مشكلتي مع بنتي ؟؟

الله يهديها أنت اطلبي منها يعني تعالي ساعديني واذا جلست قولي روحي اجلسي مع البنات الا قدك

قلت لها اختي تعالي قدمي الحلى تخيلي هزت راسها يعني لا
الله يهديها بسس
اما بالنسبه لوحده من الحريم تقولها بصراحه ماابي انبه الحريم لها
الله يعين

الله يصلحهم يابنت الحلال
والله كأنك تتكلمين عن بنتي
بس في حكاية لما نروح عند أحد بس لاصقة فيني والبنات إللي قدهاو أصغر منها جالسات مع بعض ما ادري وش سالفتهم هالبنات
ولما أقول لها شي تقول لي ما أحب أجلس معهم ما أعرفهم وسالفات ما تدرين لها راس
الله يصلحم ويهديهم

يمكن اذا رحتي مع احد تستحي
اما بالبيت قولي خذي البنات وروحي معهم عيب تخلينهم

يا أختي عادي خليها تاخذ راحتها لا تكثرين نقد عليها والله أعرف بنات زيها كثييييييييييييييييييييير من يوم ينولدوا مو 12 سنه لا والله من خلقتهم ماعمري شفتهم مع الأطفال وكنت أشوف الحريم ينقدو على أمهم وهي ولا كأنهم صاحباتها ماشاءء الله عليها بس يوم كبروا صاروا أحلى البنات أدب واتكيت ولباقه وتعرف تسولف في الجمعات الكبيره وتعرف أصول الضيافه وماتملي من جلستها ماشاء الله الله يبارك فيهم بعكس اللي كانوا أمهاتهم يمنعوهم ولا تسوي ولاتجي عند الحريم ماعندهم ثقه بنفسهم أبدا أبدا ولا يقدروا يجلسوا مع الحريم حتى بعد ماتزوجوا يرتبكوا والسبب كثرت نقد أمهاتهم هذا عيب ولا تجلسي عند الحريم وإذا رجعوا من مجلس ليش سويتي كذا وليش قلتي كذا... يا أختي خليها بطبيعتها أحلى طالما ما سوت شيء يغضب ربي كيف الناس يقولوا اللي يقولوا... يعني علميها مراقبة الله وابعدي عنها مراقبة الناس... معليش طولت عليك بس نفسي كل البنات يصيروا واثقين من أنفسهم بكره تتزوج تحتاج تكون قوية شخصية وواثقة من نفسها عشان تواجه الحياة.. بس خذي بالك من جلسات الحريم اللي فيها قلة أدب وكلام كبار والأشياء اللي ماتصلح الصغار يسمعوها..