احسها اسأله عاديه بالمره ليش تردين عليها بقسوه

لاحول ولاقوة الا بالله ياصاحبة الموضوع ويابنات راقبو الله في كلامكم والنصيحه يابنات الله يهديكم مو كذا وحنا برمضان

لاحول ولاقوة إلا بالله العظيم ..

وش الفايده من صيام البطن إذا كان القلب مايصوم ولايتغير برمضان ؟؟
وش الفايدة نصوم عن الأكل لكن قلوبنا ماتصوم وتمتنع عن الكره والحسد والغيرة ؟؟!!
ليش يصوم البطن واللسان مايسلم منه أحد ؟؟

وين حسن الخلق .. ؟؟
تدرين ان أعظم شي بميزان المرء يوم القيامه حسن الخلق .. ابحثي في قوقل عن فضل حسن الخلق وكيف يرفع الله صاحبة في الدنيا والآخرة ..
ويختي الدنيا قصيرة وماراح تتركي غير السيرة الحسنة والذكر الطيب .. وإّا كنتي تعاملي الناس كذا وش تبغينهم يقولون بعد وفاتك >> لك طولة العمر إن شاء الله لكن كلنا بنموت اليوم ولا بكرآ
وبعدين جاوبيني وش استفدتي يوم رديتي بهالطريقة البشعة ؟
حسيتي بالانتصار ؟ نسيتي ان اللي عطاها بنات صحيحات قادر يعطيها أولاد مو بس ولد
ونسيتي ان اللي رزقك الحمل يقدر يبتليك بولد معاق أو بنت عاقة ؟؟ أو يمكن تصير خلفتك كلها بنات مثلها ؟؟
انتي جرحتيها ولو كانت أسلوبها سيء مثلك ولسانها طويل كان ردت عليك برد أسوأ من ردك وفشلتك قدام الجالسين كلهم ..؟؟ لكن لاتأمنين من دعوة تدعيها عليك عند فطورها !!!

وبعدين هي وش قالت ياكافي سألتك وش اللي ببطنك ؟؟ يعني وش بيكون صاحب الجلالة ولا الفارس المغوار اللي ماشالته بطون الحريم ؟؟ ولا ماحمل الا انتي ؟؟
ماتبين تعلمين ردي بأدب >> لكن كل إناء بمافيه ينضح وترى المحترم حتى بالزعل مايجي منه العيب !!
وسالفة الجلاسة وربي كأنها سالفة بزران .. عييييب عليكم والله !!
هي ماسألتك أساساً علشان تردين خي قالت رأ]ها ولو كان مو من الذوق انها تعلق لكن وش نقول غير الله يعينكم على أنفسكم والحمدلله اللي ماابتلاني لابسلفة ولاحماة ولا زوجة أخ مثلك ..

ياربي استغفر الله العظيم .. مارفع ضغطي موضوع بالمنتدى مثل هالموضوع .. وفرحانه فاتحة موضوع وش تبينها نقول .. صح لسانك ولا عساك ع القوة يازين ماقلتي !!
ولا نقول ايه كذا الناس مايحترمون الا القوية ؟؟

الحمدلله الذي عافاني مما ابتلاك به وفضلني على كثير ممن خلق تفضيلاً ..

اللهم ياحي ياقيوم في نهار رمضان الناس صيام أسألك أن ترزق حماة أم ضحى بنين وبنات صالحين وارزقها بر وصلاح بناتها وزوجها ياحي ياقيوم .. قولوا آآآآمين
ويهدي أم ضحى ويطهر قلبها من الكره والغيره ويطهر لسانها وينور بصيرتها ويحسن أخلاقها .. آآآمين

معليش إذا تبغين الصدق أنت شايلة عليها وجعلي ماأسألك سؤال{{كلتيها بقشورها..
ياوخيتي كثير يسألون هالسؤال
والله رحمتها يوم راحت للحمام شكلها ضاق صدرها
اللهم اسلل سخيمة صدورنا
الله يرزقها يارب الولد الصالح وينصرها على من حقرها ويسهل عليك ولادتك ويرزقك بعد بس ترفقي وأحسني الظن وأنا أختك

المشكله ياغاليتي اذا قلت انتي غلطانه بتزعلين وتقولين انصحوا بالخاص

وان قلت هي غلطانه انبسطتي وتبين الرد ع العام

عزيزتي انتي للاسف اسلوبك شوي قوي وجارح

كلنا تجينا مواقف كذا بس العاقله اللي تعرف كيف تتصرف وترد باسلوب اهدى وارقى من كذا

كل حمل لي يسالوني الناس انتي حامل بولد او بنت ياأما اقول خلوها مفاجأه او اقول انا ماكشفت ولا ابي اكشف احسن

بس حرام عليك تقولين لها انتي تبين ولد ومدري وشو

راعي مشاعر الناس حتى لو هي غيور وحاقده

خليك احسن منها وخليها تتعلم الادب والثقل منك