الله يشفيها لش يارب العالمين يمكن جاها والعياذ بالله مرض فقدان الشهيه الله يبعدها عنه لازم تفحصيها

راجعي بيها دكتورة لاتتركي بنتك كدة يمكن في شي نزول الصحةةلاتجهلية ابدا ربنا يشفينا ويشفيها

اخرجي مع بنتك وقولي لها ان الانسان يتعرض لمشاكل من اي نوع وما فيه غير الام لبنتها والبنت لامها ومهما كانت هذه المشاكل لازم فيه لها حل المهم مانسكت عنها تتعبنا وتكبرانا لما كنت في مثل عمرك واصغر واكبر كانت تجي لي ظروف لكن مع امي نحلها مهما كبرت وانتي حبيبتي لازم تفتحي لي قلبك حتى لو ما تكلمت قلي لها انا في انتظاران تفتحي قلبك وتخبريني ايش مضايقك لاتنهاري اوتبكي قدامها ترا بعدين ما تصارحك اولو فرضنا قالت لك اي شي مهما كان كوني مستعده لتقبل اي شي بدون انفعال لان انفعال الامهات يعطي نتيجه عكسيه لدى الاولاد فيخافو بعد ذلك من المصارحه حتى لو لا سمح الله تحرش او ايش ما كان امتصي انفعالك وخوفك وناقشي بهدوء ويمكن الطالبات ضايقوها بأي شي الله يستر من بنات هذه الايام وما بان عليها الاالان بنت عمي في ثاني متوسط كانت بنت من صف ثاني ثانوي تكتب لها رسايل وترسلها مع البنات وتروح تطلبها في ال*** والضعيفه وش تقول للاستاذه وهي يتيمه هداها الله تهاوشت معها وهي في ثالث متوسط والحمد لله ووالله ان البنت تعبت ووديناها عند طبيب نفسي والحمدلله واقول لك ولدي في ثالث متوسط هذا العام لاحظت عليه تغير ماياكل وهو طبعه مرح لدرجة اللقافه يعلق على اخوانه ويضربهم علشان يلاحقوه المهم كل شي اختفى خمول صمت دائم عدم اكل وهو نحيف اصلا وقصير شوي اخوه اللي بعده هو واياه زي بعض فصرت وراه وراه بهدوء علشان ما يطفش من إلحاحي وكان الموضوع ان واحد من الطلاب لطمه وهو لانه يعلق ويمزح صارو الطلاب ينكتو عليه فتأثرفقلت له لست خير من رسول الله وضعو سلى الجزور على ظهره وكانو يعذبو اصحابه وهو صلى الله عليه وسلم يمر عليهم ويحزنه ذلك وهو رسول الله وبعدين عادي اليوم لطمك وانت بكره بتلطمه اهم شي عرض الانسان اما الضرب عادي يا ضارب يا مضروب والحمد لله ولو كان شي ثاني تقول الام المهم نتغلب على المشكله وتحاول كيف تخرج ولدها (بنت او ولد) مما هو فيه ولاتعلم احد ولاتثور فيبتعد الاولاد عنا ويذهبو لغيرنا وفق الله الجميع لما يحب ويرضى الله يشفي بنتك ويطمنك عليها اسفه للإطاله استحملوني😊😊😊

ذكرتيني بولد خالتي صار كذا هيكل،عظمي لا اكل لاشرب وترك الخرجات وصار في،البيت صار عنده نقص حاد في فيتامين باء وفيتامين دال وفقر دم ونقص كالسيوم يعني كل العناصر نازلة الحين له ثلاث شهور،يتعالج فيه تحسن بس،للحين نفسيته،مب مرة وديها وسوي تحاليل شاملة. وربي يشفيها

بنتك تمر بمرحلة المراهقه ويمكن تعاني اكتئاب بسيط
انا يوم كنت في عمرها كنت مثلها وبعطيك نصايح تمنيت ان امي سوتها لي تصدقين بغيت انتحر في ءاك الوقت لولاخوفي من ربي
الحل انك ماعاد تسألينها انتي ليه متغيره ومن هالاسئله لانك سألتيها قبل وطلع مافيها شي
ولا عاد تكرر ين السؤال ابدا لان هي محتاجه اهتمام وتلفت نظركم بحركاتها هذي فاذا سالتيها وصلت هي للي تبيه وماراح تستفدين شيزحتى ماتتمكن الحاله فيها وتتذكرها كل ماحاولت تطلع منها عامليها طبيعي كأن مافيها شي بس بنفس الوقت احتويها بدون ماتتحسسينها انها متغيره وانك ملاحظه التغير واعطيها الاهتمام الي هي تبيه
كيف مثلا تدخلين المطبخ تنادينها يلا ماما بنتعلم نسوي كيكه وخليها تظبطها وتزينها
ولا تعالي عند التلفزيون بنصلح معجنات حتى ناخذها معنا وبنطلع مشوار او تعالي سوي ايس كريم
او اي اكله تحبها مو شرط مغذيه لان اذا بدت تاكل لو على خفيف بتحس بالجوع
سوي قهوه وحلا وناديها سولفي معها
على انها بنت كبيره حببيها بالمرحله الي هي فيها
مثلا اشتري لها علبه مكياج
او اله براون للفتيات
مجموعة كريمات عنايه بالبشره
او الة عنايه بالاظافر
على حسب امكانياتك دلعيها
وحتى الملابس وفريهامناسبه لعمرها خصوصا الملابس الداخليه
وفري لها كل احتياجها (امدحيها ) خلي ثقتها تكبر بنفسها
اطلعي معها كوفي او السوق حببيها بنفسها وبالتغير الي حاصل لها
(امدحيها على الطالعه والنازله)
لكن بشرط بدون ماتحس انك ملاحظه التغير الي حاصل لها عشان مايتكمن منها
باختصار عززي ثقتها بنفسها
وعطيها الحب والحنان والاهتمام
وان شاءالله بعد هالمجهود هي بنفسها راح تجيك وتصراحك بمشكلتها