السلام عليكم يا بنات حواء
يا خوااااتي شوفوا مشكلتي قبل امس رايحه انا وزوجي وبنتي عند اهل زوجي كانوا عازمينا على الفطور انا وكل حمواتي ووحده من حمواتي ماكلتها الغيره تخيلوا في واحد من اخوان زوجي وظيفته عاديه جدا وزوجته تشتغل معلمه وحتى زوجته عاديه مو ذاك الجمال ولاذاك القبح جدا متوسط جمالها وحماتي النغور كنت انا توي جالسه على طاولة الطعام وكل وحده جايبه معها حلى المهم بعد الفطور وبعد الصلاة كنا كلنا جالسين بالمجلس الحاريم والمجلس كبيرررر وكانت هي بعيده عن وكل وحده تسولف على الثانيه انا كنت اسولف مع حماتي المعلمه وانا بنص السالفه واسمع صوت حماتي النغور تقولي ما قلتيلنا يا فلانه وش راح تجيبين ولد ولا بنت ؟
وكل الحاريم يناظروني جيت انا انحرجت وقلت
لا هو ولد ولا بنت ما اعرف حتى اذا عرفت جنس الجنين تحسبين راح اعلمك وش جنسه يا بنات تدرون ليش حارقه نفسها تبي تعرف عشان هي عندها 4 بنات وكل حمواتي عندهن اولاد (ذكور) ومافي الا هي عندها 4 بنات وانا ما عندي الا بنت والي بطريق وهي خايفه اجيب ولد وتسير هي الوحيده بيننا ماعندها اولاد المهم وبعد ردي له قالت لي طيب وراك معصبه؟ قلت لها والله ما ادري مين الي حارق نفسه يبي ولد وبعدين عصبت ولا ما عصبت وش دخلك ؟
وقالت هي انا الي حارقة نفسي ابي ولد لا والله بناتي يسوون عشرة اولاد
قلت لها طيب انا قلت انك انتي؟
جت قالت طيب خلاص خلاص وتسد على الي بجنبها وتبدأ تسولف معها المهم وحنا جالسين هي قالت معليش بروح الحمام وبعدين جتني رساله بالموبايل سارت الرساله منها تقول فيها لوسمحتي ممكن تجين الحمام عاد انا جيت قالت لي
وراك فشلتيني عند الحاريم تراي ماقلت شي
قلت لها وانا قايله انك قايله شي وانا مافشلتك انتي الي فشلتي نفسك قالت لي شلون انا الي فشلت نفسي قلت لها انتي وش دخلك تسأليني هالسؤال متى الصداقه والموانه مشاالله ؟
قالت لابس بغيت اعرف وش جنس الجنين
قلت لها اعذريني هذا سؤال لقافه وانتي تراك حملتي بأربع بنات ولاعمري سألتك عن جنس الجنين يعني استحي شوي
قالت لي وانتي وراك قلتي حارقة نفسي ابي ولد ؟
قلت لها وراه انتي ماحرقتي نفسك تبين ولد ولا تقولين لا بناتي الاربع يسووون عشرة اولاد لا والله كل انسانه اذا سار عندها اربعة بنات اكيد تبي ولد واسكتت قالت طيب جت ام فلان
جيت رحت انا للمجلس والمهم الحادثه الثانيه كانت حماتي المعلمه عندها بنت صغيره وكانت بنتها قاعده على القعاده وهذي القعاده انا شاريتها لحماتي يوم نفاسها وحنا جالسين سهرانين في الحوش نأكل فواكهه وكانت حماتي المعلمه بجنبها بنتها قاعده بالقعاده وانا بجنب بنتها المهم جت قالت حماتي النغور لحماتي المعلمه يا فلانه من وين شريتي قعاده بنتك ؟
ردت حماتي والله هديه من فلانه الي هي انا ليه تسألين؟
قالت حماتي النغور لا والله بس حلوه لان اختي تدور لبنتها قعاده بس تكنها مو حلوه ألوانها(فاقعه) ؟
قالت حماتي المعلمه لا انا عاجبتني ألوانها
قلت انا لا والله ألوانها لا هي فاقعه ولا يحزنون يمكن عندك عمى بالوان روحي اكشفي على عيونك يا اختي
قالت لي وش بك اليوم انتي علي ؟
قلت لها انتي وش بك اليوم ايه نسيت يمكن النغر ماكلك
قالت ايه طيب طيب حلو الموز من وين شارينه يا خاله ؟
يا بنات صرفتها تدرون ليه عشان مالقتلها رد يا بعدي
المهم وش رايكم يا بنات بردودي ؟؟؟
ووشلون اعلمها اصول الادب هاذي ما تتوب ؟؟؟
((ام ضحى)) @am_dh_4
عضوة
هذا الموضوع مغلق.
سممسممه
•
وبعدين يختي عيييييييييييب المناقره رمضاااان واول شي انت تعلمي لاتردي عليها هالردود وبعدين علميها الادب الله يصلحك
الصفحة الأخيرة
وش السوالف هذي كلها مافي ولا مشكله