مشكلتي مع جوال زوجي الثاني..

السلام عليكم ورحمة الله وبركاته..

أخواتي بنات حواء..
ابي استشيركم بموضوع ما مقلقني ودايم افكرفيه..
أنا زوجي عنده جوال ثاني غير جواله العادي اللي كل الناس تعرفه,وطبعا هو حريص على ان ماحد يدري انه عنده جوال ثاني..
وهو مانعني من اني اشوف الجوال او اطلع عليه منع نهائي مع العلم بأنه جواله الثاني اللي هو العام اللي كل الناس يعرفونه عادي اطلع عليه واشوفه وافتشه يوميا ولا يقول شي يعني الرجال ماعنده مانع في مبدأتفتيش الجوالات..طيب ليش الجوال الثاني يمنعني منه..

مره زعلت عند اهلي ومن ظمن محاولاته واغرائاته عشان يرجعني قالي اخليك تفتشين الجوال ولما رجعت أخفى شمس الجوال قبل كان يدخل فيه معاه للبيت وهو مسكر طبعا والحين دايم الجوال بالسياره..
ومره نسى الجوال عند مخدته على السرير ,,وكنت جالسه انا على السرير ولما تذكر جا وهو يركض عشان ياخذه..
يعني باختصار خوفه على الجوال لايطيح بييدي خوف كبييير جــدا..
وانا بهالفتره شاكه بزوجي بسبة رساله قريتها بجواله..
المهم اللي ابيه انا الحين اني افتح جوال زوجي..وطبعا انا ماعرف رقمه السري..
لكني بحثت عن طريقه تفتح لي الجوال وحصلت طريقه تخليني اغير الرقم كله واحط رقم ثاني بحيث اني اقدر افتحه..

فإيش رايكم هل افتحه واغير الرقم السري كله مع العلم انه زوجي ماراح يقدر يفتح جواله مره ثانيه لأن الرقم السري راح يتغير عليه,,واخاف تصير مشاكل يعني يشك فيني او شي من هالقبيل..
أو اتركه وأستمر بحيرتي وقلقي..

ألله يخليكم شيروا علي..وأنا ابي اتاكد من هالشكوك اللي براسي,,
ويش اسوي..