مشكلتي مع تجاهل زوجي .........

مادري من وين ابدا .. اقسم بالله اني اكتب لكم وانا أبكي
انا تزوجت شخص يحبني وهو 24 وانا 22
من بعد الزواج حياتنا كانت حلوة بس بعد كم شهر تغير وصار 24 ساعة على جواله واكتشفت بعدها انه يكلم بنات ويهدي لهم .. انصدمت صدمة عمري بس مارحت لاهلي صرت ما اكلمه قلت اصبر عليه و امشيها عشان اللي في بطني كنت في 7 شهور حامل ...... ووعدني مايرجع للبنات وانه بيمسح كل شي من جواله و و و و و و و
بس بنات ماهو الاولي .. عايش معاي كانه مغصوب رغم اني جميله بشهادة الكل و الحمدلله شايله اهله على راسي شيل لدرجة ان ابوه شايب وبس يمدح فيني
انا مو مقصره لا معاه ولا مع اهله ... عليه ديون حوالي 200 الف راتبه كله يطير يبقالنا 1500 اكل وشرب ومعيشه ومصاريف لي انا وولدي منها حتى اغراض البيت وبنزين السيارة في هالمبلغ ومع كذا ما تأففت صابرة وما ابين له اي شي حتى اهلي اقرب الناس لي مايدرون اننا عايشين عالحديدة حافظه بيته واطبخ له ولا اقصر بحقوقه ومع كذا ما يشوفني شيء

الصباح في عمله و يرجع يتغدى و ينام ويطلع ما اشوفه الا وقت النوم ما كان كذا مادري وش غيره له حوالي 5 شهور وهو معاي كذا
انا تعبببببت .. احس بوحدة .... وحده فضيييييعه ماعندي خوات افضفض لهم ولا صديقات الا 2 و مشغولات
احس بفرااااغ .. احس في قلبي فجوه
حتى بالسرير ما يجي الا مرتين بالشهر وكانها كتاديه واجب ويخلص بسرعة ويقوم !!!
واحيانا اكشخ واتعطر وووووو يجي ويتغطى وينام ما كأنه شافني نهائي ولا انتبه !!!!
الليله كان مع اصحابه ورجع الساعة 4 ونص جاء وانا لابسه وكاشخة قعد يطقطق عالسرير في جواله يمكن 40 دقيقه وانا جنبه انتظره ينتبه يمدح ينطق يلاحظ عالاقل ان جنبه بنت
ويحط الجوال تحت المخده وينام !!! طيب وانا ؟ والانجري ؟
مقهووووره لاني تنقعت بمر وقشر رمان يمكن ساعة ونص بالحمام وصنفرة ودلكة طول الليل عشان بس اعجبه ويسحب لي ليه ؟؟؟؟؟؟ مره مقهورة اقسم بالله ابكي ليش يتجاهلني ليششش !!!! مابي ادور اهتمام برا ... مليت اعيش مع شخص مايشوفني انثى مليت لاني ماعمري قصرت مااااعمري
كل بنت في عمري تتمنى حب تتمنى دلع تتمنى تحس ان فيه شخص يحبها مليت اسمع منه مره كل كم يوم احبك وهو كذاب ... الحب افعال الحب اهتمام الحب تصرفات
مابي اخونه مابي اغلط مخنوووووقه شوفولي حل