مشكلتي مع بنتي ساعدوني!!

السلام عليكم
بنتي الوحيده عمرها سنه و10شهور وأنا ساكنه في بيت لوحدي(مش مع أهل زوجي بس هم جنبي ) بنتي ماتشوف غيري وأبوها والشغاله..
المهم مشكلتي أنها إذا شافت البنات والأولاد الصغار في مستوصف أو مجمع أو أي مكان تسلم وتضم وتلعب عااادي لكن إذا شافت أحد كبير تخاف وتدور علي تجي في حضني وتخش وجها أو تدور على الشغاله ..
من كملت سنه وبدأت تمشي وأنا أوديها عند بنات حماي وتلعب وعاادي بس إذا شافت احد كبير تبكي..
وتعبت من هالموضوع إذا رحت لأهلي أسبوعيا تستانس مع الأولاد والبنات بس إذا دورتني ولقتني وسط أمي وخواتي تطالع فيني تبي تجي عندي بس تطالع فيهم وتبكي..
مع أنهم كلهم ودهم يشيلونها ويلاعبونها بس..!!
أبي حل أرجوكم..
مشكلتي الثانية عند النوم بالليل أول ماتنام الساعه10 أو 11 تواصل ساعتين أو ثلاث وبعدها تبكي وتقلب وتون ..
أصحيها أخاف أنها شايفه حلم متروعه ..بس يستمر الوضع كذا ثلاث ساعات وبعدها تتعب وتنام..
فيه من قالي يمكن أسنان بس هالحالة من عمرها سنه ..وفيه من قال تلعب وتضحك كثير النهار فتتحلم ..
عطيتها يانسون ..ومشروبات دافية تهديء اعصابها مافيه فايدة ..
أنا موظفة وأصحى الساعه 5 كل يوم أروح مانمت عدل المهم أخاف بنتي فيها شي وأنا ماأعرف..
الله يخليكم ساعدوني بحل
:(