سلام عليكم
شخباركم خواتي
ياما كنت اسمع بمشكلة الحماة وان كثير من بناتنا يعانون من هالمشكلة بس عمري ماوقعت اني انحط بهالموقف بالذات لاني كنت دايما اقول اني ماحب المشاكل وعلاقتي مع الناس الحمدلله طيبة
ابتدت مشكلتي لما تقدم لخطبتي شخص من بلدة ثانية بعد الحاح من اهل هالشاب ولما درست ايجابيات الوليد وسلبياته اكتشفت وبشهادة الجميع ان مافي مثله بالاخلاق والأدب والالتزام فقلت شنو تبغي البنت اكثر من هالشيء ووافقت عليه
واتفقنا على موعد للقران ( الملكة) ولعدها بكذا يوم صارت الحفلة المشكلة بدت من وقتها تدخل حماتي ( ام خطيبي) بكل صغيرة وكبيرة وقعدت تفرض علينا عاداتهم بحكم اختلاف البلد وهالشيء سبب بعض الحساسيات بالموضوع وقلت ماعليه لازم احترم عاداتهم وتقاليدهم ذيلين راح يصيرون اهلي وراح اعيش وياهم بالمستقبل وكانت حفلة الخطبة حفلة مأساوية لدرجة اني قررت اترك الكوشة ونزلت من المسرح 3 مرات بس صليت على النبي وقلت خل هالليلة ت عدي على خير
المشكلة كل يوم طالعتلي بسالفة مرة قررت انزل عندهم مع خطيبي اتصلت فيني قالت لي لا عادتنا المخطوبة ماتجي بيت عمها الا بالزواج وكسرت بخاطري لاني كان ودي اتعرف عليهم اكثر واكسر الحواجز اللي من بينا بحكم المسافة وقلت ماعليه الاحترام واجب ولازم اقدر اختلاف العادات والتقاليد مع ان عاداتنا ماتحرم هالشيء بحكم اني خلاص انعقد علي واعتبر زوجته
من كم يوم بس كنا رايحين بلد زوجي بس بمنطقة غير منطقة اهل زوجي بس كان له قرايب بهالمنطقة لما عرفوا ان احنا جايين قالوا لزوجي لازم تجون تتعشون عندنا ومن زمان ودنا نشوف خطيبتك
فرحنا عندهم وتعرفنا عليهم
المصيبة امس الليل ام خطيبي متصلة علي تقول لي رحتوا بيت فلان قلت لها اي الا تقول احنا عاداتنا غير عنكم المفروض ماتروحين لاحد من اهلنا مايصير انتي مخطوبة ماتقدرين ت ز ورين احد بهالفترة بس بيت عمك غيره لازم تتزوجين اول بعدين تزورينهم وبلهجة شوي وتطلع لي من التيلفون
قلت لها اذا دعوتم فاستجيبوا وجهوا الدعوة ورحنا الا تقول لا عاد تروحين مرة ثانية وانا هني اغلي نار وانقطع الاتصال
زين انا شذنبي ؟؟
وشلون اتعامل مع هالام اللي تبغي تفرض عاداتهم علي من غير ماتحترم عاداتي وتقاليدي..
شسوي اكلمها واقول لها خلي حدود بينش وبيني
لو اكلم خطيبي والمشكلة اذا كلمته بكلمه بعصبيه لاني للحين اغلي نار وراح يتصل على امه ويسوي مشكلة
ساعات اقول شكلي تسرعت ووافقت عليه
ساعات احس امه طيبة بس بنفس الوقت خبيثة
الله يعافيكم ساعدوني مع حماة تتدخل بكل شيء حتى بكم يصرف علي وتبغي تزوجني على كيفها باقرب وقت وانا للحين مو مستعدة للزواج ولاحتى خطيبي
:(
ملاك المطر @mlak_almtr
عضوة نشيطة
يلزم عليك تسجيل الدخول أولًا لكتابة تعليق.
اختي الماسة
جد طلعت لي قرون
حتى لو قلت لها ان شاء الله مافي فايدة تجي تتصل مرة ثانية وثالثة
مادري شسوي اخاف اني اعاملها بعصبية وانا مابغي علاقتي وياها تتعقد او تصير مشاكل
مشكورة على المرور
جد طلعت لي قرون
حتى لو قلت لها ان شاء الله مافي فايدة تجي تتصل مرة ثانية وثالثة
مادري شسوي اخاف اني اعاملها بعصبية وانا مابغي علاقتي وياها تتعقد او تصير مشاكل
مشكورة على المرور
نصيحه اختي .. لا تدخلين خطيبك .. بينك وبينها وتخلينه بين نارين ومب عارف يوقف في صفك ولا في صفها.. تفاهمي معاها بشكل مباشر بدون ماتدخلين ولدها بينكم ..أخذي حقك بنفسك وحلي مشاكلك بنفسك.. وحطي لها حدود من ألحين .. وحاولي انك ماتردي على اتصالاتها دايم .. خلي علاقتك معاها سطحيه ورسميه.. عشان ماتتدخل في كل حاجه .. وإياكي ثم إياكي تسكني معاها بنفس البيت.. انتي بعيد وما سلمتي من تدخلها .. كيف لا صرتي عندها.. وادعي يا قلبي إن ربي يسخرها لك ويكف كل شر عنك..
