغير النفسية بسرعه وتحتاج الى الاهتمام والرعاية واشعارها بانها غالية ومهمه في المنزل 00
*حاولي تتكلمين لها عن اشياء وكأنك تأخذين برأيها او انك تدخلين المطبخ وتصلحين طبخة او حلى ويكون فيه بعض المزاح والمرح او شغلي الاناشيد الاسلامية ونشدي انتي واياها مع بعض 00
*سوي رياضة انتي واياها وسوي سباق 0
*العبي معها لعبة انسان -حيوان -جماد-بلاد -نبات 0
*حسسيها بانها كبيرة :خوذي رايها في لبسك ومكياجك 00
*ذاكري انتي واياها وذا قالت لك معلومه قولي اول مره اعرفها ""بديت اتعلم منك شي ما عرفه 00وبكذا تحس بقيمتها واهميتها 0
بنتي الله يحفظها عمرها عشر سنوات واتعامل معها كذا واشوفها تحرص على الدراسة عشان تعطيني معلومات جديدة في القران والتاريخ والعلوم 0وذا صار عندنا وقت دخلت ان واياها المطبخ نصلح حلى او عشاء ونرتب 00 اشغلها عشان ماتشغلني
**ولالالالاتنسي الدعاء لها بالهداية وان الله يسخرها لك ويحفظها 0
وخلي بالك طويل عليها اجل اذا صارت بالكلية وش بتسوين معاها"""اصبري واحتسبي الاجر وعلى قول المثل ((هم البنات للممات ))الله يصلح الحال 00
دعواااتك لنا بالصحه والعافية والستر

نفس حاااااااااااااااالتي


عجززززززززززززززززت وتعبببببببت ماخليييت اسلوب ولاطريقه دلع وتشجيع

وعقاب وحبس بالغرفه وضرب ماخلييييييييييييييت شي

المشكله مفشلتني حتى مع اهلي تضرب بنات خالاتها وتتكلم عليهم


بالمختصر <--- راعيه مشاكل الله يصلحها ويهديهااا

ياحبيبتي بنات اليوم ومراهقتهم مثل الاولاد يبغااهم اهتمام ومراعاة لنفسياتهم وخاويها فبل ما تخاوي غيرك وتدور على الونيس ابحثي في النت عن كيفية التعامل استشيري طبيب متخصص في هذي الحالات حتى الاكل لازم تكوني حريصه على الاكل الي تحبه المهم انها مرحله صعبه في التعامل احسني التصرف معها حتى تثق في تعاملكم واوصيك بالدعاء وكثري من النصايح لها في وقت ما تكون نفسيتها تعبانه دوري الوقت المناسب للنصح
اسأل المولى ان يعينك على تربيتهم وتشوفينها عروس