لما كنت مراهقه كان الكمبيوتر في الصاله امام الكل الرايح والجاي يقدر يشوف ورغم كذا كان عندي ايميلات مو ايميل واحد وسجلت بمنتدى مختلط وسولفت مسنجر مع شباب لكن الحمدلله كنت عارفه حدودي تمااااااام وماكنت اتمادى معاهم اللي يتمادى اطيره ع طوووووول وبدون نقاش
كنت محافظه ع نفسي الحمدلله يعني مافي لاحب ولاكلام ماصخ مجرد كلام وسواليف عاديه
الخلاصه الاسااااااس التربيه الصالحه وحب الام لبنتها ونصحها لها باستمرار ودايم تبين لها مستقبلها كيف بيكون اذا حافظت ع نفسها والعكس اذا تصرفت غلط وكذا وخليكي الام الحنون والاب لازم يكون حازم بس بدون قسوه واعطوها ثقه بس بحدود ومراقبه من بعييييد لبعييييد لان المراهقين اذكياااء جدا ممكن تخبي عنك اشياء اذا قسيتي عليها اوكي ياقلبي خليكي حازمه بس باسلوب صح

اسمعي يا قلبي ... كلنا مرينا بنفس المرحله... ناس تعرف تتعامل ومشت هي وعيالها وناس بس تهايط هم اللي دشرو عيالهم
بصراحه عن نفسي .. كنت احب ايام المدسه وكنت انحب لي معجبات هذي قضيه في المرسه لابد منها .. عند اغلب البنات
المهم ..بلعكس امي تقربت لي لحد ما اعترفت انا بنفسي لها عن اللي كنت احبها ..
وكانت رده فعلها جدااااا روعه ..
قامت تنصحني البنت اهم شي اخلاقها الشكل مو شرط وووووووووووووووومن هالكلام ..
وكل ما اجي من المدرسه تسال هاه وش صار لك مع فلانه شفتيها ..
صرت احكي لها عن كل شي تمشيت معها وعطيتها رساله وووووووووووووووو من حركات البنات
كانت تسمع لي بكل هدوء وتنصح بطرق حلوه وتقولا لو انك مسويه كذا احسن لو انك كاتبه كذا احسن مثلا الرساله اللي كنت مرسلتها كنت كاتبه ياقلبي وياعمري وانتي وانتي قالت امي اتوقع لو انك كاتبه انا اتمى لك كل خير ودائما ادعي لك ..احسن حتى البنت تعرف انك تحبيها مره لان اللي يحب يتمنى الخير للي يحبه اما قلبي وعمري ما تصلح ..
وكانت تسميها صديقتي وتقول سميها كذا ..
وتقول اش رايك تسوين لها هديه رحت انا وهي واخترنا الهديه وسويتها لها وقالت قولي راح اجي انا وامي لكم زياره في البيت نتعرف ع بعض
راحت معي امي وتعرفت ع اهل البنت .. وكنت مبسوطه حيل ..وقدرت تحول الاعجاب الى صداقه بين العائله كلها من غير ما احس ..
حتى اني مليت وطاح اللي براسي وصارت انسانه عاديه بس كانت فتره وعدت ..
ولازم تتعاملين معها صح حتى ما تنفر البنت منك وتضيع ..
لا تنسي الدعاء لها

عادي مرحله وتمر على الكل

ههههههههه
احس البنت اذا ما مرت بمرحلة الاعجاب ماتكون بنت

بس انتي تقربي منها هي ماسوت كذا الا لانها فاقده الشي هذا الي هو تبادل الحب والاحترام

الله يعينك

الله يهديها ويستر عليها ويهدي بناتنا ويستر عليهم

ياحبيلكم بصراحه مرره استفدت من كلامكم وثلج صدري وخلني اكون قويه و*****الله بتصرف معها حسب نصايحكم من جد فيه اشياء انا غافله عنها ونبهتوني لها
عساي مانحرم منكم ومن نصايحكم المفيده
والله يقدرني ع تربية البنات عندي اربع الله يصلحهن
تكفون ادعولهن بالهدايه