مشكلتي مع بنتي والتسنين والكحه حالتها لقسه

آلسســلآآِٓمـ‿ ؏ـــَــليگِمـ‿ ..👋™

صباح الخير يااغلى الناس


بنات بنتي عمرها سنه وخمس شهور وماطلع لها الا سنين تحت بس
ومن يوم الجمعه فيها حرارة ونفلونزه وكحه واسهال جمييييع
السبت رحت فيها للمستشفى لان حرارتها مرتفعه كثير وحطوا فيها تحميله وخلوني اسبحها وقالي اعطيها فيفادول كل 4 ساعات والحمدلله ارتاحت
لكن بعد يوم خشمها تكرموووون ملييييان من المخاط الثقيل مخلوط بدم
عاد مو شيء غريب عليها الدم اذا زكمة بس هالمره المخاط كثييير مرعب والدم كثر
والكحه ماتنومها وتنكتم وتتنفس مع فمها ومتقطع نومها بسبب خشمها والكحه

والمشكله مو ذولي

طلعت تسنن ولثتها وارمه اللي فوق مررررره
ورجعت لها الحراره
وبتلشت بعمري عاد انا
احس اني دخت هههههه وربي اهلي يضحكون علي يقولون لي طبيعي وانا حالتي حاله كانه انا المريضه

بنات وش الحل
مع التسنين ماعندها الا سنين تحت وعمرها سنه وخمس شهور
واللثه اللي فوق منتفخه
وانا عندي عقد من الحرارة يجيني خووووووووف :unsure: عجزت اعدل نفسي

والاسهال تكرمون لونه اخضر

مو مهم الاسهال
الحرارة حقت هالتسنين كم راح يجلس هالتسنين وهالحرارة اللثه منتفخه مع كل الجهات قدام ومن ورى ومن تحت
مطول التسنين يعني كم راح يجلس منتفخ والحرارة ؟؟
وايش استخدم ايش اجيب من الصيدليه ايش اسمه
او ايش خلطه قلولي حاريم يوم كنت مرقده بنتي اول العطله عشان معها استفراغ واسهال وحرارة قالولي وماكانت اللثه منتفخه ابد قالولي افرك لثتها بشيء مدري وشو بس اعشاب نسيتهم
انا افركها بمنقوع المره يقولون تستشم ويتجيها حراره والله مادري

ابي اعرف مطوله هل هالحاله راح تحلس اسبوع او اكثر يارب اقل
وهل راح يشقون ولا راح يبطون هل فيه شيء يوخر هالورم احسه يوجعها
مدري اقراء بالنت اعطي الطفل عضاضه قبل اخليها بالفريزر
لكن بنتي كبرت على هالاشياء ماتستخدمهم
عطيتها جزرة بارده
الخيارة تتقطع اما الجزرة صعبه

واما هالانفلونزه اللي تكتمها والكحه تنصحوني بالبان الذكر. لاني قريته بالنت يمدحونه للكحه والبلغم وشرايكم فيه


يانا اكرهه نفسسسسسي كش علي هههههه والله مانفع اصير ام اخاف عليها حيييييل ورجف عليها رجف :(

تراها اول طفله لي وتراني مو صغيره وخزياااااااااه عمري 34 ولا اقدر ادبر عمري اذا جتها الحرارة يجيني خوف وقعد ابكي اخاف عليها ونومي مو مضبوط ماقدر انام ولا اكل يوم تتعب وترقد جلست يوم كامل مايطب فمي الا الماء اعطش ويتشف ريقي اشرب

:icon36::icon36:

والحين مدري وش اسوي مع هالتسنين والكحه والخشم اللي مندمر

بنات تكفون ساعدوني
الله يخليلكم عيالكم يارب ويحميهم لكم ياقادر ياكريم
الله يجعل السعاده والخير والسلامه دايم الدوم حولكم

بنتظار ردودكم

ودعولي بنات اصير ام سنعه :icon36: مثل باقي الامهات السنعات ويروح عني الوسواس والخوف الكل يضحك علي والله صادقين :08: