السلام عليكم ورحمة الله وبركاته
كيف حالكم يا اجمل أمهات بالدنيا
مشكلتي ياطويلات العمرر بنتي اه احس اني افشل ام بالدنيااااااا
بنتي عمرها 4 سنوات ونصف عندها تصرفات ما اعرف اصنفها او اعرفها او افهمها
بنتي متعلقة بعمتها بشكل غريب لاني اروح الجامعة يومي كله فكانت تجلس مع عمتها وجدتها وعمتها هذي حنونه معها الله يرزقها بالزوج الصالح وعمتها الصغيرة علمتها كلمة مو كويسة وهي كلمة يا كلبة عجززززت انسيها هذي الكلمة
وما يرفضو لها طلب خاصة في حبها للحلاوة جدتها عودتها على الحلويات وترشيها بالحلاوة عشان تروح معاها الحمام وتغير لها لما أكون بالدوام
المشكلة بنتي الحين على أي توبيخ او رفض لطلبها سوا انا او ابوها تثوووووووووووررررررررررر وتصاااااااااااارخ بشكل هستري يخرع اللي مايتخرع والجيران منزعجين منها
ترفض الحمام او تغير حفاظتها ولو اجبرتها الله لا يوريكم نوبة الغضب داخل الحمام
حاولت كثيرررر ادربها على الحمام تعاندني وترفض وتبكي لما ابي البسها الكلوت اللي من الداخل زي المنشفة ما اعرف اسمه
المشكلة الثانية ياعمري اخوها الصغير صار يخاف منها ويتحاشها
في اثناء نوبتها تردد ياكلبة بصوت عااالي مع صراخ وتضرب رجولها بالأرض
بنتي في حالاتها الطبيعة من اجمل البنات
نابغة وذكية ومحترمة ومتعاونة
مزاجها بسرررعه يتغير لو كانت سعيدة وعملت شيء وحاولت اصح لها خطاءها مثل أي ام وأقول لها عيب تبدا تثور وتغضب وتردد ياكلبة للعلم محد يسب بالبيت من بعد تعلمها الكلمة هذي
صرت اتفشل اخذها مكان او اتفشل احد يزورني كل من زارني قال وش فيها بنتك ومايصير ومن هالكلام
تقربت منها ضربتها عاقبتها مااااكووووو فايدة
بليززززززز ساعدوني قبل لا انجن
انا نفاس توني ومشكلة بنتي مبهذلتني وزوجي يعايرني يقولي شوفي تربيتك كيف
واعطوني حلول عشان اعلمها الحمام
جزاكن ربي الجنة