نصيحه اختي .. لا تدخلين خطيبك .. بينك وبينها وتخلينه بين نارين ومب عارف يوقف في صفك ولا في صفها.. تفاهمي معاها بشكل مباشر بدون ماتدخلين ولدها بينكم ..أخذي حقك بنفسك وحلي مشاكلك بنفسك.. وحطي لها حدود من ألحين .. وحاولي انك ماتردي على اتصالاتها دايم .. خلي علاقتك معاها سطحيه ورسميه.. عشان ماتتدخل في كل حاجه .. وإياكي ثم إياكي تسكني معاها بنفس البيت.. انتي بعيد وما سلمتي من تدخلها .. كيف لا صرتي عندها.. وادعي يا قلبي إن ربي يسخرها لك ويكف كل شر عنك..نصيحه اختي .. لا تدخلين خطيبك .. بينك وبينها وتخلينه بين نارين ومب عارف يوقف في صفك ولا في صفها.....
اختي مدام مسنجر
هذا بالضبط اللي خايفة منه اني ادخل خطيبي بالموضوع بس المشكلة ماتعودت اخبي عنه شيء وحاسة بحرقة عشان افضفض له بس من غير مااسوي مشاكل
برايكم اواجهها وخلاص فكرت اطرش لها مسج واقول لها اني راح احترم عاداتهم لما اجي منطقتهم وان انا بعد عندي عادات ومااقدر اتخلى عنها بيوم وليلية بس غير منطقتهم راح اسوي اللي ابغيه
اخاف تاخذ عني موقف اني متسلطة او شايفة نفسي :09:
محتاارة والله وياها
اخر مرة طلبت مني صور البوم الخطوبة والملكة وتبغي نسخة خاصة لها وانا اعتبر هالاشياء شي ءخاص جدا لي مو حق اي شخص ثاني طرشت لها البوم صغير ماعجبها قالت بعد فيه صور واايد ابغيهم وكل مرةتتصل فيني تبغي الصور حاولت اتجاهلها بس مافي فايدة
تعبت نفسيا من هالشي:(
الله ستر ان مابعيش وياها مع انها تبغي هالشيء بس الزين ان عمل خطيبي بمنطقة ثانية يعني مابنقدر نسكن وياها
لاحول ولاقوة الا بالله
عطوني حل كافي ووافي يرحم لي والديكم
ومشكورين اخواتي اللي عبروني وساعدوني بنصايحهم
هذا بالضبط اللي خايفة منه اني ادخل خطيبي بالموضوع بس المشكلة ماتعودت اخبي عنه شيء وحاسة بحرقة عشان افضفض له بس من غير مااسوي مشاكل
برايكم اواجهها وخلاص فكرت اطرش لها مسج واقول لها اني راح احترم عاداتهم لما اجي منطقتهم وان انا بعد عندي عادات ومااقدر اتخلى عنها بيوم وليلية بس غير منطقتهم راح اسوي اللي ابغيه
اخاف تاخذ عني موقف اني متسلطة او شايفة نفسي :09:
محتاارة والله وياها
اخر مرة طلبت مني صور البوم الخطوبة والملكة وتبغي نسخة خاصة لها وانا اعتبر هالاشياء شي ءخاص جدا لي مو حق اي شخص ثاني طرشت لها البوم صغير ماعجبها قالت بعد فيه صور واايد ابغيهم وكل مرةتتصل فيني تبغي الصور حاولت اتجاهلها بس مافي فايدة
تعبت نفسيا من هالشي:(
الله ستر ان مابعيش وياها مع انها تبغي هالشيء بس الزين ان عمل خطيبي بمنطقة ثانية يعني مابنقدر نسكن وياها
لاحول ولاقوة الا بالله
عطوني حل كافي ووافي يرحم لي والديكم
ومشكورين اخواتي اللي عبروني وساعدوني بنصايحهم
ياقلبي .. المواقف اللي تصير مع أمه الأفضل ما تناقشينها معاه .. تكلمي فيها مع الوالده أو أختك أو صديقه مقربه ونصوحه .. لا تتكلمين في أهله معاها قبل ما يعرفك ويعرف شخصيتك .. صدقيني بعدين بينظر لك إن قلبك أسود وحقوده وتحبين المشاكل وتتبلين على الناس وهم ماضروكي بشي ..لكن لما يعرفك عدل ويعرف طيبتك بيعرف من اللي يسعى ورا المشاكل..وحاولي تقللي اتصالك معها بالتدريج لين ماتصير العلاقه رسميه..وربي يوفقك
الصفحة الأخيرة
انتي خليج بارده باعصابج معاها
اهم شي انتي وريلج متفاهمين
وعلى الزواج مالها دخل خلي ريلج يقول لها انه اهو بعده مو مستعد
واي شي تقولج قولي لها ان شاء الله وانتي مستانسه وماعليج منها طنشي خخخ
اهم شي لاتحرقين في اعصابج
والي بتسويه خلها تسويه
دام انتي وزوجج متفقين خلاص ماتقدر تسوي شي